Post Office Saving Account; ଡାକଘରେ ଖାତା ଖୋଲିବାକୁ ଯାଉଛନ୍ତି କି ତେବେ ଜାଣି ନିଅନ୍ତୁ ଏହି ନିୟମ ବିଷୟରେ…
ଡାକଘରର ସାରା ଦେଶରେ କୋଟି କୋଟି ଗ୍ରାହକ ଅଛନ୍ତି ଯେଉଁମାନଙ୍କ ପାଇଁ ଏହା ବିଭିନ୍ନ ଯୋଜନା କାର୍ଯ୍ୟକାରୀ କରୁଛି । ବ୍ୟାଙ୍କ ପରି, ଆପଣ ମଧ୍ୟ ଡାକଘରକୁ ଯାଇ ଏକ ପୋଷ୍ଟ ଅଫିସ୍ ସେଭିଂ ଆକାଉଣ୍ଟ ଖୋଲିପାରିବେ, ଯେଉଁଥିରେ ଆପଣ ସୁରକ୍ଷା ସହିତ ଭଲ ରିଟର୍ଣ୍ଣର ଗ୍ୟାରେଣ୍ଟି ପାଇପାରିବେ । ଯଦି ଆପଣ ଡାକଘରେ ଏକ ସେଭିଂ ଆକାଉଣ୍ଟ ଖୋଲିବାକୁ ଭାବୁଛନ୍ତି , ତେବେ ଏହି ଖବର ଆପଣଙ୍କ ପାଇଁ ଉପଯୋଗୀ ଅଟେ । ତେବେ କିଛି ଦିନ ହେବ ଡାକଘରେ ସଞ୍ଚୟ ଖାତା ନିୟମରେ କିଛିଟା ପରିବର୍ତ୍ତନ କରାଯାଇଛି । ଏକ ରିପୋର୍ଟ ଅନୁଯାୟୀ, ଜୁଲାଇ ୩ରେ ଇ-ନୋଟିଫିକେସନ ପ୍ରକାଶ କରି ଅର୍ଥ ମନ୍ତ୍ରଣାଳୟ ଡାକ ବିଭାଗର ସଞ୍ଚୟ ଖାତା ପରିବର୍ତ୍ତନ ବିଷୟରେ ସୂଚନା ଦେଇଛନ୍ତି । ସୂଚନାଯୋଗ୍ୟ ଯେ ଖାତାଧାରୀଙ୍କ ସୁବିଧା ପାଇଁ ଏହି ସମସ୍ତ ପରିବର୍ତ୍ତନ କରାଯାଇଛି । ଏପରି ପରିସ୍ଥିତିରେ ଯଦି ଆପଣ ଡାକଘରେ ଏକ ସେଭିଂ ଆକାଉଣ୍ଟ ଖୋଲିବାକୁ ଯାଉଛନ୍ତି, ତେବେ ଏହି ନିୟମଗୁଡ଼ିକ ବିଷୟରେ ଜାଣିବା ନିହାତି ଆବଶ୍ୟକ । ପୂର୍ବରୁ ଡାକଘର ଗ୍ରାହକଙ୍କୁ ମିଳିତ ଆକାରରେ କେବଳ ଦୁଇ ଜଣଙ୍କ ସହିତ ଆକାଉଣ୍ଟ ଖୋଲିବାକୁ ଅନୁମତି ଦେଉଥିଲା, ଯାହା ବର୍ତ୍ତମାନ ତିନି ଜଣକୁ ବୃଦ୍ଧି କରାଯାଇଛି। ଏଭଳି ପରିସ୍ଥିତିରେ, ବର୍ତ୍ତମାନ ତିନି ଜଣ ଲୋକ ଏକକାଳୀନ ଡାକଘରେ ଏକ ସେଭିଂ ଆକାଉଣ୍ଟ ଖୋଲିପାରିବେ ।
ସେହିପରି ଆଉ ଏକ ନିୟମରେ ମଧ୍ୟ ପରିବର୍ତ୍ତନ କରଯାଇଛି । ଆକାଉଣ୍ଟରୁ ଟଙ୍କା ଉଠାଇବା ପାଇଁ ନିୟମରେ ଅନେକ ପରିବର୍ତ୍ତନ କରିଛନ୍ତି । ବର୍ତ୍ତମାନ ଗ୍ରାହକମାନଙ୍କୁ ଡାକଘର ସଞ୍ଚୟ ଆକାଉଣ୍ଟରୁ ଟଙ୍କା ଉଠାଇବା ପାଇଁ ଫର୍ମ ୨ ବଦଳରେ ଫର୍ମ ୩ ଦାଖଲ କରିବାକୁ ପଡିବ । ଏହି ପରିବର୍ତ୍ତନ ପରେ, ବର୍ତ୍ତମାନ ଗ୍ରାହକ କେବଳ ପାସବୁକ୍ ଦେଖାଇ ଆକାଉଣ୍ଟରୁ ଅତି କମରେ ୫୦ ଟଙ୍କା ଉଠାଇ ପାରିବେ । ଏହାପୂର୍ବରୁ ୫୦ ଟଙ୍କା ପାଇଁ ମଧ୍ୟ ଫର୍ମ ୨ ପୂରଣ କରି ପାସବୁକ୍ ସାଇନ୍ କରି ଟଙ୍କା ଉଠାଇ ବାକୁ ପଡୁଥିଲା ।
