ଲୋକସଭା ଲଢିବେନି ଭକ୍ତ ଚରଣ ଦାସ, ନର୍ଲାରୁ ବିଧାନସଭା ପାଇଁ ଲଢିବେ

ଭବାନୀପାଟଣା : କଳାହାଣ୍ଡି ଜିଲ୍ଲା ନର୍ଲା ବିଧାନସଭା ଆସନରୁ କଂଗ୍ରେସ ନେତା ଭକ୍ତ ଚରଣ ଦାସ ପ୍ରାର୍ଥୀ ହୋଇ ପାରନ୍ତି। ପ୍ରାୟ ଲୋକସଭା ଆସନରେ ପ୍ରତିଦ୍ୱନ୍ଦ୍ୱିତା କରୁଥିବା ଭକ୍ଚ ଚରଣକୁ ବିଧାନସଭା ମଇଦାନରେ ଦେଖିବାକୁ ମିଳିପାରେ। ଏହି ଆସନଟି ବର୍ତ୍ତମାନ ବିଜେଡି ହାତରେ ରହିଛି । ପୂର୍ବତନ କଂଗ୍ରେସ ନେତା , ବିରୋଧି ଦଳ ନେତା ଭୂପିନ୍ଦର ସିଂ ବିଜେଡିରୁ ଏହି ଆସନରୁ ବର୍ତ୍ତମାନ ପ୍ରତିନିଧିତ୍ୱ କରୁଛନ୍ତି। ଭକ୍ତ ଚରଣ ଦାସ ପ୍ରଭାରୀ କୋଟାରେ ସିଡବ୍ଲ୍ୟୁସି ସମ୍ପ୍ରସାରଣରେ ସ୍ଥାନ ପାଇଛନ୍ତି। ଆଗାମୀ ଦିନରେ ସେ ଲୋକସଭା ଲଢିବାକୁ ଚାହୁଁନାହାନ୍ତି। ତେଣୁ ନର୍ଲା ଆସନରେ କଂଗ୍ରେସ ସଙ୍ଗଠନ ରହିଛି। ଏହି ଆସନରେ ବିଜେଡି ମଧ୍ୟ ବ୍ୟାକଫୁଟରେ ରହିଛି। ବିଜେପିର ପୂର୍ବ ଲୋକପ୍ରିୟତା ହ୍ରାସ ପାଇଛି। ତେଣୁ ଭକ୍ତ ଚରଣ ଦାସ ନର୍ଲାରୁ ଲଢିଲେ ଜିତିବାର ସମ୍ଭାବନା ଅଧିକ ରହିଛି। ଗତଥର କଂଗ୍ରେସ ଏହି ଆସନରୁ ୨୧ ପ୍ରତିଶତ ଭୋଟ ରହିଛି। ତେଣୁ ଏହାକୁ ଆୟୁଧ କରି ଆଉ ୧୨ରୁ ୧୩ ପ୍ରତିଶତ ଭୋଟ ଯୋଡିପାରିଲେ, ଭକ୍ତ ସମସ୍ତଙ୍କୁ ଚକମା ଦେଇପାରନ୍ତି ବୋଲି ରାଜନୈତିକ ସମୀକ୍ଷକମାନେ ମତ ଦେଇଛନ୍ତି।