UPIରେ ପଇସା ପଠାଇଲେ ଏହି ବ୍ୟାଙ୍କ ଦେବ ୭୫୦୦ ଟଙ୍କା ପର୍ଯ୍ୟନ୍ତ କ୍ୟାସବ୍ୟାକ୍ …
ଘରୋଇ କ୍ଷେତ୍ରର ଡିସିବି ବ୍ୟାଙ୍କ ‘ହାପି ସେଭିଂ ଆକାଉଣ୍ଟ’ ଆରମ୍ଭ କରିଛି। ଏହି ସେଭିଂ ଆକାଉଣ୍ଟର ଖାସ୍ କଥା ହେଉଛି ଏହି ଆକାଉଣ୍ଟ ଜରିଆରେ ୟୁପିଆଇ ଟ୍ରାଞ୍ଜାକସନ୍ କଲେ ଆପଣଙ୍କୁ ୭୫୦୦ ଟଙ୍କା ପର୍ଯ୍ୟନ୍ତ କ୍ୟାସବ୍ୟାକ୍ ମିଳିବ । ଏହି କ୍ୟାସ୍ ବ୍ୟାକ୍ କେବଳ ଡେବିଟ୍ ଟ୍ରାଞ୍ଜାକ୍ସନ ଉପରେ ବ୍ୟାଙ୍କ ଦେବ, ଡିସିବି ବ୍ୟାଙ୍କ ପକ୍ଷରୁ ଜାରି ବିବୃତିରେ କୁହାଯାଇଛି ଯେ ହାପି ସେଭିଂ ଆକାଉଣ୍ଟ କିମ୍ବା ୟୁପିଆଇ ଜରିଆରେ ଡେବିଟ୍ ଟ୍ରାଞ୍ଜାକ୍ସନ ଉପରେ ଏକ ଆର୍ଥିକ ବର୍ଷରେ ୭୫୦୦ ଟଙ୍କା ପର୍ଯ୍ୟନ୍ତ କ୍ୟାସବ୍ୟାକ୍ ମିଳିବ। ଏଥିପାଇଁ ସର୍ବନିମ୍ନ ୫୦୦ ଟଙ୍କାର ୟୁପିଆଇ ଟ୍ରାଞ୍ଜାକସନ୍ କରିବାକୁ ପଡ଼ିବ।
ଡିସିବି ବ୍ୟାଙ୍କ ପକ୍ଷରୁ ଦିଆଯାଇଥିବା ସୂଚନାରେ କୁହାଯାଇଛି ଯେ ୟୁପିଆଇ ଟ୍ରାଞ୍ଜାକସନ୍ ଉପରେ କ୍ୟାସବ୍ୟାକ୍ ପାଇବାକୁ ହେଲେ ଆକାଉଣ୍ଟରେ ଅତି କମରେ ୨୫,୦୦୦ ଟଙ୍କାର ବାଲାନ୍ସ ରଖିବାକୁ ପଡ଼ିବ। ଏକ ତ୍ରୈମାସିକରେ ହୋଇଥିବା କାରବାର ଆଧାରରେ କ୍ୟାସବ୍ୟାକ୍ ଦିଆଯିବ । ଯେକୌଣସି ଆକାଉଣ୍ଟଧାରୀଙ୍କୁ ମାସକୁ ସର୍ବାଧିକ ୬୨୫ ଟଙ୍କା ଏବଂ ୭୫୦୦ ଟଙ୍କା କ୍ୟାସବ୍ୟାକ୍ ମିଳିବ।
ଡିସିବିର ହ୍ୟାପି ସେଭିଂ ଆକାଉଣ୍ଟରେ କ୍ୟାସବ୍ୟାକ୍ ସହିତ ବ୍ୟାଙ୍କ ପକ୍ଷରୁ ଗ୍ରାହକଙ୍କୁ ଆହୁରି ଅନେକ ସୁବିଧା ଦିଆଯିବ। ଏହି ଆକାଉଣ୍ଟ ରେ ଆପଣଙ୍କୁ ଅସୀମିତ ମାଗଣା ଆରଟିଜିଏସ, ଏନଇଏଫଟି ଏବଂ ଆଇଏମପିଏସ ସୁବିଧା ମିଳିବ । ଏହା ସହିତ ଆପଣଙ୍କୁ ପର୍ସନାଲ ବ୍ୟାଙ୍କିଙ୍ଗ ଏବଂ ଡିସିବି ମୋବାଇଲ ବ୍ୟାଙ୍କିଙ୍ଗର ଲାଭ ମଧ୍ୟ ମିଳିବ । ଏହାବ୍ୟତୀତ ଡିସିବି ବ୍ୟାଙ୍କର ଯେ କୌଣସି ଏଟିଏମରୁ ଡେବିଟ୍ କାର୍ଡ ରେ ଅନଲିମିଟେଡ୍ ଟ୍ରାଞ୍ଜାକ୍ସନ କରିପାରିବେ ।
