ଦୈନିକ ୭ ଟଙ୍କା ସଞ୍ଚୟ କରି ମାସକୁ ପାଆନ୍ତୁ ୫ ହଜାର ଟଙ୍କା

ଆଜିର ଯୁଗରେ ଅନେକ ନିବେଶ ବିକଳ୍ପ ରହିଛି । ଏମିତି କିଛି ସ୍କିମ୍ ରହିଛି ଯେଉଁଥିରେ କମ୍ ଟଙ୍କା ବିନିଯୋଗ କରି ଅଧିକ ଲାଭ ଆପଣ ମାନେ ପାଇପାରିବେ । ଆଜି ଆମେ ଏମିତି ଏକ ସ୍କିମ୍ କହିବାକୁ ଯାଉଛୁ ଯାହା କେବଳ ଏକ କପ୍ ଚା’ର ଦାମରେ ଆପଣ ପ୍ରତି ମାସରେ ପାଞ୍ଚ ହଜାର ଟଙ୍କା ସଞ୍ଚୟ କରିପାରିବ।  ଏହା ଏକ ସରକାରୀ ଯୋଜନା, ଯାହାକୁ ଅଟଳ ପେନସନ ଯୋଜନା କୁହାଯାଏ । ଅଟଳ ପେନସନ ଯୋଜନାରେ ଯଦି ଆପଣ ୧୮ ବର୍ଷ ବୟସରେ ପ୍ରତିଦିନ ୭ ଟଙ୍କା ସଞ୍ଚୟ କରି ମାସିକ ନିବେଶ ଆରମ୍ଭ କରନ୍ତି ତେବେ ଅବସର ପରେ ଆପଣଙ୍କୁ ମାସିକ ପାଞ୍ଚ ହଜାର ଟଙ୍କା ପେନସନ ମିଳି ପାରିବ ।

ଯଦି ଆପଣ ୧୮ ବର୍ଷ ବୟସରୁ ନିବେଶ କରିବା ଆରମ୍ଭ କରନ୍ତି ତେବେ ଆପଣଙ୍କୁ ପ୍ରତି ମାସରେ ଅତି କମରେ ୨୧୦ ଟଙ୍କା ନିବେଶ କରିବାକୁ ପଡିବ । ଅର୍ଥାତ୍ ପ୍ରତିଦିନ ୭ ଟଙ୍କା ସଞ୍ଚୟ କରି ଆପଣ ୨୧୦ ଟଙ୍କା ଜମା କରିପାରିବେ। ୬୦ ବର୍ଷ ପରେ ଅର୍ଥାତ୍ ଅବସର ନେବା ପରେ ପରିପକ୍ୱତା ପୂରଣ ହେଲେ ଆପଣଙ୍କୁ ପ୍ରତି ମାସରେ ୫୦୦୦ ଟଙ୍କା ପେନସନ ଦିଆଯିବ ।  ତେବେ ଯଦି ଆପଣ ୨୫ ବର୍ଷ ବୟସରୁ ଅଟଳ ପେନସନ ଯୋଜନାରେ ନିବେଶ କରିବା ଆରମ୍ଭ କରନ୍ତି ତେବେ ଆପଣଙ୍କୁ ମାସିକ ୩୭୬ ଟଙ୍କା ନିବେଶ କରିବାକୁ ପଡିବ । ୩୦ ବର୍ଷ ବୟସରେ ଆପଣଙ୍କୁ ୫୭୭ ଟଙ୍କା ଏବଂ ୩୫ ବର୍ଷ ବୟସରେ ମାସିକ ୯୦୨ ଟଙ୍କା ନିବେଶ କରିବାକୁ ପଡିବ । ଯଦି ଆପଣ ସେହି ଅନୁଯାୟୀ ନିବେଶ କରିବା ଆରମ୍ଭ କରନ୍ତି, ତେବେ ଆପଣ ମାସିକ ୫ ହଜାର ଟଙ୍କା ପେନସନ୍ ପାଇବାକୁ ହକଦାର ହେବେ ।

ତେବେ ଏହି ଅଟଳ ପେନସନ ଯୋଜନା କେନ୍ଦ୍ର ସରକାରଙ୍କ ଦ୍ୱାରା ୨୦୧୫-୧୬ରେ  ପରିଚାଳିତ କରାଯାଇଥିଲା। । ଏହା ଏକ ନିଶ୍ଚିତ ମାସିକ ପେନସନ ଯୋଜନା । ଏହି ଯୋଜନା ଶ୍ରମିକ ଏବଂ ଆର୍ଥିକ ଦୃଷ୍ଟିରୁ ଦୁର୍ବଳ ଲୋକଙ୍କ ପାଇଁ ଆରମ୍ଭ କରାଯାଇଥିଲା । ଏଥିରେ ୧୦ ଟଙ୍କାରୁ ୫୦୦୦ ଟଙ୍କା ପର୍ଯ୍ୟନ୍ତ ପେନସନ ଦିଆଯାଏ । ଏଥିସହିତ ଆପଣ ଏଥିରେ ୧୮ ବର୍ଷରୁ ୪୦ ବର୍ଷ ପର୍ଯ୍ୟନ୍ତ ନିବେଶ କରିପାରିବେ।