ଏସିଆ କପ ପାଇଁ ଘୋଷଣା ହେଲା ଭାରତୀୟ ଦଳ; ତିଲକ୍ ଭିତରେ ସଞ୍ଜୁ ବାହାରେ

ଦିଲ୍ଲୀ;ଅଗଷ୍ଚ ୩୦ରେ ଖେଳାଯିବାକୁ ଥିବା ଏସିଆ କପ ପାଇଁ ୧୭ଜଣିଆ ଭାରତୀୟ ଦଳ ଘୋଷଣା କରାଯାଇଛି । ଯଦି ଦଳ ଉପରେ ନଜର ପକାଇବା ତେବେ ଦଳରୁ ସିନିୟର ବୋଲର ଚହଲଙ୍କ ସମେତ, ଉମରାନ ମଲ୍ଲିକ ଏବଂ ସଂଜୁ ସାମସନଙ୍କୁ ବାଦ୍ ଦିଆଯାଇଛି । ସାମସନଙ୍କୁ ବ୍ୟାକ୍ – ଅପ ୱିକେଟ କିପର ଭାବରେ ଟିମରେ ସ୍ଥାନ ମିଳିଛି । ସେହିପରି କେଏଲ ରାହୁଲ ଓ ଶ୍ରେୟସ ଆୟର ଦଳକୁ ଫେରିବା ପରେ ଟିମ ଇଣ୍ଡିଆର ମିଡିଲ ଅର୍ଡର ଏବେ ମଜବୁତ୍ ହୋଇଛି । ପୂର୍ବରୁ ଏହି ଦୁଇ ଜଣ ଖେଳାଳି ଆହତ କାରଣକୁ ଖେଳିବେକି ନାହିଁ ତାହା ସ୍ପଷ୍ଚ ହୋଇନଥିଲା କିନ୍ତୁ ଆଜି ଦଳର ଅଧିନାୟକ ରୋହିତ ଶର୍ମା ଏହି ଦୁଇ ଜଣ ଖେଳିବେ ବୋଲି ଘୋସଣା କରିଛନ୍ତି । ସେହିପରି ତିଲକ ଭର୍ମାଙ୍କୁ ନେଇ ସମାଲୋଚନା ଜୋର ଧରିଥିବା ବେଳେ ତାଙ୍କୁ ଏସିଆ କପ ୨୦୨୩ ଦଳରେ ସାମିଲ କରାଯାଇଛି ।

୨୦୨୩ ଏସିଆ କପ ପାଇଁ ଘୋଷଣା ହୋଇଥିବା ଭାରତୀୟ ଦଳ ;ରୋହିତ ଶର୍ମା (ଅଧିନାୟକ), ଶୁଭମାନ ଗିଲ, ବିରାଟ କୋହଲି, ଶ୍ରେୟସ ଆୟର, କେ.ଏଲ୍ ରାହୁଲ (ୱିକେଟ୍ କିପର), ସୂର୍ଯ୍ୟକୁମାର ଯାଦବ, ତିଲକ ଭର୍ମା, ଇଶାନ କିଶନ (ରିଜର୍ଭ ୱିକେଟ୍ କିପର), ହାର୍ଦ୍ଦିକ ପାଣ୍ଡ୍ୟା, ରବିନ୍ଦ୍ର ଜାଡେଜା, ଅକ୍ଷର ପଟେଲ, ଶାରଦୁଲ ଠାକୁର ,ଶାମି, ମହମ୍ମଦ ସିରାଜ, କୁଲଦୀପ ଯାଦବ ଏବଂ ପ୍ରସିଦ୍ଧ କୃଷ୍ଣ।