Asia Cup 2023 ; ଭାରତ – ପାକିସ୍ତାନ ମ୍ୟାଚ ପୂର୍ବରୁ ଟିମ୍ ଇଣ୍ଡିଆର ବ୍ୟାଟରଙ୍କୁ ସର୍ତକ କରାଇଲେ ଏହି ଖେଳାଳି…
କ୍ରିକେଟ୍ ପ୍ରେମୀ ଏସିଆ କପ୍ ୨୦୨୩ ରେ ଭାରତ ଏବଂ ପାକିସ୍ତାନ ମଧ୍ୟରେ ହେବାକୁ ଥିବା ମ୍ୟାଚ୍ ପାଇଁ ଉତ୍ସାହର ସହିତ ଅପେକ୍ଷା କରିଛନ୍ତି | ସେପ୍ଟେମ୍ବର ୨ ରେ ଶ୍ରୀଲଙ୍କାର କାଣ୍ଡିସ୍ଥିତ ପାଲଲେକେ କ୍ରିକେଟ୍ ଷ୍ଟାଡିୟମରେ ଦୁଇ ଦଳ ମଧ୍ୟରେ ଏହି ମ୍ୟାଚ୍ ଖେଳାଯିବ। ଏହି ମ୍ୟାଚକୁ ନେଇ ଦୁଇ ଦଳ ମଧ୍ୟରେ ବୟାନ ବାଜି ଦେଖିବାକୁ ମିଳୁଛି। ଏସିଆ କପ୍ 2023 ରେ ନେପାଳ ବିପକ୍ଷରେ ଏକ ବଡ଼ ବିଜୟ ପାଇ ସାରିବାପରେ ପାକିସ୍ତାନ ଏହି ମ୍ୟାଚରେ ଖେଳିବାକୁ ଯାଉଛି। ସେହିପରି ଭାରତୀୟ ଦଳ ନିଜର ଅଭିଯାନ ଆରମ୍ଭ କରିବ। ଏଭଳି ପରିସ୍ଥିତିରେ ବିରାଟ କୋହଲିଙ୍କ ପ୍ରଦର୍ଶନ ଉପରେ ପୁଣି ଥରେ ସମସ୍ତଙ୍କ ଆଖି ନଜର ରହିବାକୁ ଯାଉଛି।ଅନ୍ତର୍ଜାତୀୟ କ୍ରିକେଟରେ ପାକିସ୍ତାନ ବିପକ୍ଷରେ ବିରାଟ କୋହଲିଙ୍କର ବହୁତ ଭଲ ରେକର୍ଡ ରହିଛି। କୋହଲି ପାକିସ୍ତାନ ବିପକ୍ଷ ମ୍ୟାଚ୍ ପୂର୍ବରୁ ପାକ୍ ବୋଲିଂ ବିଷୟରେ ଟିମ୍ ଇଣ୍ଡିଆର ଖେଳାଳିମାନଙ୍କୁ ସର୍ତକ କରିଛନ୍ତି। କୋହଲିଙ୍କ କହିବା ଅନୁଯାୟୀ ପାକିସ୍ତାନୀ ଦଳର ବୋଲିଂ ବିଭାଗ ପାଖରେ ମ୍ୟାଚର ମୋଡ଼ ବଦଳାଇବାର କ୍ଷମତା ରହିଛି।
ପାକିସ୍ତାନ ବିପକ୍ଷ ମ୍ୟାଚ୍ ପୂର୍ବରୁ ବିରାଟ କୋହଲି ଏକ ସ୍ପୋର୍ଟସ ଚାନେଲରେ କହିଛନ୍ତି ଯେ ମୁଁ ଭାବୁଛି ଯେ ସେମାନଙ୍କ ବୋଲିଂ ୟୁନିଟ୍ ବହୁତ ଶକ୍ତିଶାଳୀ ଯାହାର ପ୍ରଭାବକୁ ନିଶ୍ଚିତ ଭାବେ ଦେଖିବାକୁ ମିଳିବ। ପାକିସ୍ତାନର ବୋଲିଂ ଅର୍ଡର ଏପରି ଯେ ଏହା ଯେକୌଣସି ମ୍ୟାଚର ଗତିକୁ ବଦଳେଇ ପାରେ। ତେଣୁ ମୁଁ ବିଶ୍ୱାସ କରେ କି ଏହି ବୋଲି ଲାଇନକୁ ସାମ୍ନା କରିବାକୁ ହେଲେ ନିଜର ସର୍ବଶ୍ରେଷ୍ଠ ପ୍ରଦର୍ଶନ ଦେବାକୁ ପଡ଼ିବ |
