କର୍ଣ୍ଣାଟକ ନିର୍ବାଚନରେ ୬ ଓଡ଼ିଆ ଅଧିକାରୀ ପର୍ଯ୍ୟବେକ୍ଷକ
ନୂଆଦିଲ୍ଲୀ ,୧୫/୪: କର୍ଣ୍ଣାଟକ ବିଧାନସଭା ନିର୍ବାଚନର ତଦାରଖ ପାଇଁ ଭାରତର ନିର୍ବାଚନ ଆୟୋଗ (ଇସିଆଇ)ଙ୍କ ଦ୍ବାରା ୧୨୯ ସାଧାରଣ ଓ ୩୭ ପୋଲିସ ପର୍ଯ୍ୟବେକ୍ଷକଙ୍କୁ ନିଯୁକ୍ତ କରାଯାଇଛି। ଇସିଆଇଙ୍କ ଦ୍ବାରା ଜାରି ସାଧାରଣ ପର୍ଯ୍ୟବେକ୍ଷକ ତାଲିକାରେ ଛଅ ଓଡ଼ିଆ ଅଧିକାରୀ ରହିଛନ୍ତି l
ଏହି ଅଧିକାରୀମାନେ ହେଉଛନ୍ତି – ଓଡ଼ିଶାର ଆଇଏଏସ୍ ଅଧିକାରୀ ସୁଧାଂଶୁ ମୋହନ ସାମଲ। ତେଲେଙ୍ଗାନା କ୍ୟାଡର ଆଇପିଏସ ଡ.ସୌମ୍ୟା ମିଶ୍ର, ଓଡିଶା କ୍ୟାଡର୍ ଆଇପିଏସ୍ ରାଜେଶ କୁମାର, ସତୀଶ କୁମାର ଗଜଭିୟେ, ଅବିନାଶ କୁମାର ଓ ଆନ୍ଧ୍ରପ୍ରଦେଶ କ୍ୟାଡର ଆଇପିଏସ୍ ଅଭିଷେକ ମହାନ୍ତି। ଉପରୋକ୍ତ ଅଧିକାରୀମାନେ ଚଳିତ ମାସ ୨୦ରୁ ଆସନ୍ତାମାସ ୧୦ ପର୍ଯ୍ୟନ୍ତ କର୍ଣ୍ଣାଟକର ବିଭିନ୍ନ ନିର୍ବାଚନ କ୍ଷେତ୍ରରେ ମୁତୟନ ହେବେ।
