ନେତାଙ୍କୁ ନେଇଯିବା ସହଜ, ଜନତାଙ୍କୁ ବିଜେପି କେମିତି ନବ : ଶରଦ ପାଓ୍ୱାର

ନାସିକ୍ : ଆସନ୍ତା ଲୋକସଭା ନିର୍ବାଚନରେ କୌଣସି ପ୍ରକାରରେ କ୍ଷମତା ହାସଲ କରିବାକୁ ବିଜେପି ଚାହୁଁଛି। ତେଣୁ ଶକ୍ତିଶାଳୀଥିବା ଆଞ୍ଚଳିକ ଦଳଗୁଡିକୁ ଶକ୍ତିହୀନ କରିବାକୁ ଚେଷ୍ଟା କରୁଛି। ଏହି କ୍ରମରେ ଶିବସେନା,ଏନସିପି, ଜେଡିୟୁ ଇତ୍ୟାଦି ଦଳକୁ ଟାର୍ଗେଟ କରୁଥିବା ଶରଦ ପାଓ୍ୱାର କହିଛନ୍ତି। ମହାରାଷ୍ଟ୍ରର ନାସିକ୍ ସହରରେ ବକ୍ତବ୍ୟ ରଖି ଶ୍ରୀ ପାଓ୍ୱାର ଏହା କହିଛନ୍ତି।

ଶରତ କହିଛନ୍ତି ଯେ,  ବିଜେପି ଦେଶର ବିଭିନ୍ନ ରାଜ୍ୟରେ ଶକ୍ତିଶାଳୀ ଥିବା ଆଞ୍ଚଳିକ ଦଳଗୁଡ଼ିକୁ ମାଟିରେ ମିଶାଇବାକୁ ଚେଷ୍ଟା କରୁଛି। ପ୍ରତିଦିନ ଏହି ଦଳଗୁଡିକୁ ଭାଙ୍ଗିବାକୁ ଚେଷ୍ଟା କରୁଛି। ହେଲେ ସାଧାରଣ ଜନତା ସବୁ ଦେଖୁଛନ୍ତି। ନିର୍ବାଚନରେ ସେ ବିଜେପିକୁ ଉଚିତ ଜବାବ୍ ଦେବେ। କୌଣସି ଦଳର ନିର୍ବାଚିତ ପ୍ରତିନିଧିଙ୍କୁ କିଣିବା ସହଜ ମାତ୍ର ସାଧାରଣ ଭୋଟର କିମ୍ବା ଜନତାଙ୍କୁ ନୁହେଁ। ତେଣୁ ଜନତା ଦରବାରକୁ ସେ ଓହ୍ଲାଇଥିବା ଶ୍ରୀ ପାଓ୍ୱାର କହିଛନ୍ତି।  ତାଙ୍କ ଦଳକୁ ପୁନରୁତ୍ଥାନ କରିବାକୁ ତିନିମାସ ଲାଗିବ ବୋଲି ଶରଦ ଦୃଢୋକ୍ତି ପ୍ରକାଶ କରିଛନ୍ତି। ଶରଦ ଆହୁରି କହିଛନ୍ତି ଯେ,  ମୁଁ ନେହେରୁ, ଇନ୍ଦିରା ଗାନ୍ଧି, ରାଜୀବ ଗାନ୍ଧି, ଅଟଳ ବିହାରୀ ବାଜପେୟୀ, ପିଭି ନରସିଂହା ରାଓଙ୍କ ରାଜନୀତି ଦେଖିଛି। ସେମାନେ କେବେ ବିରୋଧିଙ୍କୁ ନଷ୍ଟ କରିବାକୁ ଚେଷ୍ଟା କରିନାହାନ୍ତି କହି ବିଜେପିକୁ ଛିଗୁଲାଇଛନ୍ତି।