ଛଅ ବର୍ଷ ପରେ ନବୀନଙ୍କୁ ଭେଟି କ’ଣ କହିଲେ ବୈଜୟନ୍ତ….ପ୍ରେମ ପଟ୍ଟନାୟକଙ୍କ ସହ କି କଥା ହେଲେ ଜୟ ପଣ୍ଡା…

ନୂଆଦିଲ୍ଲୀ : ୨୦୧୯ ନିର୍ବାଚନ। ଲୋକସଭା ପ୍ରାର୍ଥୀ ଘୋଷଣା କରିଚାଲିଥାନ୍ତି ନବୀନ ପଟ୍ଟନାୟକ। କେନ୍ଦ୍ରାପଡ଼ା ଜିଲ୍ଲାରୁ ଘୋଷଣା କଲେ ଅଭିନେତା ଅନୁଭବ ମହାନ୍ତିଙ୍କ ନାଁ। ଶ୍ରୀ ମହାନ୍ତିଙ୍କ ନାଁ ଘୋଷଣା ପରେ ପୂର୍ବ ସାଂସଦ ବୈଜୟନ୍ତଙ୍କ ମନିଂ ଲଡ୍ରିଂ ଏବଂ ତାଙ୍କ ଉପରେ ଆସିଥିବା କେତେକ ଅଭିଯୋଗକୁ ବଖାଣିଥିଲେ। କହିଥିଲେ ବର୍ତ୍ତମାନର ପ୍ରାର୍ଥୀ ପୂର୍ବ ସାଂସଦ ଭଳି ହେବେ ନାହିଁ। ସମୟ ଚକ୍ରରେ ବୈଜୟନ୍ତ ଓ ଅନୁଭବ ରାଜ୍ୟ ରାଜନୀତିରେ କେଉଁଠି ଅଛନ୍ତି, ତାହା ସମସ୍ତଙ୍କୁ ଜଣା।

୨୦୧୭ ପରଠାରୁ ବୈଜୟନ୍ତ ପଣ୍ଡା ନବୀନ ପଟ୍ଟନାୟକଙ୍କୁ ଭେଟି ନ ଥିଲେ। ହେଲେ ଦୀର୍ଘ ଛଅ ବର୍ଷର ବ୍ୟବଧାନ ପରେ  ନବୀନ ପଟ୍ଟନାୟକଙ୍କୁ ଭେଟି ଯୋଡହସ୍ତରେ ନମସ୍କାର ହୋଇଛନ୍ତି ବୈଜୟନ୍ତ ପଣ୍ଡା। ଖାଲି ନବୀନଙ୍କୁ ନୁହେଁ, ନବୀନଙ୍କ ବଡ଼ ଭାଇ ପ୍ରେମ ପଟ୍ଟନାୟକଙ୍କୁ ଭେଟି ଆଲିଙ୍ଗନ କରିଛନ୍ତି ବୈଜୟନ୍ତ। ଦିଲ୍ଲୀରେ ଏହି ଘଟଣା ଘଟିଛି। ବୈଜୟନ୍ତଙ୍କ ପ୍ରତି ନମସ୍କାରରେ କିଛି କହିଛନ୍ତି ନବୀନ। ରାଜ୍ୟର ବିଭିନ୍ନ ପ୍ରସଙ୍ଗରେ ସରକାରଙ୍କୁ ଶାଣିତ ଆକ୍ରମଣ କରୁଥିବା ଶ୍ରୀ ପଣ୍ଡା ଏବେ ନୀରବ। ତେଣୁ ପୁର୍ନବାର ଶ୍ରୀ ପଣ୍ଡା ନବୀନ ପଟ୍ଟନାୟକ ଏବଂ ପଟ୍ଟନାୟକ ପରିବାରର ନିକଟତର ହେବାକୁ ଚେଷ୍ଟା କରୁଛନ୍ତି କି ବୋଲି ରାଜନୈତିକ ମହଲରେ ଆଲୋଚନା ଆରମ୍ଭ ହୋଇଛି। ଉଲ୍ଲେଖଯୋଗ୍ୟ, ପ୍ରଖ୍ୟାତ ଲେଖିକା, ସାମ୍ବାଦିକା, ବୃତ୍ତ ଚିତ୍ର ନିର୍ମାତା ଗୀତା ମେହେଟ୍ଟାଙ୍କ ଶେଷକୃତ୍ୟରେ ବୈଜୟନ୍ତ ସାମିଲ ହୋଇ ନବୀନ ପଟ୍ଟନାୟକଙ୍କୁ ଭେଟିଥିବା ଜଣା ପଡିଛି। ଏକଥା ଖୋଦ୍ ବୈଜୟନ୍ତ ସାର୍ବଜନୀନ କରିଛନ୍ତି।

Leave a Reply

Your email address will not be published. Required fields are marked *