ମୋଦିଙ୍କ ଉପରେ ବର୍ଷିଲେ ରାହୁଲ, କିହିଲେ ଜୁନ୍ ୪ ରେ ଇଣ୍ଡିଆ ମେଣ୍ଟ ଗଢ଼ିବ ସରକାର…

ବଲାଙ୍ଗୀର; ରାହୁଲ ଗାନ୍ଧୀ ଆଜି ଓଡ଼ିଶା ଗସ୍ତ କରି ନିର୍ବାଚନ ପାଇଁ କଂଗ୍ରସ ପକ୍ଷରୁ ପ୍ରଚାର କରିଛନ୍ତି । ବଲାଙ୍ଗୀରରେ ଆୟୋଜିତ ଜନ ଆଶୀର୍ବାଦ ସଭାରେ ଯୋଗ ଦେଇ ସେ  କେନ୍ଦ୍ର ସରକାର ଓ  ନରେନ୍ଦ୍ର ମୋଦୀ ସରକାରଙ୍କୁ ସମାଲେଚନା କରିଛନ୍ତି । ଜୁନ୍ ୪ ତାରିଖରେ ଦେଶରେ ଇଣ୍ଡିଆ ମେଣ୍ଟ ସରକାର ଗଠନ ହେବ ବୋଲି ସେ ଦୃଢ଼ୋକ୍ତି ପ୍ରକାଶ କରିଛନ୍ତି । କିନ୍ତୁ ସବୁଠୁ ରୋଚକ କଥା ହେଲା ସେ ଓଡ଼ିଶା ଆସି ରାଜ୍ୟ ସରକାର ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ବିଷୟରେ ପଦୁଟୁଏ ହେଲେ କହିନାହାଁନ୍ତି  ।

ସଭାରେ ବିଜେପିକୁ ଟାର୍ଗେଟ୍ କଲେ ରାହୁଲ ଗାନ୍ଧି। ବିଜେପିର ବଡ଼ବଡ଼ ନେତା ସଂରକ୍ଷଣ ହଟାଇବା ନେଇ କହୁଛନ୍ତି। ଜୁନ୍; ୪ରେ ଇଣ୍ଡିଆ ମେଣ୍ଟ ସରକାର ଗଠନ ହେବ। ସରକାରକୁ ଆସିବା କ୍ଷଣି ଜାତି ଜନଗଣନା ହେବ, ସବୁ ବର୍ଗଙ୍କ ଗଣତି ହେବ।  ଏହାପରେ ଦେଶର ସବୁ ଗରିବଙ୍କର ଏକ ତାଲିକା ପ୍ରସ୍ତୁତ କରାଯିବ । ଏଥିରେ ଗରିବ, ଦିନ ମଜୁରିଆ ଓ ବେରୋଜଗାରଙ୍କ ନାଁ ରହିବ। ପ୍ରତି ପ୍ରତିବାରରୁ ଜଣେ ମହିଳାଙ୍କ ନାଁ ଚୟନ କରାଯିବ। କୋଟିଏ ମହିଳାଙ୍କ ଲିଷ୍ଟ ପ୍ରସ୍ତୁତ କରାଯିବ ।

ରାହୁଲ  ଆରମ୍ଭରୁ ଶେଷ ଯାଏଁ ବିଜେପି ନେତୃତ୍ତ୍ୱାଧୀନ କେନ୍ଦ୍ର ଏନଡିଏ ସରକାରଙ୍କ ବିରୋଧରେ ବର୍ଷିଥିଲେ । କହିଥିଲେ, ସେମାନେ ଜିତିଲେ ସମ୍ବିଧାନ ବଦଳାଇଦେବେ ବୋଲି କହୁଛନ୍ତି । ସଂରକ୍ଷଣ ବ୍ୟବସ୍ଥା ଉଚ୍ଛେଦ କରିଦେବାକୁ କହୁଛନ୍ତି । ପ୍ରଥମ ଥର ପାଇଁ କୌଣସି ଦଳ ଏଭଳି କହୁଛନ୍ତି । ମାତ୍ର ଦୁନିଆର କୌଣସି ଶକ୍ତି ସମ୍ବିଧାନକୁ ଛୁଇଁ ପାରିବନି ବୋଲି କହିଛନ୍ତି ରାହୁଲ  ।
।