‘ଟାଇଗର ୩’ ରିଲିଜରେ ପ୍ରେକ୍ଷାଳୟରେ ଫୁଟିଲା ବାଣ …

ମୁମ୍ବାଇ: ବଲିଉଡ୍ ଅଭିନେତା ସଲମାନ ଖାନଙ୍କ ଫିଲ୍ମ ‘ଟାଇଗର ୩’ ରିଲିଜ୍ ହୋଇଛି। ଏହି ଅବସରରେ ତାଙ୍କ ପ୍ରଶଂସକମାନେ ମାଲେଗାଓଁର ଏକ ଥିଏଟର ଭିତରେ ବାଣ ଫୁଟାଇଥିଲେ । ଏହାର ଏକ ଭିଡିଓ ମଧ୍ୟ ସାମ୍ନାକୁ ଆସିଛି। ଏହି ଭିଡିଓ ସାମ୍ନାକୁ ଆସିବା ପରେ ଏବେ ଏହା ଉପରେ ଦୃଢ଼ କାର୍ଯ୍ୟାନୁଷ୍ଠାନ ଦାବି ହେଉଛି। ବାସ୍ତବରେ ଦୀପାବଳି ଦିନ ‘ଟାଇଗର ୩’ ରିଲିଜ୍ ହୋଇଛି। ସଲମାନଙ୍କ ପ୍ରଶଂସକମାନେ ଏହି ଫିଲ୍ମକୁ ନେଇ ବହୁତ ଉତ୍ସାହିତ  ଅଛନ୍ତି । ସୋସିଆଲ ମିଡିଆରେ ଦେଖାଯାଉଥିବା ଭିଡିଓରେ ତାଙ୍କ କ୍ରେଜ୍ ଦେଖିବାକୁ ମିଳୁଛି।

ସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ ସେୟାର କରାଯାଇଥିବା ଏକ ଭିଡିଓରେ ଦେଖିବାକୁ ମିଳୁଛି ଯେ ମହାରାଷ୍ଟ୍ରର ନାସିକ ଜିଲ୍ଲାରେ ଅବସ୍ଥିତ ମାଲେଗାଓଁର ଏକ ଥିଏଟର ଭିତରେ ଦର୍ଶକ ବାଣ ଜାଳିବା ଫୁଟାଇଥିଲେ । ମୋହନ ସିନେମା  ପ୍ରେକ୍ଷାଳୟ ଭିତରେ ବାଣ ଫୁଟାଇବାର  ଏହି ଘଟଣା ସାମ୍ନାକୁ ଆସିଛି। ଭିଡିଓରେ ଦେଖିବାକୁ ମିଳୁଛି ଯେ ବାଣ ଫୁଟିବା ପରେ ଲୋକେ ଭୟଭୀତ ହୋଇ ବୁଲୁଛନ୍ତି। ଏହି ଘଟଣାକୁ ନେଇ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବା କୁ ଲୋକେ ଦାବି କରିଛନ୍ତି।

ଇଣ୍ଡିଆ ଟୁଡେର ରିପୋର୍ଟ ଅନୁଯାୟୀ, ପୁଲିସ ଏବେ ଏହି ମାମଲାରେ ତଦନ୍ତ ଆରମ୍ଭ କରିଛି। କ୍ୟାଣ୍ଟନମେଣ୍ଟ ଥାନାରେ ମୋହନ ଥିଏଟର ବିରୋଧରେ ୧୧୨ ଧାରାରେ ଏକ ମାମଲା ରୁଜୁ ହୋଇଛି। ଏଥିସହ ୨ ଜଣଙ୍କୁ ଅଟକ ରଖାଯାଇଛି। ସଲମାନଙ୍କ ପ୍ରଶଂସକମାନେ କେବଳ ମାଲେଗାଓଁର ଥିଏଟରରେ ବାଣ ଫୁଟାଇନାହାନ୍ତି ତାହା ନୁହେଁ ବରଂ ଦେଶର ଅନେକ ସହରରେ ଏହି ଘଟଣା ସାମ୍ନାକୁ ଆସିଛି । ସଲମାନ ଖାନଙ୍କ ପ୍ରଶଂସକମାନେ ଦେଶର ଅନେକ ଥିଏଟରରେ ମଧ୍ୟ ବାଣ ଫୁଟାଉଥିବାର ଦେଖିବାକୁ ମିଳିଛି ।