Post Office ର ଏହି ଯୋଜନା ଆପଣଙ୍କ ପଇସାକୁ କରିଦେବ ଡବଲ …
ପୋଷ୍ଚଅଫିସ ବା ଡାକଘର , ଡାକଘର ତାର ଛୋଟ ସଂଚୟକୁ ନେଇ ସବୁବେଳେ ଚର୍ଚ୍ଚାରେ ଥାଏ । ତେବେ ସେହିପରି ପୁଣି ଆଉ ଏକ ଯୋଜନା ଡାକଘର ନେଇଆସିଛି ଯାହାର ନାମ ହେଉଛି କିଷାନ ବିକାଶ ପତ୍ର । ଏହି ଯୋଜନାର ସ୍ବତନ୍ତ୍ରତା ହେଉଛି କି ଏହା ଆପଣଙ୍କ ପଇସାକୁ ଦୁଇଗୁଣ ବା ଡବଲ କରିବାର ବିକଳ୍ପ ରହିଛି । ତେବେ ଆସନ୍ତୁ ଜାଣିବା ଏହି ବିକଳ୍ପ ବିଷୟରେ ।
୨୦୨୩-୨୪ ଆର୍ଥିକ ବର୍ଷର ଅକ୍ଟୋବର-ଡିସେମ୍ବର ଅବଧି ପାଇଁ ସରକାର କିଷାନ ବିକାଶ ପତ୍ର ଉପରେ ୭.୫ ପ୍ରତିଶତ ସୁଧ ଘୋଷଣା କରିଛନ୍ତି। ସେହି ଅନୁଯାୟୀ ଯଦି ଆପଣ କିଷାନ ବିକାଶ ପତ୍ରରେ ୧୧୫ ମାସ ପାଇଁ ନିବେଶ କରିବେ ତେବେ ଆପଣଙ୍କ ଟଙ୍କା ଦୁଇଗୁଣା ହୋଇଯିବ । ଉଦାହରଣ ସ୍ୱରୂପ, ଯଦି କୌଣସି ବ୍ୟକ୍ତି ୧୧୫ ମାସ ପାଇଁ ଆଜି କିଷାନ ବିକାଶ ପତ୍ରରେ ୧ ଲକ୍ଷ ଟଙ୍କା ନିବେଶ କରନ୍ତି, ତେବେ ପରିପକ୍ୱତା ପରେ ସେହି ବ୍ୟକ୍ତିଙ୍କୁ ୨ ଲକ୍ଷ ଟଙ୍କା ମିଳିବ । ଆପଣଙ୍କୁ କହିରଖୁଛୁ ଯେ ସୁଧ ହାର ବୃଦ୍ଧି ପୂର୍ବରୁ କିଷାନ ବିକାଶ ପତ୍ରରେ ଟଙ୍କା ୧୨୩ ମାସରେ ଦୁଇଗୁଣ ହେଉଥିଲା, କିନ୍ତୁ ସୁଧ ହାର ବୃଦ୍ଧି ସହିତ ଟଙ୍କା ଦ୍ୱିଗୁଣିତ ହେବାରେ ଲାଗିଥିଲା ଏବଂ ବର୍ତ୍ତମାନ ୧୧୫ ମାସରେ ଟଙ୍କା ଦ୍ୱିଗୁଣିତ ହେଉଛି ।
ଏହି ଯୋଜନାର ଆରମ୍ଭ ଆପଣ 1000 ଟଙ୍କାରୁ ନିବେଶ ଆରମ୍ଭ କରିପାରିବେ । ଅନ୍ୟପକ୍ଷରେ ଆପଣ ନିବେଶ କରିଥିବା ଟଙ୍କା ଉପରେ କୌଣଷି ଟିକସ ଲାଗିନଥାଏ । ଆୟକର ଧାରା ୮୦ସି ଅନୁଯାୟୀ କିଷାନ ବିକାଶ ପତ୍ରକୁ ଏକ ଆର୍ଥିକ ବର୍ଷରେ ହୋଇଥିବା ନିବେଶ ଉପରେ ଦେଢ଼ ଲକ୍ଷ ଟଙ୍କା ପର୍ଯ୍ୟନ୍ତ ଟିକସ ରିହାତି ମିଳିପାରିବ। ୧୦ ବର୍ଷରୁ ଅଧିକ ବୟସର ପିଲା ମାନେ ମଧ୍ୟ ଏହି ଯୋଜନାରେ ଖାତା ଖୋଲିପାରିବେ ।
