୩ ଦିନିଆ ଆମେରିକା ଗସ୍ତରେ ପ୍ରଧାନମନ୍ତ୍ରୀ ମୋଦୀ

ନୂଆଦିଲ୍ଲୀ:ଆଜି ସକାଳେ ତିନିଦିନିଆ ଆମେରିକା ଗସ୍ତରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବାହାରିଛନ୍ତି। ମିଳିଥିବା ସୂଚନା ମୁତାବକ ପ୍ରଧାନମନ୍ତ୍ରୀ ବିଳମ୍ବିତ ରାତିରେ ନ୍ୟୁୟର୍କରେ ପହଞ୍ଚିବେ। ଆମେରିକାର ରାଷ୍ଟ୍ରପତି ଜୋ ବାଇଡେନଙ୍କ ନିମନ୍ତ୍ରଣ କ୍ରମେ ମୋଦୀ ଆମେରିକା ଗସ୍ତରେ ଯାଇଥିବାବେଳେ ଏଠାରେ ସେ ଅନେକ କାର୍ଯ୍ୟକ୍ରମରେ ଅଂଶଗ୍ରହଣ କରିବେ ଏବଂ ଭାରତୀୟ ସମ୍ପ୍ରଦାୟକୁ ମଧ୍ୟ ସମ୍ବୋଧିତ କରିବେ | ପ୍ରଧାନମନ୍ତ୍ରୀ ମୋଦୀଙ୍କ ଏହି ଗସ୍ତ ସମ୍ପର୍କରେ ସୂଚନା ଦେଇ ବୈଦେଶିକ ବ୍ୟାପାର ମନ୍ତ୍ରଣାଳୟ କହିଛି ଯେ ଏହା ଏକ ଗୁରୁତ୍ୱପୂର୍ଣ୍ଣ ଗସ୍ତ। ଯେଉଁଥିରେ ଦୁଇ ଦେଶ ମଧ୍ୟରେ ବିଭିନ୍ନ ଗୁରୁତ୍ୱପୂର୍ଣ୍ଣ ପ୍ରସଙ୍ଗରେ ଆଲୋଚନା ହେବାର ଅଛି | ସୂଚନା ମୁତାବକ ଭାରତରେ ଯୁଦ୍ଧ ବିମାନର ଇଞ୍ଜିନ ନିର୍ମାଣ ପାଇଁ ଆମେରିକା ସହିତ ଏକ ଗୁରୁତ୍ୱପୂର୍ଣ୍ଣ ଚୁକ୍ତି ସ୍ୱାକ୍ଷରିତ ହୋଇଛି। ଏହି ବୈଠକ ପରେ ଇଞ୍ଜିନ ନିର୍ମାଣ କାମ ଆରମ୍ଭ ହୋଇପାରେ | ଜିଇ-ଏଫ୪୧୪ ଜେଟ୍ ଇଞ୍ଜିନର ଶତ ପ୍ରତିଶତ ଟେକ୍ନୋଲୋଜି ଦେବାକୁ ଆମେରିକା ସହିତ ଏକ ଚୁକ୍ତିନାମା ହୋଇଥିଲା | ହିନ୍ଦୁସ୍ତାନ ଏରୋନେଟିକ୍ସ ଲିମିଟେଡ଼ର ସହଯୋଗରେ ଜେନେରାଲ୍ ଇଲେକ୍ଟ୍ରିକ୍ ଏହାକୁ ଭାରତରେ ନିର୍ମାଣ କରିବ | ତେଣୁ କିଭଳି ଭାରତରେ ଇଞ୍ଜିନ ନିର୍ମାଣ ଶୀଘ୍ର ହୋଇପାରିବ, ସେବାବଦରେ ଆଲୋଚନା ହେବ | ସେହିପରି ଆମେରିକୀୟ ଭିସା ପାଇବା ପାଇଁ ଭାରତୀୟମାନଙ୍କୁ ଅଧିକ ସଂଘର୍ଷ କରିବାକୁ ପଡୁଛି | ବେଳେବେଳେ ଭିସା ପାଇବା ପାଇଁ ୬୦୦ ଦିନରୁ ଅଧିକ ସମୟ ଲାଗୁଛି | କୁହାଯାଉଛି ଯେ ମୋଦୀଙ୍କ ଆମେରିକୀୟ ଗସ୍ତ ସମୟରେ ଏହା ଉପରେ ମଧ୍ୟ ଆଲୋକପାତ କରିବେ।