ସରକାରଙ୍କ ଏସମା କଟକଣା କ’ଣ ଓ ଏହାକୁ ନର୍ସ ମାନେ ନ ମାନିଲେ କ’ଣ ହେବ ଜାଣନ୍ତୁ
ଭୁବନେଶ୍ଵର; ୧୦ ଦଫା ଦାବି ନେଇ ରାଜ୍ୟର ବିଭିନ୍ନ ଡାକ୍ତରଖାନାରେ ଓଡ଼ିଶା ନର୍ସି କର୍ମଚାରୀ ସଂଘ ଆନ୍ଦୋଳନକୁ ଓହ୍ଲାଇଛି । ଦୀର୍ଘ ଦିନର ଦାବି ନେଇ ସରକାରଙ୍କୁ ଟାର୍ଗେଟ କରିଛନ୍ତି ନର୍ସ ସଙ୍ଘ । ବିଭିନ୍ନ ଦାବି ନେଇ ମାସକ ପୂର୍ବରୁ ସରକାରଙ୍କ ସହ ଆଲୋଚନା କରିଥିଲେ ,କିନ୍ତୁ ଆଲୋଚନାରେ କୌଣସି ଫଳ ନ ମିଳିବାରୁ ଆଜି ସକାଳୁ ଆନ୍ଦୋଳନରେ ବସିଛନ୍ତି ନର୍ସ ମାନେ । ଯାହା ଫଳରେ ଚିକିତ୍ସା ପାଇଁ ଆସୁଥିବା ରୋଗୀ ମାନେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି । ଅନ୍ୟପଟେ ଏହି ଆନ୍ଦୋଳନକୁ ରୋକିବାକୁ ଯାଇ ସରକାର ଏସମା କଟକଣାକୁ କଡାକଡ଼ି କରିବା ପାଇଁ ନିର୍ଦ୍ଦଶ ଦେଇଛନ୍ତି । କିନ୍ତୁ ତା ସତ୍ତ୍ୱେ ନର୍ସ ମାନେ ଧାରଣାରୁ ଓହରି ନାହାନ୍ତି । ସେମାନଙ୍କ ଦାବି ପୂରଣ ନହେବା ପର୍ଯ୍ୟନ୍ତ ସେ ଧାରଣାରୁ ଉଠିବେନି ବୋଲି ସରକାରକୁ ଚେତାବନି ଦେଇଛନ୍ତି ।
*କଣ ରହିଛି ନର୍ସଙ୍କ ଦାବି*
୨୦୧୩ ପୂର୍ବରୁ ଥି ବା ୬ବର୍ଷର ଚୁକ୍ତିଭିତ୍ତିକ ଅବଧୂକୁ ମୂଳ ଚାକିରୀରେ ମିଶାଇବା
RBSK ଅଧୀନରେ ଥିିବା ନସିଂ ଅଫିସରଙ୍କୁ ନିୟମିତ କରିବା ଏବଂ ପଦନ୍ନତି ସ୍ଥିରୀକୃତ ସମୟସୀମାକୁ କୋହଳ କରିବା
KBK ALLOWANCE
ପ୍ରସ୍ତାବିତ ଡ୍ରେସ କୋଡ ଲାଗୁ କରିବା
ନସିଂ କ୍ୟାଡ଼ରରେ ଆଉଟ ସୋର୍ସିଂ ପ୍ରଥା ଉଚ୍ଛେଦ
Compensatory Leave
AHPGIC, Cuttack କାର୍ଯ୍ୟରତ ନସିଂ ଅଫିସର ନର୍ସି କ୍ୟାଡରେ ମିଶାଇବା
ନସିଂ ଅଫିସର ମାନଙ୍କୁ CHO ପୋଷ୍ଟରୁ ଫେରାଇଆଣିବା
CHO ପୋଷ୍ଟରେ ନର୍ସି ଅଫିସର ମାନଙ୍କ ପ୍ରତି ହେଉଥିରବା ଅତ୍ୟାଚାରକୁ ରୋକିବା ।
ଆଞ୍ଚଳିକ ମେରୁଦଣ୍ଡ ଆଘାତ କେନ୍ଦ୍ର, କଟକ ନସିଂ ଅଫିସରମାନଙ୍କୁ ତୁରନ୍ତ ନିୟମିତ କରିବା । ଆଦି 10 ଦଫା ଆନ୍ଦୋଳନରେ ଅଡି ବସିଛନ୍ତି ନର୍ସ ।
ଅଗଷ୍ଟ ୭ ତାରିଖରୁ ରାଜ୍ୟରେ କାର୍ଯ୍ୟରତ ନର୍ସ, ପାରାମେଡିକ୍ସ, ଟେକ୍ନିସିଆନ୍ ଓ ଅନ୍ୟ ତୃତୀୟ ଓ ଚତୁର୍ଥ ଶ୍ରେଣୀ କର୍ମଚାରୀଙ୍କ ପାଇଁ ଏସ୍ମା ଲାଗୁ ହୋଇଛି। ଏହା ୬ମାସ ପାଇଁ ବଳବତ୍ତର ରହିବ। ନିକଟରେ ନର୍ସିଂ ସଂଘ ପକ୍ଷରୁ ମୁଖ୍ୟମନ୍ତ୍ରୀଙ୍କୁ ଦିଆଯାଇଥିବା ଦାବିପତ୍ରରେ ୨୫ ତାରିଖରୁ ଅଣଜରୁରିକାଳୀନ ସେବା ବନ୍ଦ କରିବା ନେଇ ଉଲ୍ଲେଖ କରିଛନ୍ତି।ତେଣୁ ଆନ୍ଦୋଳନକୁ ଓହ୍ଲାଉଥିବା କର୍ମଚାରୀଙ୍କ ବିରୋଧରେ ଆବଶ୍ୟକ କାର୍ଯ୍ୟାନୁଷ୍ଠାନ ଗ୍ରହଣ କରିବା ଲାଗି ନର୍ସିଂ ନିର୍ଦ୍ଦେଶାଳୟ ନିର୍ଦ୍ଦେଶ ଦେଇଛି।
କଣ ଏହି ଏସମା
ଅଧିନିୟମ ଓ ଏହାର ଲାଗୁ ଫଳରେ କର୍ମାଚାରୀଙ୍କ ଉପରେ କି ପ୍ରଭାବ ପଡ଼ିବ ଆସନ୍ତୁ ଜାଣିବା ।
ଆବଶ୍ୟକ ସେବା ରକ୍ଷଣାବେକ୍ଷଣ ଅଧିନିୟମ ବା ଏସମା । କର୍ମଚାରୀଙ୍କ ଆନ୍ଦୋଳନକୁ ରୋଗିବା ପାଇଁ ଏହି ନିୟମର ପ୍ରୟୋଗ କରାଯାଇଥାଏ । ଜରୀରୁକାଳୀନ ସେବାକୁ ସୂଚାର ରୂପେ ସଂପାଦାନ କରିବା ପାଇଁ ଏହି ଅଧିନିୟନମର ଗଠନ କରାଯାଇଥିଲା । ଏହି ନିୟମ ଲାଗୁ ପରେ ଯଦି କୌଣସି କର୍ମାଚାରୀ ଆନ୍ଦୋଳନକୁ ଓହ୍ଲାନ୍ତି ତାହାଲେ ଏହା ଏକ ଦଣ୍ଡନିୟ ଅପରାଧ ଭାବେ ଗଣା ହୁଏ । ଏବଂ ଏହି ଦଣ୍ଡ ପାଇଁ ଉକ୍ତ କର୍ମଚାରୀଙ୍କୁ ୬ମାସ ଜେଲ ଦଣ୍ଡ ଓ ୨୦୦ ଟଙ୍କା ଜରିମାନ ଦେବାକୁ ପଡ଼ିଥାଏ । ସେହିପରି ଯଦି କେହି ଆନ୍ଦୋଳନ କରିବା ପାଇଁ ପ୍ରେରିତ କରେ ତାହାଲେ ଏହି ଦଣ୍ଡ ବଢି ୧ବର୍ଷ ଜେଲ ଓ ହଜାର ଟଙ୍କା ଜରିମାନା ଆକାରରେ ନିଆଯାଇଥାଏ ।
