ପାଣ୍ଡିଆନଙ୍କୁ ପ୍ରଶଂସା କରିବାରେ କୌଣସି ସୁଯୋଗ ହାତଛଡା କଲେନି ବିଜେପି ଏମପି ବସନ୍ତ ପଣ୍ଡା

ଭୁବନେଶ୍ୱର :ଶ୍ରଦ୍ଧା, ସଦିଚ୍ଛା, ସହଯୋଗ, ସମର୍ଥନ ଏବଂ ଆଶୀର୍ବାଦ କାମନା କରୁଛି। ନବୀନ ଓଡ଼ିଶା ତଥା ଫାଇବ-ଟିର  ଅଧ୍ୟକ୍ଷ ଭି.କେ ପାଣ୍ଡିଆନଙ୍କୁ ଧନ୍ୟବାଦ ଜଣାଉଛି। ତାଙ୍କ ପ୍ରଚେଷ୍ଟାରେ କଳାହାଣ୍ଡିର ବହୁତ ବିକାଶ ହୋଇଛି। ଏକଥା କଳାହାଣ୍ଡି ବିଜେଡିର କୌଣସି ନେତା କହି ନାହାନ୍ତି। ଏକଥା କହିଛନ୍ତି ଗତ ସାଧାରଣ ନିର୍ବାଚନ ସମୟରେ ବିଜେପିର ସଭାପତି ରହିଥିବା ବସନ୍ତ ପଣ୍ଡା। ତାହା ପୁଣି ଲକ୍ଷ ଲକ୍ଷ କଳାହାଣ୍ଡିବାସୀଙ୍କ ସମ୍ମୁଖରେ , ଯାହାକୁ ନେଇ ପଶ୍ଚିମ ଓଡ଼ିଶା ବିଜେପି ରାଜନୀତିରେ ଚର୍ଚ୍ଚା ଜୋର ଧରିଛି। ବସନ୍ତ ବ୍ୟକ୍ତିଗତ ଭାବେ ପାଣ୍ଡିଆନ୍, ସିଏମଓଙ୍କ ଯୋଗାଯୋଗରେ ରହୁଛନ୍ତି। ଆଗାମୀ ଦିନରେ ସେ ଲୋକସଭା ଲଢିବାକୁ ଇଚ୍ଛା ପ୍ରକାଶ କରୁନାହାନ୍ତି। ପୁଣି ଥରେ ନୂଆପଡ଼ାରେ ବିଧାନସଭା ଜିତିବାକୁ ଚାହୁଁଛନ୍ତି। କଳାହାଣ୍ଡି ଜିଲ୍ଲାରେ ତାଙ୍କର କୌଣସି ଆବଶ୍ୟକତା ନାହିଁ। କେନ୍ଦ୍ରୀୟ ବିଜେପି ନେତା ଯଦି ତୃତୀୟ ମହଲା ସହ ଭଲ ସମ୍ପର୍କରେ ରହୁଛନ୍ତି। ତେବେ ଆମେ କାହିଁକି କଣ୍ଟା ବାଡ଼ରେ ଲୁଗା ପକାଇବା ବୋଲି ଶ୍ରୀ ପଣ୍ଡାଙ୍କ ସମର୍ଥକମାନେ କୁହାକୁହି ହେଉଛନ୍ତି। ବସନ୍ତଙ୍କ ସ୍ଥାନରେ ଅର୍କ କେଶରୀ ଦେଓ ବିଜେପିରୁ ସାଂସଦ ପ୍ରାର୍ଥୀ ଭାବେ ଲଢିବେ ବୋଲି ଜଣାପଡିଛି।