ଅପରିବର୍ତ୍ତିତ ରହିଲା ରେପୋ ରେଟ୍ , କିନ୍ତୁ କ’ଣ ଏହି ରେପୋ ରେଟ୍ ଜାଣନ୍ତୁ …

ଗ୍ରାହକଙ୍କ ପାଇଁ ଖୁସି ଖବର। ଭାରତୀୟ ରିଜର୍ଭ ବ୍ୟାଙ୍କ ରେପୋ ରେଟରେ କୌଣସି ପରିବର୍ତ୍ତନ ଆଣିନାହିଁ। ପୂର୍ବ ପରି ଅପରିବର୍ତ୍ତିତ ରହିଛି ରେପୋ ରେଟ୍।ଆଜି ଭାରତୀୟ ରିଜର୍ଭ ବ୍ୟାଙ୍କର ମନିଟରି ପଲିସି କମିଟିର ମିଟିଂରେ ରିଜର୍ଭ ବ୍ୟାଙ୍କ ଗଭର୍ଣ୍ଣର ଶକ୍ତିକାନ୍ତ ଦାସ ଘୋଷଣା କରିଛନ୍ତି  ।

ତେବେ ଶେଷ ଥର ପାଇଁ ରିଜର୍ଭ ବ୍ୟାଙ୍କ ୨୦୨୩ ମସିହା ଫେବ୍ରୁଆରୀ ୮ ତାରିଖରେ ରେପୋ ରେଟରେ ପରିବର୍ତ୍ତନ କରିଥିଲା । ସେତେବେଳେ ଏହା ୬.୨୫ ପ୍ରତିଶତରୁ ବୃଦ୍ଧି ପାଇ ୬.୫୦ ପ୍ରତିଶତ ହେଇଥିଲା । ସେବେଠୁ ଗତ ୬ଟି ମନିଟରି ପଲିସି କମିଟି ମିଟିଂରେ ରେପୋ ରେଟ୍ ଅପରିବର୍ତ୍ତିତ ରହିଛି । ତେବେ ଏଥର ମଧ୍ୟ ମିଟିଂ ଆରମ୍ଭ ହେବା ପୂର୍ବରୁ ରେପୋ ରେଟ୍ ଅପରିବର୍ତ୍ତିତ ରହିବା ନେଇ ପୂର୍ବାନୁମାନ କରାଯାଉଥିଲା । ଆଉ ଅନୁମାନ ମୁତାବକ ମଧ୍ୟ ରେପୋ ରେଟ୍ ଅପରିବର୍ତ୍ତିତ ରହିଛି ।

ତେବେ ଆପଣଙ୍କ ମନରେ ପ୍ରଶ୍ନ ଆସୁଥିବ ଯେ ରେପୋ ରେଟ କଣ । ଏବଂ ଏହାର ଗୁରିତ୍ବ କଣ ରହିଛି । ତେବେ ଆସନ୍ତୁ ଜାଣିବା ରେପୋରେଟ ବିଷୟରେ।

ଯେତେବେଳେ କୌଣଷି ଦେଶର ଯେକୌଣଷି ବ୍ୟାଙ୍କ ଉପରେ ସଂକଟ ଆସେ । ଉକ୍ତ ସମୟରେ ସେହି ବ୍ୟାଙ୍କ ଦେଶର ସେଣ୍ଟ୍ରାଲ ବ୍ୟାଙ୍କ ଠାରୁ ଋଣ ଆଣିଥାଏ । ଏହି ଋଣ ନେବା ପାଇଁ ସେହି ବ୍ୟାଙ୍କ ଋଣ ପ୍ରଦାନକାରି ବ୍ୟାଙ୍କ ପାଖରେ ସୁନା ଆଦି ଜିନିଷର ବନ୍ଧକ ରଖି ପଇସା ନେଇଥାଏ । ତେବେ ସେଣ୍ଟ୍ରାଲ ବ୍ୟାଙ୍କ ଏହି ଟଙ୍କା ଦେଇ ସୁଧ ଆଣିଥାଏ  । ଏହି ସୁଧକୁ ରିପୋ ରେଟ କୁହାଯାଏ ।