ତୃତୀୟ ଥର ପାଇଁ ତାରକା ପ୍ରଚାରକ ତାଲିକାରୁ ବାଦ୍ ପଡ଼ିଲେ ସଞ୍ଜୟ, ଦଳୀୟ ମୁଖ୍ୟାଳୟ ଦାୟିତ୍ୱରୁ ବିଦା କରିବାକୁ ଚିନ୍ତା କରୁଛି ତୃତୀୟ ମହଲା

ଭୁବନେଶ୍ୱର,୨୦/୪(ବ୍ଯୁରୋ): ପ୍ରଥମେ ଭଦ୍ରକ ଜିଲ୍ଲାର ଧାମ ନଗର, ପରେ ବରଗଡ଼ ଜିଲ୍ଲାର ପଦ୍ମପୁର, ଏବେ ଝାରସୁଗୁଡ଼ା ଉପ ନିର୍ବାଚନରେ ସଞ୍ଜୟ ଦାସବର୍ମାଙ୍କୁ ପ୍ରଚାର ତାଲିକାରୁ ବିଜେଡି ବାଦ୍ ଦେଇଛି। ଦଳୀୟ ସାଧାରଣ ସମ୍ପାଦକ- ମୁଖ୍ୟାଳୟ ଦାୟିତ୍ୱରେ ଥିବା ଦାସବର୍ମାଙ୍କୁ ତାଲିକାରୁ ବାଦ୍ ଦେବାକୁ ନେଇ ରାଜନୈତିକ ମହଲରେ ଚର୍ଚା୍ ଜାରି ରହିଛି। ଦଳୀୟ ଶୀର୍ଷ ସିଣ୍ଡିକେଟ୍ କଥାରେ ପରିଚାଳିତ ନ ହେବାରୁ ଏହି ଆଭିମୁଖ୍ୟ ପୋଷଣ କରାଯାଇଥିବା ଜଣାପଡିଛି। ଖୁବ୍ ଶୀଘ୍ର ତାଙ୍କୁ ଦଳୀୟ ସାଧାରଣ ସମ୍ପାଦକ-ଦଳୀୟ ମୁଖ୍ୟାଳୟ ପଦରୁ ମଧ୍ୟ ବାଦ୍ ଦିଆଯିବ ବୋଲି ଜଣାପଡିଛି। ତାଙ୍କ ସ୍ଥାନରେ ଅତନୁ ସବ୍ୟସାଚୀ ନାୟକ କିମ୍ବା ଦେବୀ ପ୍ରସାଦ ମିଶ୍ରଙ୍କୁ ଏହି ଦାୟିତ୍ୱ ପ୍ରଦାନ କରାଯିବ ବୋଲି ଜଣାପଡିଛି। ଉଲ୍ଲେଖଯୋଗ୍ଯ, ଆସନ୍ତା ଅକ୍ଷୟ ତୃତୀୟ ତଥା ଏପ୍ରିଲ ମାସ 23 ତାରିଖରେ ବିଜେଡିର ନୂତନ କାର୍ଯ୍ୟାଳୟର ଶୁଭ ଉଦଘାଟନ ହେବ। ଏହି ଦିନ ନୂତନ କର୍ମକର୍ତ୍ତାଙ୍କ ପାଇଁ ସ୍ୱତନ୍ତ୍ର କଠୋରୀର ମଧ୍ୟ ଉଦଘାଟନ ହେବାର ରହିଛି।