LIC Policy ; ଶୀଘ୍ର କରନ୍ତୁ ଏଲଆଇସିର ଏହି ଏକକ ପ୍ରିମିୟମ ଯୋଜନା ନହେଲେ ସରିଯିବ ସମୟ …
ଭାରତୀୟ ଜୀବନ ବୀମା ନିଗମ ବିଭିନ୍ନ ସମୟରେ ଅନେକ ପ୍ରକାରର ସ୍କିମ୍ ଆରମ୍ଭ କରିଥାଏ, ଯାହା ମାଧ୍ୟମରେ ଦେଶର ବିଭିନ୍ନ ବର୍ଗର ଲୋକମାନେ ସେମାନଙ୍କ ଆବଶ୍ୟକତା ଅନୁଯାୟୀ ପଲିସି କିଣିପାରିବେ । ଏଲଆସିର ଏଭଳି ଏକ ଯୋଜନା ରହିଛି ଯାହାର ନାମ ଏଲଆଇସି ଧନ ସମୃଦ୍ଧି ଯୋଜନା ଅଟେ । ଏହା ହେଉଛି ଏକକ ପ୍ରିମିୟମ୍ ପ୍ଲାନ୍, ଯାହା ୨୦୨୩ ସେପ୍ଟେମ୍ବର ୩୦ରେ ଶେଷ ହେବ। ଏଲଆଇସି ଏହାର ଅଫିସିଆଲ ଏକ୍ସ (ଟ୍ୱିଟର) ହ୍ୟାଣ୍ଡେଲରେ ଏ ସମ୍ପର୍କରେ ସୂଚନା ଦେଇ କହିଛି ଯେ ଏହି ପ୍ଲାନ ସେପ୍ଟେମ୍ବର ୩୦ ରେ ଶେଷ ହେଉଛି । ଆପଣଙ୍କ ପାଖରେ ଏହି ସ୍କିମ୍ କିଣିବାର ଶେଷ ସୁଯୋଗ ରହିଛି ।
ଏଲଆଇସି ଧନ ସମୃଦ୍ଧି ଯୋଜନା ହେଉଛି ଏକ ନନ୍-ଲିଙ୍କ୍, , ଏକକ ପ୍ରିମିୟମ୍ ଯୋଜନା । ଏଥିରେ ନିବେଶ କଲେ ଆପଣଙ୍କୁ ଏକାସାଙ୍ଗରେ ଉଭୟ ସିକ୍ୟୁରିଟି ଓ ସେଭିଂର ଲାଭ ମିଳିବ । ଯଦି କୌଣସି ପଲିସିଧାରୀଙ୍କ ମୃତ୍ୟୁ ହୁଏ ତେବେ ଏଭଳି ପରିସ୍ଥିତିରେ ଏହି ଯୋଜନା ସେହି ବ୍ୟକ୍ତିର ପରିବାରକୁ ଆର୍ଥିକ ସହାୟତା ଯୋଗାଇଥାଏ । ଏଥିସହ ପଲିସିଧାରୀ ଜୀବିତ ଥିବା ବେଳେ ପରିପକ୍ୱତା ପରେ ଆପଣଙ୍କୁ ଏକ ନିର୍ଦ୍ଦିଷ୍ଟ ପରିମାଣର ଲାଭ ମିଳିଥାଏ । ୨୦୨୩ ଜୁନ୍ ୨୩ରେ ଏଲଆଇସି ଏହି ପଲିସି ଆରମ୍ଭ କରିଛି।
ଏଲଆଇସି ଧନ ବୃତି ପ୍ଲାନରେ ନିବେଶକଙ୍କୁ ମୋଟ ଦୁଇ ପ୍ରକାର ର ବିକଳ୍ପ ମିଳିଥାଏ । ପ୍ରଥମ ଯେଉଁଥିରେ ଆପଣଙ୍କୁ ୧.୨୫ ଗୁଣ ପର୍ଯ୍ୟନ୍ତ ବୀମା ରାଶିର ବିକଳ୍ପ ମିଳିବ । ଦ୍ବିତୀୟ ବିକଳ୍ପରେ ଆପଣ ୧୦ ଗୁଣା ପର୍ଯ୍ୟନ୍ତ ବୀମା ରାଶି ପାଇପାରିବେ। ଏହା ଏକ ନିଶ୍ଚିତ ମୃତ୍ୟୁ ଲାଭ ଭାବରେ ମିଳିପାରେ | ଏହି ପଲିସିକୁ ଆପଣ ୧୦ ବର୍ଷ, ୧୫ ବର୍ଷ କିମ୍ବା ୧୮ ବର୍ଷ ପାଇଁ ନେଇପାରିବେ । ଏହି ପଲିସିରେ ଆପଣ ୩୨ରୁ ୬୦ ବର୍ଷ ବୟସ ମଧ୍ୟରେ ବିନିଯୋଗ କରିପାରିବେ । ପରିପକ୍ୱତା ସମୟରେ ପଲିସିକୁ ମୌଳିକ ବୀମା ରାଶି ସହିତ ଆହୁରି ଅନେକ ଅତିରିକ୍ତ ସୁବିଧା ମିଳିଥାଏ ।
ଯଦି ଆପଣ ଏହି ସ୍କିମ୍ ଅଧୀନରେ ନିବେଶ କରନ୍ତି ତେବେ ଆପଣଙ୍କୁ ଆୟକରର ଧାରା ୮୦ସି ଅନୁଯାୟୀ ୧.୫ ଲକ୍ଷ ଟଙ୍କାର ରିହାତି ମିଳିବ । ଏହା ସହିତ ଯଦି ଆପଣଙ୍କୁ ଟଙ୍କା ଦରକାର ହୁଏ ତେବେ ଆପଣ ଙ୍କୁ ଏଲଆଇସି ଧନ ବିଧି ପ୍ଲାନ ବଦଳରେ ଋଣ ମଧ୍ୟ ମିଳିପାରିବ । ଯଦି ଆପଣ ମଧ୍ୟ ଏହି ପଲିସି ନେବାକୁ ଚାହୁଁଛନ୍ତି, ତେବେ ଅଫଲାଇନ ନିବେଶ ପାଇଁ ଜଣେ ଏଜେଣ୍ଟଙ୍କ ସହ ଯୋଗାଯୋଗ କରନ୍ତୁ । ଏହାବ୍ୟତୀତ କମନ୍ ପବ୍ଲିକ୍ ସର୍ଭିସ୍ ସେଣ୍ଟରରୁ ମଧ୍ୟ ପଲିସି ନେଇପାରିବେ ଅନଲାଇନରେ କିଣିବା ପାଇଁ ଆପଣ www.licindia.in ଏଲଆଇସିର ଅଫିସିଆଲ ୱେବସାଇଟକୁ ପରିଦର୍ସନ କରିପାରିବେ ।
