ଖୁଚୁରା ମୁଦ୍ରାସ୍ଫୀତିରେ ହ୍ରାସ ସନ୍ତୋଷଜନକ : ଶକ୍ତିକାନ୍ତ ଦାସ
ମୁମ୍ବାଇ : ଖୁଚୁରା ମୁଦ୍ରାସ୍ଫୀତିରେ ହ୍ରାସ ଘଟିବା ବେଶ ସନ୍ତୋଷଜନକ ବୋଲି ଭାରତୀୟ ରିଜର୍ଭ ବ୍ୟାଙ୍କର ଗଭର୍ଣ୍ଣର ଶକ୍ତିକାନ୍ତ ଦାସ କହିଛନ୍ତି। ଆଜି ଜାରି ହୋଇଥିବା ସରକାରୀ ତଥ୍ୟରୁ ସ୍ପଷ୍ଟ ହୋଇଛି ଯେ ମୁଦ୍ରା ନୀତି ସଠିକ୍ ପଥରେ ରହିଛି। ତେବେ ଆଗାମୀ ଦିନରେ ସୁଧକୁ ନେଇ ରିଜର୍ଭ ବ୍ୟାଙ୍କ କିଛି ପଦକ୍ଷେପ ନେବ ନା ନାହିଁ ପ୍ରଶ୍ନକୁ ସେ ଏଡ଼ାଇ ଯାଇଛନ୍ତି। ଜି୨୦ ସେର୍ପା ଅମିତାଭ କାନ୍ତଙ୍କ ପୁସ୍ତକ ‘ମେଡ୍ ଇନ୍ ଇଣ୍ଡିଆ’ର ଉନ୍ମୋଚନ ଅବସରରେ ସେ କହିଛନ୍ତି ଯେ ଭାରତର ଅଭିବୃଦ୍ଧି ୬.୫ ପ୍ରତିଶତ ରହିବ ବୋଲି ମୁଁ ଦୃଢ଼ ଆଶାବାଦୀ ବୋଲି ଶ୍ରୀ ଦାସ କହିଛନ୍ତି ।
