ସଭାରେ କୁସୁମଙ୍କୁ କାହିଁକି ଚେତାଇଦେଲେ ଜନତା… କହିଲେ କଣ…

ସୁନ୍ଦରଗଡ଼ : କୁସୁମ ମ୍ୟାଡାମ୍ ଦଳ ଛାଡନ୍ତୁନି। ପୁଣି ଜିତିବେ। ଦଳ ଛାଡିଦେଲେ ଆପଣ ହାରିଯିବେ। ଏକଥା ସିଧାସଳଖ ଗୋଟିଏ ଜନସଭାରେ ସୁନ୍ଦରଗଡ଼ ବିଧାୟକଙ୍କୁ କହିଥିଲେ ସ୍ଥାନୀୟ ବାସିନ୍ଦା ରବିଚନ୍ଦ୍ର ପଟେଲ। ଶ୍ରୀ ପଟେଲ ଏପରି କହିବା ସମୟରେ କିଛି ସମୟ ସଭାରେ ହାସ୍ୟରୋଳ ସୃଷ୍ଟି ହୋଇଥିଲା। ମଞ୍ଚରେ ଉପସ୍ଥିତ ଥିବା କୁସୁମ ଟେଟେ ବି ଏହି କଥା ଶୁଣି ହସିଦେଇଥିଲେ। କେବଳ ଶ୍ରୀମତୀ ଟେଟେ ନୁହଁନ୍ତି, ଏହି ସଭାରେ ପୂର୍ବତନ କେନ୍ଦ୍ରମନ୍ତ୍ରୀ ଜୁଏଲ ଓରାମ, ତଳସରା ବିଧାୟକ ଭବାନୀ ଶଙ୍କର ଭୋଇ ଏବଂ ସୁନ୍ଦରଗଡ଼ ପୌରାଧ୍ୟକ୍ଷ ତନୟା ମିଶ୍ର ପ୍ରମୁଖ ଉପସ୍ଥିତ ରହିଥିଲେ। ରବିଚନ୍ଦ୍ରଙ୍କ କଥା ଶୁଣି ମଞ୍ଚରେ କେହି ହସ ସମ୍ଭାଳିପାରି ନ ଥିଲେ। ସାଧାରଣ ନିର୍ବାଚନ ପୂର୍ବରୁ କୁସୁମ ଟେଟେ ଦଳ ଛାଡି ବିଜୁ ଜନତା ଦଳକୁ ଫେରି ଆସନ୍ତି ବୋଲି ସ୍ଥାନୀୟ ଅଞ୍ଚଳରେ ଚର୍ଚ୍ଚା ଜୋର ଧରିଥିଲା।