PM kissan yojana 18th installment: ଏହି ଦିନ ସରକାର ଛାଡ଼ିବାକୁ ଯାଉଛନ୍ତି ପିଏମ କିସାନ ଟଙ୍କା ? କେମିତି ଜାଣିବେ ଟଙ୍କା ଆସିଛି କି ନାହିଁ
କେନ୍ଦ୍ର ସରକାର ପ୍ରଧାନମନ୍ତ୍ରୀ କିସାନ ସମ୍ମାନ ନିଧି ଯୋଜନା ର ୧୮ ତମ କିସ୍ତି ତାରିଖ ଘୋଷଣା କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ । ୫ ଅକ୍ଟୋବର ୨୦୨୪ (ଶନିବାର) ରେ ୧୮ ତମ କିସ୍ତି ଟଙ୍କା ପ୍ରଦାନ କରିବେ ପିଏମ। ଯେଉଁଥିରେ ୧୧ କୋଟିରୁ ଅଧିକ ଚାଷୀ ଉପକୃତ ହେବେ।
ଆପଣଙ୍କୁ କହିରଖୁଛୁ ଯେ ସରକାର ପ୍ରତି ଚାରିମାସରେ ଥରେ ଏହି ଯୋଜନାର କିସ୍ତି ଟଙ୍କା ପ୍ରଦାନ କରନ୍ତି । ଚଳିତ ବର୍ଷ ଜୁନ୍ ମାସରେ ସରକାର ପ୍ରଧାନମନ୍ତ୍ରୀ କିସାନ ଯୋଜନାର ୧୭ ତମ କିସ୍ତି କୃଷକଙ୍କ ଆକାଉଣ୍ଟକୁ ଛାଡିଥିଲେ । ଯାହା ଫଳରେ ବର୍ତ୍ତମାନ ପୁଣି ଶନିବାର ଦିନ ଚାଷୀଙ୍କ ଆକାଉଣ୍ଟକୁ ୨୦୦୦ ଟଙ୍କା ଛାଡ଼ିବାକୁ ଯାଉଛନ୍ତି ସରକାର। ଏହି ଯୋଜନାରେ ପ୍ରତିବର୍ଷ ୬୦୦୦ ଟଙ୍କା କୃଷକଙ୍କ ଆକାଉଣ୍ଟକୁ ୩ଟି କିସ୍ତିରେ ଆସିଥାଏ |
ଯଦି ଆପଣ ମଧ୍ୟ ଏହି ଯୋଜନାରେ ନିଜକୁ ପଞ୍ଜୀକୃତ କରାଇଛନ୍ତି, ତେବେ ଆପଣ ସମସ୍ତ ପଦ୍ଧତି ଜାଣିବା ଉଚିତ୍ ଯାହା ଦ୍ୱାରା କି ଆପଣ ଜାଣିପାରିବେ କି ଆପଣଙ୍କର ବ୍ୟାଙ୍କ ଆକାଉଣ୍ଟରେ କିସ୍ତି ଗ୍ରହଣ କରାଯାଇଛି କି ନାହିଁ । ତେବେ କେମିତି ଜାଣିବେ ଆପଣଙ୍କ ଖାତାକୁ ଟଙ୍କା ଆସିଛି କି ନାହିଁ।
ପିଏମ କିସାନ ଯୋଜନା କିସ୍ତି ଟଙ୍କା ଛଡାଯିବା ପରେ ହଆପଣଙ୍କ ପଞ୍ଜୀକୃତ ମୋବାଇଲ୍ ନମ୍ବରକୁ ଏକ ମେସେଜ ଆସିବ | ଏହି ମେସେଜ ଜରିଆରେ ଆପଣଙ୍କୁ ସୂଚୀତ କରାଯିବ ଯେ ଆପଣଙ୍କ ଆକାଉଣ୍ଟକୁ ସ୍ଥାନାନ୍ତରିତ ହୋଇଛି କି ନାହିଁ। ଏହି ମେସେଜ ବ୍ୟାଙ୍କ ଏବଂ ସରକାରଙ୍କଠାରୁ ଆସିବ।
ତେବେ ଯଦି ଆପଣଙ୍କୁ କୌଣସି କାରଣରୁ ମେସେଜ ଯାଇ ନଥାଏ ତେବେ ଆପଣ ନିଜର ଏଟିଏମ୍ କାର୍ଡର ସହାୟତାରେ ମଧ୍ୟ ପଇସା ଆସିଛି କି ନାହିଁ ଜାଣିପାରିବେ।
