ଆଗୁଆ ନିର୍ବାଚନ ହେଲେ ଓଡ଼ିଶାରେ କିଏ ..କେତେ ଆସନ ପାଇବ..ଜାଣନ୍ତୁ

ଭୁବନେଶ୍ୱର : କିଛିଦିନ ତଳେ ଗୃହ ମନ୍ତ୍ରୀ ଅମିତ ଶାହା ଓଡ଼ିଶା ଆସିଥିଲେ। ଏହି ସମୟରେ ସେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଭେଟିବା ପୂର୍ବରୁ ସିଏମଓର ଜଣେ ପ୍ରଭାବଶାଳୀ ଅଧିକାରୀଙ୍କୁ ଭେଟିଥିଲେ। ଏହି ସମୟରେ ଉଭୟଙ୍କ ମଧ୍ୟରେ ସମ୍ପୂର୍ଣ୍ଣ ରାଜନୈତିକ ଟର୍ଚ୍ଚା ଆଲୋଚନା ହୋଇଥିଲା। ଓଡ଼ିଶା ସରକାର ଆଗୁଆ ନିର୍ବାତନ ସପକ୍ଷରେ କୁଆଡେ ମତ ରଖିଥିଲେ। ହେଲେ ଶାହା ଏହାକୁ ଅଗ୍ରାହ୍ୟ କରିଦେଇଥିଲେ। ମାତ୍ର ଶାହା କାହିଁକି ଅଗ୍ରାହ୍ୟ କରିଥିଲେ। ତାହାର ସତ ଧିରେ ଧିରେ ପଦାକୁ ଆସିବାରେ ଲାଗିଛି। ଏହି କ୍ରମରେ ବିଜେଡି ଆଗୁଆ ନିର୍ବାଚନ କଲେ, କେତେ ଆସନରେ ବିଜୟୀ ହେବ, ସେ ନେଇ ଏକ ସର୍ଭେକ୍ଷଣ କରିଥିଲା। ଏହି ସର୍ଭେକ୍ଷଣରେ ଆସିଥିବା ରିପୋର୍ଟ ଶାହାଙ୍କୁ ଆଶ୍ଚର୍ଯ୍ୟ କରିଥିଲା। ତେଣୁ ସେ ଆଗୁଆ ବିଧାନସଭା ନିର୍ବାଚନ ସପକ୍ଷରେ ନାହାନ୍ତି।

ବିଜେଡ଼ି ପକ୍ଷରୁ କରାଯାଇଥିବା ସର୍ଭେରେ ଯଦି ନଭେମ୍ବର କିମ୍ବା ଡିସେମ୍ବରରେ ଆଗୁଆ ବିଧାନସଭା ନିର୍ବାଚନ ହୁଏ। ତେବେ ବିଜେପି ମାତ୍ର 12ରୁ 16 ଆସନରେ ସୀମିତ ହୋଇ ରହିବ।  ଅନୁରୂପ ଭାବେ କଂଗ୍ରେସ ମେଣ୍ଟ ତଥା ଇଣ୍ଡିଆ 8ରୁ 11 ଆସନ ପାଇବେ। ସେହିପରି ବିଜେଡି 131ରୁ 135 ଆସନ ପାଇବାର ଯଥେଷ୍ଟ ସମ୍ଭାବନା ରହିଛି। ବିଜେପିର ଭୋଟ ପ୍ରତିଶତ ବୃଦ୍ଧି ହେଲେ ବି ଏହା ଆସନରେ ପରିଣତ ହୋଇପାରିବ ନାହିଁ। ସେହିପରି ଭଦ୍ରକ, ସୁନ୍ଦରଗଡ, କଟକ, ରାୟଗଡ଼ା, କୋରାପୁଚ, କଟକ, ନବରଙ୍ଗପୁର ଏବଂ କଳାହାଣ୍ଡିର ଏକାଧିକ ଆସନରେ କଂଗ୍ରେସ ଭଲ କରିବ ବୋଲି ଜଣାପଡିଛି। ଯଦି ଏପରି ହୁଏ, ତେବେ ଏହାର ପ୍ରଭାବ ଆଗାମୀ ଲୋକସଭା ନିର୍ବାଚନ ଉପରେ ପଡିବ ବୋଲି କୁହାଯାଉଛି। ତେଣୁ ରାଜ୍ୟ ବିଜେପି ଏବଂ କେନ୍ଦ୍ର ବିଜେପି ଆଗୁଆ ବିଧାନସଭା ନିର୍ବାଚନ ସପକ୍ଷରେ ନ ଥିବା ଜଣାପଡିଛି।