ମେଟାରୁ ୧୦ ହଜାର କର୍ମଚାରୀଙ୍କ ଛୁଟି
ନୂଆଦିଲ୍ଲୀ : ମାର୍କ ଜୁକରବର୍ଗଙ୍କ କଂପାନି ମେଟା ୧୦ ହଜାର କର୍ମଚାରୀଙ୍କୁ ଛଟେଇ କରିଛି। ମେଟା ଅଧୀନରେ ଥିବା ଫେସବୁକ୍, ଇନଷ୍ଟାଗ୍ରାମ ଓ ହ୍ବାଟସ୍ଆପ୍ର କର୍ମଚାରୀ ଏହା ଦ୍ବାରା ପ୍ରଭାବିତ ହେବେ। ଗତବର୍ଷ ନଭେମ୍ବରରେ କଂପାନି ୧୧ ହଜାର କର୍ମଚାରୀ ଛଟେଇ କରିବ ବୋଲି ଘୋଷଣା କରିଥିଲା। ଏହି ବର୍ଷ ମାର୍ଚ୍ଚରେ ଆଉ ୧୦ ହଜାର ଛଟେଇ କରିବ ବୋଲି କହିଥିଲା। ପ୍ରବନ୍ଧକମାନଙ୍କ ପାଖକୁ ପଠାଯାଇଥିବା ମେମୋରେ ଉଲ୍ଲେଖ ରହିଛି ଯେ ଛଟେଇ ପରେ ଯେଉଁ କର୍ମଚାରୀ ରହିବେ ସେମାନଙ୍କ ଭିତରେ କାମକୁ ପୁଣି ଥରେ ବଣ୍ଟାଯିବ। ୨୦୨୩କୁ ମେଟା ସିଇଓ ଜୁକରବର୍ଗ ‘ଦକ୍ଷତାର ବର୍ଷ’ ଭାବେ ଘୋଷଣା କରିଛନ୍ତି। ସେଥିପାଇଁ ପ୍ରସ୍ତୁତ ହୋଇଥିବା ଯୋଜନା ଅନୁସାରେ କର୍ମଚାରୀ ଛଟେଇ କରାଯାଉଛି।
