ODI WORLD CUP 2023 ; ଅଶ୍ୱିନ ହୋଇପାରନ୍ତି ଟିମ୍ ଇଣ୍ଡିଆର ଟ୍ରମ୍ପକାର୍ଡ ..
ବିଶ୍ୱକପ ୨୦୨୩ ପାଇଁ ଭାରତୀୟ ଦଳରେ ଏକ ବଡ଼ ପରିବର୍ତ୍ତନ ଦେଖିବାକୁ ମିଳିଛି । ଷ୍ଟାର ସ୍ପିନର ଆର ଅଶ୍ୱିନ ଅଲରାଉଣ୍ଡର ଅକ୍ଷର ପଟେଲଙ୍କ ସ୍ଥାନ ନେଇଛନ୍ତି । ପଟେଲ ଆହତ କାରଣରୁ ଦଳଠାରୁ ଦୂରରେ ଥିଲେ। ଏଥି ସହିତ ଅଶ୍ୱିନଙ୍କୁ ବିଶ୍ୱକପ ପୂର୍ବରୁ ଅଷ୍ଟ୍ରେଲିଆ ବିପକ୍ଷରେ ଖେଳାଯାଇଥିବା ଦିନିକିଆ ସିରିଜ ପାଇଁ ଦଳ ସହିତ ଯୋଡି ହୋଇଥିଲେ । ଯେଉଁଥିରେ ସେ ବଲ ସହିତ ଚମତ୍କାର ପ୍ରଦର୍ଶନ କରି ଚୟନକର୍ତ୍ତାଙ୍କୁ ପ୍ରଭାବିତ କରିଥିଲେ। ଅକ୍ଷରଙ୍କ ଆଘାତ ଅଶ୍ୱିନଙ୍କ ପାଇଁ ଏକ ସୁଯୋଗ ବୋଲି ପ୍ରମାଣିତ ହୋଇଛି।
ଅଷ୍ଟ୍ରେଲିଆ ବିପକ୍ଷ ଦିନିକିଆ ସିରିଜର ଦୁଇଟି ମ୍ୟାଚ୍ରେ ଅଶ୍ୱିନ ୪ଟି ୱିକେଟ୍ ନେଇଥିଲେ । ଏହି ସିରିଜ୍ ମାଧ୍ୟମରେ ଦୀର୍ଘ ସମୟ ପରେ ଅଶ୍ୱିନ ଦିନିକିଆରେ ପ୍ରତ୍ୟାବର୍ତ୍ତନ କରିଥିଲେ । ଏହାପୂର୍ବରୁ ଅଶ୍ୱିନ ୨୧ ଜାନୁୟାରୀ ୨୦୨୨ ରେ ଭାରତ ପାଇଁ ତାଙ୍କର ଶେଷ ଦିନିକିଆ ମ୍ୟାଚ୍ ଖେଳିଥିଲେ। କିନ୍ତୁ ବର୍ତ୍ତମାନ ତାଙ୍କୁ ମେଗା ଇଭେଣ୍ଟ ପାଇଁ ଭାରତୀୟ କ୍ରିକେଟ୍ ଦଳର ଏକ ଅଂଶ କରାଯାଇଛି । ସେ ଏପର୍ଯ୍ୟନ୍ତ ଭାରତ ପାଇଁ ୧୧୫ ଟି ଦିନିକିଆ ମ୍ୟାଚ୍ ଖେଳିଛନ୍ତି । ୨୦୧୧ ଦିନିକିଆ ବିଶ୍ୱକପରେ ମଧ୍ୟ ଆଶ୍ୱିନଙ୍କୁ ସ୍ଥାନ ମିଳିଥିଲା।
ଅଶ୍ୱିନ୍ ଜଣେ ଏପରି ଖେଳାଳି ଯିଏ ଭାରତ ପାଇଁ ତିନୋଟି ଫର୍ମାଟ୍ ଖେଳନ୍ତି । ଏପର୍ଯ୍ୟନ୍ତ ସେ ୯୪ ଟି ଟେଷ୍ଟ, ୧୧୫ ଟି ଦିନିକିଆ ଏବଂ ୬୫ ଟି -୨୦ ଅନ୍ତର୍ଜାତୀୟ ମ୍ୟାଚ୍ ଖେଳିଛନ୍ତି । ଅଶ୍ୱିନ ଟେଷ୍ଟରେ ୪୮୯, ଦିନିକିଆରେ ୧୫୫ ଏବଂ ଟି -୨୦ ଇଣ୍ଟରନ୍ୟାସନାଲରେ ୭୨ ୱିକେଟ୍ ନେଇଛନ୍ତି । ଏହା ବ୍ୟତୀତ ଅଶ୍ୱିନ୍ ମଧ୍ୟ ବ୍ୟାଟ୍ ସହିତ ଚମତ୍କାର କରିବାର କ୍ଷମତା ରଖିଛନ୍ତି । ସେ ଟେଷ୍ଟରେ ୫ ଶତକ ଏବଂ ୧୪ ଅର୍ଦ୍ଧଶତକ ହାସଲ କରିଛନ୍ତି। ସେ ଦିନିକିଆରେ ମଧ୍ୟ ଅର୍ଦ୍ଧଶତକ ହାସଲ କରିଛନ୍ତି। ଅଧିନାୟକ ରୋହିତ ଶର୍ମା ତାଙ୍କୁ ଟ୍ରମ୍ପକାର୍ଡ ହିସାବରେ ବ୍ୟବହାର କରିପାରନ୍ତି। ତେବେ ଦେଖିବାର ରହିଲା ଯେ ଅକ୍ଷରଙ୍କ ସ୍ଥାନ ନେଇଥିବା ଅଶ୍ୱିନ ଏଥର ବିଶ୍ଵକପରେ ଟିମ୍ ଇଣ୍ଡିଆ ପାଇଁ ମଙ୍ଗଳ ହେଇଛନ୍ତି କି ନାହିଁ।
