ନକଲି ଚାଉଳ , ନକଲି ଅଣ୍ଡା ପରେ ଏବେ ନକଲି ରସୁଣ , ଜାଣନ୍ତୁ ଦେହ ପାଇଁ କେତେ କ୍ଷତିକାରକ …
ଭାରତୀୟ ବଜାରରେ ନକଲି ଚାଉଳ ଓ ନକଲି ଅଣ୍ଡା ବିକ୍ରି ହେଉଥିବା ନେଇ ପୂର୍ବରୁ ଦାବି ହୋଇସାରିଛି। ଏବେ ଯଦି ଆପଣ ଜାଣନ୍ତି କି ଆପଣଙ୍କ ରୋଷେଇ ଘରେ ରଖାଯାଇଥିବା ସୁନ୍ଦର ଧଳା ରସୁଣ ଅସଲି ନୁହେଁ ବରଂ ନକଲି ଅଟେ ତେବେ କ’ଣ ହେବ । ଆମେରିକାର ଜଣେ ସିନେଟର ମଧ୍ୟ ସମାନ ଦାବି କରିଛନ୍ତି। ନକଲି ସାମଗ୍ରୀ ରପ୍ତାନି କଳାରେ ପାରଦର୍ଶିତା ହାସଲ କରିଥିବା ଚୀନ୍ ଏବେ ଭାରତର ବଜାରକୁ ନକଲି ରସୁଣ ପଠାଉଛି। ବଜାରରେ ବିକ୍ରି ହେଉଥିବା ଏହି ରସୁଣଭାରତର ଅନେକ ଘରେ ମଧ୍ୟ ବ୍ୟବହୃତ ହେଉଛି । ଏମାନେ ବହୁତ ଧଳା ଓ ସୁନ୍ଦର ଅଟନ୍ତି । ତେବେ ନକଲି ହେବା ସ୍ୱାସ୍ଥ୍ୟ ପାଇଁ ବିପଜ୍ଜନକ ସାବ୍ୟସ୍ତ ହୋଇପାରେ ।
ଚୀନ୍ରେ କେତେକ ରସୁଣ ଚାଷୀ ସାର ଭାବେ ମନୁଷ୍ୟ ମଳ ଓ ନର୍ଦ୍ଦମା ଖତ ଆଦି ବ୍ୟବହାର କରୁଛନ୍ତି ବୋଲି ହେଉଥିବା ଅଭିଯୋଗକୁ ଭିତ୍ତି କରି ସିନେଟର୍ ସ୍କଟ୍ ଏଭଳି ଆପତ୍ତି କରିଛନ୍ତି। ଏ ଘଟଣା ନୂଆ ନ ହୋଇଥିଲେ ବି ଏହାଦ୍ବାରା ଅମଳ କରାଯାଉଥିବା ରସୁଣର ସ୍ବାସ୍ଥ୍ୟ ଉପରେ ପଡୁଥିବା ପ୍ରଭାବ ବିଷୟରେ ସନ୍ଦେହ ସୃଷ୍ଟି କରିଛି। ଏହାଛଡ଼ା, ରସୁଣକୁ ଚକଚକିଆ ଧଳା କରିବା ପାଇଁ ସେମାନେ ‘ବ୍ଲିଚ୍’ ବା ‘କ୍ଷାର’ ବ୍ୟବହାର କରୁଛନ୍ତି, ଯାହାଦ୍ବାରା ରସୁଣ ପରିଷ୍କାର ଦିଶୁଛି।ତେବେ ଆପଣ ଯଦି ଚୀନର ଏହି ନକଲି ରସୁଣକୁ ଚିହ୍ନିବା ପାଇଁ ଚାହୁଁଛନ୍ତି ତେବେ ଏହା ପୁରା ସହଜ ଅଟେ । ନକଲି ରସୁଣ ସପୂର୍ଣ୍ଣ ଭାବେ ଧଳା ହୋଇଥିବା ବେଳେ ଭାରତର ଅସଲି ରସୁଣର ପଛପଟେ କିଛି ଦାଗ ରହିଛି ।
ଚୀନ ହେଉଛି ତାଜା ଏବଂ ଶୀତଳିକୃତ ରସୁଣ ରପ୍ତାନୀକାରି ଏବଂ ଆମେରିକା ହେଉଛି ତାର ଆମଦାନୀକାରି ୨୦୧୯ରେ ଟ୍ରମ୍ପ ପ୍ରଶାସନ ଚୀନ୍ ଉତ୍ପାଦ ଆମଦାନୀ ଉପରେ ଟିକସ କୁ ଆହୁରି ବଢ଼ାଇଥିଲା ସେବେଠୁ ଦୁଇ ଦେଶ ମଧ୍ୟରେ ବିବାଦ ଲାଗି ରହିଛି ।
