ବୋକା ବନାଉଛନ୍ତି ସମ୍ବିତ ପାତ୍ର, ନିଜ ଅଜାଣତରେ ସାଥ୍ ଦେଉଛନ୍ତି ବିଜେଡି କର୍ମୀ
ପୁରୀ: ସାମାଜିକ ଗଣମାଧ୍ୟମରେ କେତେକ ଫେସବୁକ୍ ଏବଂ ଟୁଇଟର ପୋଷ୍ଟ, ବିଜେପି ସମର୍ଥିତ ବ୍ୟାପକ ୟୁ ଟ୍ୟୁବ୍ ଚ୍ୟାନେଲରେ ଗୋଟିଏ ବିଷୟକୁ ବ୍ୟାପକ ଭାବେ କୁହାଯାଉଛି। ଏହାକୁ ପ୍ରଚାର ପ୍ରସାର କରିବା ପାଇଁ ବିଭିନ୍ନ ସୂତ୍ରରୁ ଆୟ ମଧ୍ୟ ଆସୁଛି। ଏହା ହେଉଛି ପୁରୀ ଲୋକସଭାରେ ଏଥର ସମ୍ବିତ ଜିତିବେ। ସମ୍ବିତ ଭଲ ବୁଲୁଛନ୍ତି। ହେଲେ ଏହି ଖବର ପ୍ରାୟୋଜକ ତାହା ବିଜେଡି ବୁଝିବାରେ ଅସମର୍ଥ ହେଉଛି।
ପୁରୀ ଜିଲ୍ଲାରେ ପୁରୀ ଏବଂ ବ୍ରହ୍ମଗିରୀ ବିଜେପି ବିଧାୟକ ରହିଛନ୍ତି। ପୁରୀ ବିଧାୟକ ନିଜକୁ ବିଜେପି କାର୍ଯ୍ୟକ୍ରମ ଅପେକ୍ଷା ସ୍ୱାଧିନ ଭାବେ ଅଧିକ ବ୍ୟବହାର କରୁଛନ୍ତି। ବ୍ରହ୍ମଗିରୀ ବିଧାୟକଙ୍କ ପ୍ରଦର୍ଶନ ଦାଣ୍ଡରେ ପଡି ହାଟରେ ଗଡୁଛି। ବ୍ରହ୍ମଗିରୀ ବିଧାୟକ ଏବଂ ତାଙ୍କ ଝିଆରୀ ମଧ୍ୟରେ ବିବାଦ ଥିବା କଥା ମଧ୍ୟ ଗଣମାଧ୍ୟମରେ ପ୍ରକାଶ ପାଇଛି। ଗତ ପଞ୍ଚାୟତ ନିର୍ବାଚନରେ ବିଜେଡି ବ୍ରହ୍ମଗିରୀରେ ବହୁତ ଭଲ ପ୍ରଦର୍ଶନ କରିଥିଲା। ଲୋକସଭା ନିର୍ବାଚନ ପରେ ସମ୍ବିତ ଆଉ କର୍ମୀଙ୍କୁ ଦେଖା ଦେଇ ନ ଥିଲେ।ତେଣୁ ଏହି ରାଗ ସମ୍ବିତଙ୍କ ଉପରେ ରହିଛି। ଏହା ପୁରୀ, ବ୍ରହ୍ମଗିରୀ, ସତ୍ୟବାଦୀ ଏବଂ ପିପିଲିରେ ସ୍ପଷ୍ଟ ଦେଖାଯାଉଛି। ନୟାଗଡ ଏବଂ ରଣପୁରରେ ସମ୍ବିତଙ୍କର ଏତେଟା ପ୍ରଭାବ ନାହିଁ। ଚିଲିକାରେ ପୂର୍ବରୁ ବିଜେପି ଜିତିଥିବାରୁ ଏଠାରୁ ଶ୍ରୀ ପାତ୍ର ଭଲ କରିବେ ବୋଲି ସୋସିଆଲ ମିଡିଆରେ ଛଡା ଯାଉଛି। ଏପରି ଏକ ବାତାବରଣ ସୃଷ୍ଟି କରି ସମ୍ବିତଙ୍କ ସପକ୍ଷରେ ବାତାବରଣ କରାଯାଉଛି।
ଆଗାମୀ ଦିନରେ ମାସିକ ଏ ବାବଦରେ 20ରୁ 25 ଲକ୍ଷ ଟଙ୍କା ଖର୍ଚ୍ଚ ହେବାକୁ ଯାଉଛି। ବର୍ତ୍ତମାନ ଖର୍ଚ୍ଚ ସଂଖ୍ୟା 15 ଲକ୍ଷରେ ରହିଛି। ପୁରୀ ଜିଲ୍ଲା ଏବଂ ସଂସଦୀୟ କ୍ଷେତ୍ରରେ ବିଜେଡି ସପକ୍ଷରେ ଏକତରଫା ଭୋଟିଂ କରିବା ପାଇଁ ଏକାଧିକ ଗେମ୍ ପ୍ଲାନ ରହିଛି। ଏହା ମଧ୍ୟରେ ଅରୁଣ ସାହୁଙ୍କୁ ଲୋକସଭା ପ୍ରାର୍ଥୀ କରିବା ହେଉ କି, ପ୍ରତ୍ୟୁଷାଙ୍କୁ ବିଜେଡି ଆଣିବା..ଏପରିକି ଲୁଲୁ ତନୟା ଉପାସନା ମହାପାତ୍ରଙ୍କୁ ନେଇ ମଧ୍ୟ ଚର୍ଚ୍ଚା ଜାରି ରହିଛି। ପୁରୀରେ ବିଜେପି ପ୍ରାର୍ଥୀ କିଏ, ତାହା ବିଜେପି କର୍ମୀଙ୍କୁ ଜଣା ନାହିଁ। ତେଣୁ ପରିସ୍ଥିତି ବିଜେପି ପ୍ରତି ପ୍ରତିକୂଳ ରହିଛି। ଏହି ପରିସ୍ଥିତିରେ ସମ୍ବିତଙ୍କ ସାମାଜିକ ଗଣମାଧ୍ୟମ ଏବଂ ୟୁଟ୍ୟୁବ୍ ବ୍ୟବହାରକାରୀଙ୍କୁ ବ୍ୟବହାର କରି ଏକ ବାତାବରଣ ପ୍ରସ୍ତୁତ କରିବା ନିର୍ବାଚନରେ ମହଙ୍ଗା ପଡିପାରେ ବୋଲି ସମୀକ୍ଷକ ମାନେ ମତ ଦେଇଛନ୍ତି।
