ମାଗଣାରେ ଆଇପିଏଲ ଦେଖିବାକୁ ଚାହୁଁଛନ୍ତି ? ତେବେ ଜାଣନ୍ତୁ କେମିତି ?
ଇଣ୍ଡିଆନ୍ ପ୍ରିମିୟମ୍ ଲିଗ୍ ଅର୍ଥାତ୍ ଆଇପିଏଲ ୨୨ ମାର୍ଚ୍ଚ ଅର୍ଥାତ୍ ଆଜି ଆରଂଭ ହେଉଛି । ୯୦ ଦିନ ଧରି ଚାଲିବାକୁ ଥିବା ଏହି ମେଗା କ୍ରିକେଟ ଇଭେଣ୍ଟରେ ବହୁତ ଉତ୍ସାହ ପରିଲକ୍ଷିତ ହେବ। ଆଇପିଏଲ ୨୦୨୫ରେ ଟ୍ରଫି ଜିତିବା ପାଇଁ ମୋଟ ୧୦ଟି ଦଳ ପରସ୍ପର ବିରୁଦ୍ଧରେ ପ୍ରତିଦ୍ୱନ୍ଦ୍ୱିତା କରିବାକୁ ଯାଉଛନ୍ତି। ଯଦି ଆପଣ ମଧ୍ୟ ଆଇପିଏଲକୁ ଅପେକ୍ଷା କରିଛନ୍ତି, ତେବେ ଆପଣଙ୍କ ପାଇଁ ଏକ ଗୁରୁତତ୍ୱପୂର୍ଣ ଖବର ରହିଛି । ଯଦି ଆପଣ ଘରେ ନାହାନ୍ତି, ତେବେ ଆପଣ ଅନଲାଇନ୍ ପ୍ଲାଟଫର୍ମ ମାଧ୍ୟମରେ ଆପଣଙ୍କ ମୋବାଇଲରେ ସହଜରେ ମ୍ୟାଚ୍ ଉପଭୋଗ କରିପାରିବେ।
ଆପଣଙ୍କୁ ଜଣାଇ ଦେଉଛୁ ଯେ ଆଇପିଏଲର ସିଧା ପ୍ରସାରଣ ଷ୍ଟାର ସ୍ପୋର୍ଟସ୍ ନେଟୱାର୍କରେ ହେବାକୁ ଯାଉଛି। କିନ୍ତୁ, ଯଦି ଆପଣ ଆପଣଙ୍କ ମୋବାଇଲରେ ଅନଲାଇନରେ ମ୍ୟାଚ୍ ଦେଖିବାକୁ ଚାହାଁନ୍ତି, ତେବେ ଜିଓ ହଟଷ୍ଟାର ସବସ୍କ୍ରିପସନ୍ ଥିବା ଆବଶ୍ୟକ। ଯଦି ଆପଣ ଜଣେ ଏୟାରଟେଲ୍ ଉପଭୋକ୍ତା, ତେବେ ଆପଣଙ୍କୁ ଚିନ୍ତା କରିବାର କୌଣସି ଆବଶ୍ୟକତା ନାହିଁ। ଏୟାରଟେଲ୍ ଏହାର ଅନେକ ରିଚାର୍ଜ ପ୍ଲାନରେ ଗ୍ରାହକମାନଙ୍କୁ ଜିଓ ହଟଷ୍ଟାରର ମାଗଣା ସବସ୍କ୍ରିପସନ ଦେଉଛି।
ଏୟାରଟେଲ୍ ୫୪୯ ଟଙ୍କାର ରିଚାର୍ଜ ପ୍ଲାନ୍।
ଏୟାରଟେଲର ରିଚାର୍ଜ୍ ତାଲିକାରେ ୫୪୯ ଟଙ୍କାର ଏକ ଚମତ୍କାର ରିଚାର୍ଜ ପ୍ଲାନ୍ ଅଛି। ଏହି ଯୋଜନା ୨୮ ଦିନର ଦୀର୍ଘ ବୈଧତା ପ୍ରଦାନ କରେ। ଏହି ଯୋଜନାରେ ପ୍ରତିଦିନ 3GB ଡାଟା ସହିତ ଅସୀମିତ କଲିଂ ସୁବିଧା ଉପଲବ୍ଧ ରହିଛି। ଏହି ରିଚାର୍ଜ ଯୋଜନାରେ ମଧ୍ୟ ୟୁଜର୍ସଙ୍କୁ ଜିଓ ହଟଷ୍ଟାରର ମାଗଣା ସବସ୍କ୍ରିପସନ ଦିଆଯାଉଛି। ଏଥିରେ ଖାସ କଥା ହେଉଛି ଯେ କମ୍ପାନୀ ୩’ମାସ ପାଇଁ ଯିଓ ହଟଷ୍ଟାର ସବସ୍କ୍ରିପସନ ଦେଉଛି।
ଯଦି ଆପଣ ଅଧିକ ଟଙ୍କା ଖର୍ଚ୍ଚ କରିବାକୁ ଚାହୁଁନାହାଁନ୍ତି, ତେବେ ଆପଣ ଏୟାରଟେଲର ୩୯୮ ଟଙ୍କାର ପ୍ଲାନ୍ ନେଇପାରିବେ। ଏହି ରିଚାର୍ଜ ଯୋଜନାରେ, କମ୍ପାନୀ ଗ୍ରାହକମାନଙ୍କୁ ୨୮ ଦିନର ବୈଧତା ଦେଉଛି। ଏହାର ଲାଭ ବିଷୟରେ କହିବାକୁ ଗଲେ, ଏହା ୨୮ ଦିନ ପାଇଁ ସମସ୍ତ ନେଟୱାର୍କରେ ଅସୀମିତ କଲିଂ ସହିତ ପ୍ରତିଦିନ ୨ ଜିବି ଡାଟା ଦେଉଛି। ଏଥିରେ ଆପଣ କେବଳ ୨୮ ଦିନ ପାଇଁ ଜିଓ ହଟଷ୍ଟାରର ମାଗଣା ସବସ୍କ୍ରିପସନ ପାଇବେ।
