ଡାକଘର ନା ଷ୍ଟେଟ ବ୍ୟାଙ୍କ କିଏ ଦେଉଛି ଅଧିକ ସୁଧ ଜାଣନ୍ତୁ…
ଗ୍ରାହକଙ୍କୁ ଅଧିକ ରିଟର୍ଣ୍ଣ ଦେବା ପ୍ରସଙ୍ଗରେ ଷ୍ଟେଟ ବ୍ୟାଙ୍କ ଅଫ୍ ଇଣ୍ଡିଆ ଏବଂ ଡାକଘର ମଧ୍ୟରେ ଏକ ତୀବ୍ର ପ୍ରତିଯୋଗିତା ଚାଲିଛି। ଷ୍ଟେଟ ବ୍ୟାଙ୍କ ଅଫ୍ ଇଣ୍ଡିଆ ଫିକ୍ସଡ ଡିପୋଜିଟ (ଏଫଡି) ରେ ଗ୍ରାହକଙ୍କୁ ୩.୫୦ପ୍ରତିଶତରୁ ୭.୨୫ ପ୍ରତିଶତ ପର୍ଯ୍ୟନ୍ତ ସୁଧ ପ୍ରଦାନ କରୁଛି। ଯେଉଁଠାରେ ଡାକଘର ବିଭିନ୍ନ କାର୍ଯ୍ୟକାଳର ଟାଇମ୍ ଡିପୋଜିଟ୍ (ଟିଡି) ରେ ଗ୍ରାହକଙ୍କୁ ୬.୯ ପ୍ରତିଶତରୁ ୭.୫ ପ୍ରତିଶତ ପର୍ଯ୍ୟନ୍ତ ସୁଧ ଦେଉଛି |ଆପଣଙ୍କୁ କହିରଖୁଛୁ ଯେ ଉଭୟ FD ଏବଂ TD ହେଉଛି ସମାନ ସ୍କିମ୍, ଯେଉଁଠାରେ ଗ୍ରାହକମାନେ ଏକ ନିର୍ଦ୍ଦିଷ୍ଟ ସମୟ ପାଇଁ ଟଙ୍କା ଜମା କରି ପରିପକ୍ୱତା ଉପରେ ଏକ ନିର୍ଦ୍ଦିଷ୍ଟ ରିଟର୍ଣ୍ଣ ପାଆନ୍ତି |ତେବେ ଆସନ୍ତୁ ଆଜି ଜାଣିବା କିଏ ଅଧିକ ରିଟର୍ଣ୍ଣ ଦେଉଛି । ଡାକଘର ନା ଷ୍ଟେଟ ବ୍ୟାଙ୍କ ।
ଡାକଘର ବା ପୋଷ୍ଟ ଅଫିସ ୧ ବର୍ଷ ଅବଧି ଥିବା ଟିଡି ଉପରେ ୬.୯ ପ୍ରତିଶତ ସୁଧ ପ୍ରଦାନ କରିଥିବା ବେଳେ । ଷ୍ଟେଟ ବ୍ୟାଙ୍କ ଅଫ୍ ଇଣ୍ଡିଆ ୧ ବର୍ଷର FD ଉପରେ ୬.୮ ପ୍ରତିଶତ ସୁଧ ପ୍ରଦାନ କରୁଛି |ସେହିପରି ଡାକ ବିଭାଗ ଦୁଇ ବର୍ଷ ପାଇଁ ଜମା ଉପରେ ୭.୦ ପ୍ରତିଶତ ସୁଧ ପ୍ରଦାନ କରୁଛି | ଯେଉଁଠାରେ ଏସବିଆଇ ମଧ୍ୟ ୨ ବର୍ଷର କାର୍ଯ୍ୟକାଳ ସହିତ FD ଉପରେ କେବଳ ୭.୦ ପ୍ରତିଶତ ସୁଧ ଦେଉଛି |
ଡାକଘର ଗ୍ରାହକଙ୍କୁ ୫ ବର୍ଷର ଜମା ଉପରେ ୭.୫ ପ୍ରତିଶତ ସୁଧ ପ୍ରଦାନ କରୁଛି | ଯେଉଁଠାରେ ଷ୍ଟେଟ ବ୍ୟାଙ୍କ ଅଫ୍ ଇଣ୍ଡିଆ ୫ ବର୍ଷ FD ରେ ଗ୍ରାହକଙ୍କୁ ମାତ୍ର ୬.୫ ପ୍ରତିଶତ ସୁଧ ଦେଉଛି |
ଆପଣଙ୍କୁ କହିରଖୁଛୁ ଯେ ଷ୍ଟେଟ୍ ବ୍ୟାଙ୍କ ଅଫ୍ ଇଣ୍ଡିଆ ୪୦୦ ଦିନ ଅମୃତ କାଲାଶ ଏଫଡି ଯୋଜନାରେ ୭.୧୦ ପ୍ରତିଶତ ସୁଧ ଏବଂ ୪୪୪ ଦିନ ଅମୃତ ବୃଷ୍ଠି ଏଫଡି ଯୋଜନାରେ ୭.୨୫ ପ୍ରତିଶତ ସୁଧ ପ୍ରଦାନ କରୁଛି।
