ଭୋଗରାଇ ବିଧାୟକ ଅନନ୍ତ ଦାସଙ୍କୁ ବିଦ୍ରୋହୀଙ୍କ ଖୋଲା ଚ୍ୟାଲେଞ୍ଜ

ନୂଆଦିଲ୍ଲୀ : ବାଲେଶ୍ୱର ଜିଲ୍ଲା ଭୋଗରାଇ ବିଧାନସଭା ନିର୍ବାଚନମଣ୍ଡଳୀରେ ବିଜେଡ଼ିର ସାଙ୍ଗଠନିକ ଗୋଷ୍ଠୀ କନ୍ଦଳ ପଦାରେ ପଡିଛି। ଦୁଇଦିନ ତଳେ ସ୍ଥାନୀୟ ବିଧାୟକ ଅନନ୍ତ ଦାସଙ୍କୁ ବିଦ୍ରୋହୀ ଗୋଷ୍ଠୀ ଖୋଲା ଚ୍ୟାଲେଞ୍ଜ ପ୍ରଦାନ କରିଛନ୍ତି। ଏଥିସହିତ ଏହି ଗୋଷ୍ଠୀ ନିଜ ଶକ୍ତି ପ୍ରଦର୍ଶନ କରିଛି। ବିଧାୟକ ଶ୍ରୀ ଦାସ ନିଜ ସଙ୍ଗଠନ ଠିକ୍  ରଖି ନ ଥିବା ଏକ ବାର୍ତ୍ତା ବିଦ୍ରୋହୀ ମାନେ ପ୍ରଦାନ କରିବାରେ ସଫଳ ହୋଇଛନ୍ତି। ବିଦୁବେନ୍ଦୁ ପାତ୍ର ହଜାର ହଜାର ସମର୍ଥକଙ୍କ ଗହଣରେ ଦୁଇଦିନ ତଳେ ଏକ ବୈଠକ କରିଥିଲେ। ଏଥିରେ ବହୁ ସଂଖ୍ୟାରେ ସ୍ଥାନୀୟ ଲୋକ ଯୋଗ ଦେଇଥିଲେ। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, ମନ୍ତ୍ରୀ ପ୍ରତାପ ଦେବ, ବରିଷ୍ଠ ନେତା ପ୍ରଣବ ପ୍ରକାଶ ଦାସ, ରବି ଜେନା ଏବଂ ଅଶ୍ୱିନୀ ପାତ୍ରଙ୍କ ଫଟୋ ଲଗା ପୋଷ୍ଟରରେ ବୈଠକ ହୋଇଥିଲା। ଏହି ବୈଠକ ଯେପରି ସଫଳ ନ ହେବ, ସେଥିପାଇଁ ଭୋଗରାଇ ବିଧାୟକ ଶ୍ରୀ ଦାସ ଏବଂ ଭୋଗରାଇ ବିଜେଡି ସଭାପତି ଉମାକାନ୍ତ କରଣ ଏକ ହ୍ୱିପ୍ ଜାରି କରିବା ସହ ବାର୍ତ୍ତା ପ୍ରେରଣ କରିଥିଲେ। ମାତ୍ର ଏହା ସତ୍ତ୍ୱେ ବୈଠକଟି ଜନଗହଳି ପୂର୍ଣ୍ଣ ହୋଇଥିଲା। ଏହି ଚିଠି ଏବେ ସ୍ଥାନୀୟ ଅଞ୍ଚଳରେ ଭାଇରାଲ ହେବାରେ ଲାଗିଛି। ଯାହା ଆମେ ନିମ୍ନରେ ପ୍ରଦାନ କରୁଛୁ।