ହେଲାଣି ସହମତି, ମୋକ୍କିମ ଏବଂ ଚିରଞ୍ଜୀବଙ୍କ ଉପରୁ ଉଠିବ ନିଲମ୍ବନ

ଭୁବନେଶ୍ୱର :  ସାଧାରଣ ନିର୍ବାଚନ ପାଖେଇ ଆସୁଛି। ସବୁ ସ୍ଥାନରେ ଭଲ ପ୍ରାର୍ଥୀ ମିଳିବା ସମ୍ଭବ ନୁହେଁ। ତେଣୁ ଯେଉଁମାନଙ୍କର କିଛି ଭୋଟ୍ ବ୍ୟାଙ୍କ ରହିଛି। ସେମାନଙ୍କୁ ଶୃଙ୍ଖଳାଗତ ଆଖି ଦେଖାଯାଉ। ମାତ୍ର ଦୀର୍ଘଦିନ ଧରି ନିଲମ୍ବନ କରା ନ ଯାଉ। ଏହା ଦ୍ୱାରା ଦଳର ଭୋଟ ବ୍ୟାଙ୍କ୍ କ୍ଷତିଗ୍ରସ୍ତ ହେବ। ଏହି କ୍ରମରେ କେତେକ ବରିଷ୍ଠ ନେତାଙ୍କୁ ନେଇ ଥିବା ମନୋମାଳିନ୍ୟ ଦୂର ହେବାରେ ଲାଗିଛି। ନିକଟରେ ନିଲମ୍ବିତ ହୋଇଥିବା ଚିରଞ୍ଜୀବ ବିଶ୍ୱାଳ ଓ ମହମ୍ମଦ ମୋକ୍କିମଙ୍କ ଉପରୁ ନିଲମ୍ବନ ଉଠିବ ବୋଲି ଜଣାପଡିଛି। ଏନେଇ ଏଆଇସିସିର ମଧ୍ୟ ସମ୍ମତି ରହିଛି। ଚିରଞ୍ଜୀବ ବିଶ୍ୱାଳ ନୀରବ ରହିଥିବା ବେଳେ ମୋକ୍କିମ କଂଗ୍ରେସ ବିରୋଧି ମନ୍ତବ୍ୟରୁ ନିଜକୁ ଦୂରେଇ ରଖିଛନ୍ତି। ନିକଟରେ ଏକ ସାମାଜିକ କାର୍ଯ୍ୟକ୍ରମରେ ମୋକ୍କିମ ଏବଂ ପିସିସି ସଭାପତି ଶରତ ପଟ୍ଟନାୟକ ଦେଖା ସାକ୍ଷାତ ହୋଇଥିଲା। ଏହା ପରେ ମୋକ୍କିମ ନିଲମ୍ବନ ସତ୍ତ୍ୱେ କଂଗ୍ରେସରୁ ଲଢିବା ନେଇ ନିଶ୍ଚିତ ବୋଲି ମନ୍ତବ୍ୟ ଦେଇଥିଲେ। ଡିସେମ୍ବର ଦ୍ୱିତୀୟ ସପ୍ତାହ ପୂର୍ବରୁ ଉଭୟ ନେତାଙ୍କ ନିଲମ୍ବନ ଉଠିଯିବାର ଯଥେଷ୍ଟ ସମ୍ଭାବନା ରହିଛି।