ଭୁବନେଶ୍ବର ;ଦେଶର ସାଧାରଣ ବଜେଟ୍ ଅର୍ଥମନ୍ତ୍ରୀ ନିର୍ମଳା ସୀତାରମଣ ଫ୍ରେବୃଆରି ମାସରେ ଉପସ୍ଥାପନା କରିଥିଲେ । ଏହି ବଜେଟରେ ଅନେକ ନୂତନ ଯୋଜନା ଘୋଷଣା କରାଯାଇଥିଲା । ଏବଂ ଅନେକ ଯୋଜନାରେ ପରିବର୍ତ୍ତନ ମଧ୍ୟ କରାଯାଇଥିଲା । ଏହା ସହିତ ମାସିକ ଆୟ ଯୋଜନର ଜମା ରାଶିକୁ ଦୁଇ ଗୁଣକୁ ବୃଦ୍ଧି କରାଯାଇଛି । ଅନ୍ୟପକ୍ଷରେ ଏହି ନୂତନ ଯୋଜନା ଅନୁଯାୟୀ ଡାକଘର ମାସିକ ଆୟ ଯୋଜନାରେ ବିନିଯୋଗ ପରିମାଣ ସିଧାସଳଖ ଦ୍ୱିଗୁଣିତ ହେବ । ଯେଉଁଥିରେ ଆପଣ ଗୋଟିଏ ଆକାଉଣ୍ଟରେ 4.5 ଲକ୍ଷ ଟଙ୍କା ବଦଳରେ 9 ଲକ୍ଷ ଟଙ୍କା ବିନିଯୋଗ କରିପାରିବେ । ତେବେ ଆସନ୍ତୁ ଜାଣିବା ଡାକଘର ମାସିକ ଆୟ ଯୋଜନା ବିଷୟରେ । ଡାକଘରର ଏହି ଯୋଜନା ଅଧୀନରେ ଆପଣ 7.1% ସୁଧ ହାର ଆଧାରରେ ସର୍ବାଧିକ 4.5 ଲକ୍ଷ ଟଙ୍କା ଜମା କରିପାରିବେ । ଉଦାହରଣ ସ୍ବରୁପ ଆମେ ଯଦି , 4,50,000 ଟଙ୍କା 5 ବର୍ଷ ପାଇଁ ଜମାରଖିବା ତେବେ , 7.1% ସୁଧ ହିସାବକୁ ଆଧାର କଲେ ପ୍ରତି ମାସରେ ଆମର 2662 ଟଙ୍କା ଆୟ ହୋଇଥାଏ । କିନ୍ତୁ ନୂଆ ନିଯମ ଅନୁଯାୟୀ ଆପଣ 9 ଲକ୍ଷ ଟଙ୍କା ଏଥିରେ ବିନିଯୋଗ କଲେ ଆପଣଙ୍କର ମାସିକ ଆୟ ବଢି 5324 ଟଙ୍କା ଆୟ ହେବ । ସେହିପରି ବଜେଟ୍ 2023ରେ ଘୋଷଣା କରାଯାଇଛି ଯେ ଏଥିରେ ଆପଣ 9ଲକ୍ଷରୁ 15ଲକ୍ଷ ପର୍ଯ୍ୟନ୍ତ ଡିପୋଜିଟ କରିପାରିବେ ।
କେତେ ଲୋକ ଏଥିରେ ଖାତା ଖୋଲି ପାରିବେ
ପୋଷ୍ଟ ଅଫିସ୍ ମାସିକ ଆୟ ଯୋଜନାରେ, ବର୍ତ୍ତମାନ କେବଳସ ଜଣେ ନୁହେଁ ବରଂ 3 ଜଣ ଲୋକ ମିଳିତ ଭାବରେ ଗୋଟିଏ ଆକାଉଣ୍ଟ ଖୋଲି ପାରିବେ | ଅନ୍ୟପକ୍ଷରେ, ଯଦି ଜଣେ ନାବାଳକ ଏହି ଆକାଉଣ୍ଟ ଖୋଲିବାକୁ ଚାହାଁନ୍ତି, ତେବେ ତାଙ୍କ ଅଭିଭାବକ ତାଙ୍କ ତରଫରୁ ତାଙ୍କ ପାଇଁ ଆକାଉଣ୍ଟ ଖୋଲି ପାରିବେ ।
ଏହି ଯୋଜନାର ସମୟସୀମା କେତେ ବର୍ଷ
ଏହି ଡାକଘର ମାସିକ ଯୋଜନାରେ ଆପଣ 5 ବର୍ଷ ପାଇଁ ବିନିଯୋଗ କରିପାରିବେ , ଯଦି କେହି ଚାହାଁନ୍ତି, ତେବେ ପରେ ଏହି ଆକାଉଣ୍ଟ ବନ୍ଦ କରିପାରିବେ | ଏହା ସହିତ, ଯଦି ଆକାଉଣ୍ଟଧାରୀ ସମୟସୀମା ପୂର୍ବରୁ ମରିଯାଏ, ତେବେ ଏହି ଆକାଉଣ୍ଟ ଆପେ ବନ୍ଦ ହୋଇପାରିବ, ତେବେ ଏହା ପରେ ମୃତକଙ୍କ ଜମା ରାଶି ତାଙ୍କ ପରିବାର ଲେକଙ୍କୁ ପ୍ରଦାନ କରାଯିବ ।
