ମୁଁ ଇସ୍ତଫା କାହିଁକି ଦେବି ବୋଲି କହିଲେ ସୁଜାତା, ବବି କହିଲେ ବିଜେପିର ଦମ୍ ଅଛି ଯଦି ବାନ୍ଧି ଜେଲ ନେଉ…
ଭୁବନେଶ୍ୱର : ଯାଜପୁର ବିଧାନସଭା ଆସନରେ ଉପନିର୍ବାଚନ ଚର୍ଚ୍ଚା ମଧ୍ୟରେ ପ୍ରଣବ ପ୍ରକାଶ ଦାସଙ୍କ ନୂଆ ବୟାନ ଆଲୋଚନାର କାରଣ ହୋଇଛି l
ସଭାରେ କର୍ମୀଙ୍କ ଉପସ୍ଥିତି ଓ ଉତ୍ସାହକୁ ଦେଖି ତାଙ୍କର ମନୋବଳ ଆସିଛି ବୋଲି ବବି କହିଛନ୍ତି l କେବଳ ସେତିକି ନୁହେଁ, ନୂଆ ସରକାରଙ୍କୁ ମଧ୍ୟ ସେ ଖୋଲା ଆହ୍ବାନ ଦେଇଛନ୍ତି। ଯଦି ଦୁର୍ନୀତି କରିଛି, ୪ ମାସ ହେଲାଣି ତାଙ୍କୁ ଏଯାଏ ବାନ୍ଧିନାହାନ୍ତି କାହିଁକି ବୋଲି ପ୍ରଶ୍ନ କରିଛନ୍ତି। ଜେଲ୍ରେ ପୂରାଅ କି ଫାଶୀ ଦିଅ, ହେଲେ ଯାଜପୁର ବିକାଶରେ ବାଧା ଦିଅନି ବୋଲି ବବି କହିଛନ୍ତି।
ନୂଆ ସରକାରଙ୍କୁ ଖୋଲା ଆହ୍ବାନ: ଦୁର୍ନୀତି ଯଦି କରିଛି ବାନ୍ଧୁନ କାହିଁକି?
ଫାଶୀ ଦିଅ ପଛେ, ଯାଜପୁର ବିକାଶରେ ବାଧା ଦିଅନି
ଅଶୋକ ଦାସଙ୍କ ପୁଅ ଭାବେ ତାଙ୍କର ଜେଲ୍ ଯିବାକୁ ଭୟ ନାହିଁ। ସୁଯୋଗ ଆସିଲେ ଲଢ଼ିବାକୁ ପ୍ରସ୍ତୁତ ବୋଲି ସେ କହିଥିଲେ। ମାତ୍ର ସୁଜାତା ସାହୁ ଗଣମାଧ୍ୟମ ଆଲୋଚନାକୁ ଖଣ୍ଡନ କରିଛନ୍ତି l ସେ କହିଛନ୍ତି, ତାଙ୍କୁ କେହି ଇସ୍ତଫା ଦେବା କଥା କହି ନାହାନ୍ତି l
