ବିଶ୍ବ ବଜାରରେ ହ୍ରାସ ପାଇବ ଡଲାରର ଶକ୍ତି

ନୂଆଦିଲ୍ଲୀ: ବିଶ୍ବ ବଜାରରେ  ଡଲାରର ସ୍ଥିତି ବିସୟରେ କିଏବା ଅଜଣା । ଅନ୍ତର୍ଜାତୀୟ ସ୍ତରରେ ଦିନକୁ ଦିନ ଡଲାରର ଶକ୍ତି ଦିନକୁ ଦିନ ବୃଦ୍ଧି ପାଇବାରେ ଲାଗିଛି। ସମ୍ପୂର୍ଣ୍ଣ ବିଶ୍ବ କାରବାର ଡଲାରରେ ନିୟନ୍ତ୍ରିତ ହେଉଛି। ତେଣୁ ଡଲାରର ଶକ୍ତିକୁ ବିଶ୍ବ ବଜାରରେ କମ୍ କରିବାପାଇଁ ବ୍ଲୁ ପ୍ରିଣ୍ଟ ପ୍ରସ୍ତୁତ ହୋଇସାରିଛି। ବିଶ୍ବ ବଜାରରେ ଶେଷ ହେବ ଡଲାରର ଦବ୍‌ଦବା। ଡଲାରର ଶକ୍ତିକୁ ହ୍ରାସ କରିବାପାଇଁ ଅଣ୍ଟା ଭିଡିଛନ୍ତି  ଭାରତ, ବ୍ରାଜିଲ, ରୁଷ, ଚୀନ୍ ଏବଂ ଦକ୍ଷିଣ ଆଫ୍ରିକା (ବ୍ରିକ୍ସ) ରାଷ୍ଟ୍ର ସମୂହ । ଏଥିରେ ବ୍ରିକ୍ସ ସହ ରହିଛନ୍ତି ୧୯ ଦେଶ, ଯେଉଁମାନେ କି ବ୍ରିକ୍ସରେ ସାମିଲ ହେବାକୁ ପ୍ରସ୍ତୁତ। ଏଠାରେ ସୂଚନାଯୋଗ୍ୟ ଯେ, ବ୍ରିକ୍ସ ରାଷ୍ଟ୍ର ସମୂହର ଯୋଗଦାନ ବିଶ୍ବ ଜିଡିପି (ମୋଟ ଘରୋଇ ଉତ୍ପାଦ)ର ଏକ ଚତୁର୍ଥାଂଶ ହେବ। ବର୍ତ୍ତମାନ ବ୍ରିକ୍ସରେ ଯୋଗଦେବା ପାଇଁ ଆହୁରି ୧୯ଟି ଦେଶ ଆବେଦନ କରିଛନ୍ତି। ଶେଷ ଥର ପାଇଁ ଦକ୍ଷିଣ ଆଫ୍ରିକା ୨୦୧୦ରେ ଏହି ସଂଗଠନରେ ଯୋଗଦେଇଥିଲା। ବ୍ରିକ୍ସରେ ରହିଥିବା ପାଞ୍ଚଟି ଦେଶ ଡଲାରର ଶକ୍ତି କମ୍‌ଜୋର କରିବାକୁ ନେତୃତ୍ୱ ନେବାକୁ ପ୍ରସ୍ତୁତ ଅଛନ୍ତି। ଏହାବ୍ୟତୀତ ବ୍ରିକ୍ସରେ ସାମିଲ ହେବାକୁ ଇଚ୍ଛୁକ ୧୯ଟି ଦେଶ ଏହି ଅଭିଯାନରେ ଅଂଶଗ୍ରହଣ କରିବେ। ସେମାନଙ୍କୁ ବ୍ରିକ୍ସରେ ସାମିଲ କରାଯାଉ କିମ୍ବା ନ ଯାଉ ବ୍ରିକ୍ସ ଦେଶଗୁଡିକ ସହିତ ସେମାନଙ୍କର ରଣନୀତିକ ଭାଗିଦାରୀ ବହୁତ ଭଲ ରହିଛି।