ଅଣ ଓଡ଼ିଆ ଆଇପିଏସ୍ ଅଧିକାରୀଙ୍କୁ କାହିଁକି ଘଣ୍ଟ ଘୋଡାଉଛନ୍ତି ରାଜ୍ୟ ସରକାର
କଟକ : ଅନୁଗୁଳର ମହିଳା ଗୃହରକ୍ଷୀ ତଥା ଓଡ଼ିଆ ନାରୀ ସୈରିଦ୍ରୀ ସାହୁଙ୍କୁ ନିର୍ଯାତନା ଦିଆଗଲା। ତାହା ପୁଣି ଜଣେ ଏଣ ଓଡ଼ିଆ ଆଇପିଏସଙ୍କ ପତ୍ନୀଙ୍କ ଦ୍ୱାରା । ଏ ପର୍ଯ୍ୟନ୍ତ ଉତ୍ତର କେନ୍ଦ୍ରାଞ୍ଚଳ ଡିଆଇଜି ତଥା ୨୦୦୯ ବ୍ୟାଚ୍ ଆଇପିଏସ୍ ବ୍ରିଜେଶ ରାୟଙ୍କ ପତ୍ନୀଙ୍କ ବିରୋଧରେ ମାମଲା ରୁଜୁ କରାଯାଇନାହିଁ। କେବଳ ବ୍ରିଜେଶ୍ ରାୟଙ୍କୁ ରାଜ୍ୟ ପୁଲିସ ମୁଖ୍ୟାଳୟକୁ ବଦଳି କରି ଦିଆଯାଇଛି। ଏହି ଘଟଣାକୁ ୧୯ ଦିନ ବିତିଥିଲେ ବି ଅଭିଯୁକ୍ତଙ୍କ ବିରୋଧରେ କାହିଁକି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇନାହିଁ । ଆଇପିଏସ ପତ୍ନୀଙ୍କୁ କାହିଁକି ମିଳୁଛି..ଏପରି ସୁରକ୍ଷା। ମାମଲା ରୁଜୁ କରିବା ଦୂରର କଥା। ତାଙ୍କୁ ଓଡ଼ିଶା ପୁଲିସ୍ ପ୍ରଶ୍ନଟିଏ ମଧ୍ୟ ପଚାରି ପାରିନାହିଁ। ଆହୁରି ଭୟଙ୍କର କଥା ଏହିକି ଯେ, ଡିଆଇଜିଙ୍କ ପତ୍ନୀଙ୍କ ନିର୍ଯାତନାରେ ଅତିଷ୍ଠ ଏବଂ ଚାକିରି ହରାଇବା ଧମକରେ ଭୟଭୀତ ହୋଇ ହୋମଗାର୍ଡ ଟ୍ରେନ ଲାଇନରେ ଆତ୍ମହତ୍ୟା ଉଦ୍ୟମ କରିଥିଲେ। ଏହି ଘଟଣାରେ ଭଦ୍ର ମହିଳା ଜଣଙ୍କ ଦୁଇଟି ଯାକ ଗୋଡ଼ ହରାଇଛନ୍ତି। ଆଇନ୍ ତା ବାଟରେ ଯିବ। ମହିଳା ସଶକ୍ତୀକରଣର ଡିଣ୍ଡିମ ପିଟୁଥିବା ରାଜ୍ୟ ସରକାର ପଛୁଆବର୍ଗର ହୋମଗାର୍ଡକୁ କି ନ୍ୟାୟ ଦେବେ, ତା ଉପରେ ସମସ୍ତଙ୍କ ନଜର ରହିଛି।
