ଭି.କେ ପାଣ୍ଡିଆନଙ୍କ ଭିଆରଏସଙ୍କୁ ଅଟକାଇ ଯାଇପାରିଥାନ୍ତା କି…ହେଲେ କେମିତି…ଜାଣନ୍ତୁ..
ଭୁବନେଶ୍ୱର : ଗତ ନବମୀ ଦିନ ଠାରୁ ଓଡ଼ିଶାର କୋଣ ଅନୁକୋଣରେ ଜଣେ ବ୍ୟକ୍ତିଙ୍କ ସମ୍ପର୍କରେ ହିଁ ଚର୍ଚ୍ଚା କରାଯାଉଛି। ସେ ବ୍ୟକ୍ତିଜଣଙ୍କ ହେଉଛନ୍ତି- ଭି.କେ ପାଣ୍ଡିଆନ। ଯିଏ କି ପୂର୍ବରୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ବ୍ୟକ୍ତିଗତ ସଚିବ ତଥା 5-ଟି ଉପକ୍ରମ ସଚିବ ଭାବେ କାର୍ଯ୍ୟ କରି ଆସୁଥିଲେ। ସେ ବର୍ତ୍ତମାନ ସରକାରୀ ଚାକିରୀରୁ ଅବସର ଗ୍ରହଣ କରି ନୂତନ ଭାବେ ସୃଷ୍ଟି ହୋଇଥିବା ଏକ ପଦରେ ଅବସ୍ଥାପିତ ହୋଇଛନ୍ତି। ତଥା ତାଙ୍କର ସ୍ୱେଚ୍ଛାକୃତ ଅବସର ତଥା ଭିଆରଏସ୍ ନେଇ ଆଲୋଚନା ଜୋର ଧରିଛି। ଆବେଦନ କରୁ କରୁ କିପରି ମଞ୍ଜୁର ହୋଇଗଲା, ସେ ନେଇ କଳ୍ପନାଜଳ୍ପନା ପ୍ରକାଶ ପାଇଛି। ଆସନ୍ତୁ ଏହି ଭିଆରଏସ୍ ସମ୍ବଦ୍ଧରେ କିଛି ଜାଣିବା।
ସରକାରୀ କର୍ମଚାରୀଙ୍କ VRS ସମ୍ବଦ୍ଧରେ କିଛି ନିର୍ଦ୍ଦିଷ୍ଟ ନିୟମରେ ସେମିତି କିଛି ନାହିଁ ।ସପ୍ତମ ବେତନ କମିଶନ ପରେ ପରିବର୍ଦ୍ଦିତ ନିୟମ ଅନୁଯାୟୀ ଜଣେ କର୍ମଚାରୀ ମାତ୍ର ତିନି ମାସିଆ ନୋଟିସ ଦେଇ ପାରିବ। ଏଥିସହ ଗୋଟିଏ ଅନୁରୋଧ ଚିଠି ବି ଦେବ। ଏହି ଚିଠିରେ ତାଙ୍କର ନୋଟିସ ଅବଧି ପୂର୍ବରୁ ତାଙ୍କର ଭିଆରଏସ୍ ଦରଖାସ୍ତ ମଞ୍ଜୁର କରାଯାଉ । ସରକାର ଚାହିଁଲେ ଯେ କୌଣସି ଦିନ ମଞ୍ଜୁର କରି ପାରନ୍ତି । ନଚେତ୍ ଏହି ଆବେଦନ ତିନି ମାସ ପରେ ତାହା ଆପେ ଆପେ ଗୃହୀତ ହେଇଯାଇଥାଏ । କେବଳ କୌଣସି ଭିଜିଲାନ୍ସ ମାମଲା, ବିଭାଗୀୟ ତଦନ୍ତ ଥିଲେ ସରକାର ସ୍ୱେଚ୍ଛାକୃତ ଅବସର ଆବେଦନକୁ ଅଗ୍ରାହ୍ୟ କରି ଗଡ଼ାଇ ଦେଇ ପାରନ୍ତି । ସେହିପରି ଜଣେ ତିନି ମାସ ପୂର୍ବରୁ ଯଦି ଭିଆରଏସ୍ ପାଇ ଯାଆନ୍ତି , ତେବେ ତାଙ୍କ ଅବସରକାଳୀନ ସୁବିଧା ଯଥା – ପେନସନ, gratuity, ଛାଡିଯାଉଥିବା ଦରମା ଆଦିର ହିସାବ ବେଳେ ତିନି ମାସ ପୂର୍ତ୍ତି ଦିନକୁ ଧରାଯିବ ନାହିଁ । ଯେଉଁ ଦିନ ଗ୍ରହଣ ହେଲା ତାହାକୁ ଧରାଯିବ । ତିନମାସ ନୋଟିସ ଶେଷ ପୂର୍ଵ ଦିବସ ପାଇଁ ସେ ଆବେଦନ କରି ପାରିବେ ନାହିଁ ।
ଏହି ଦୃଷ୍ଟିରୁ ଦେଖିଲେ ପାଣ୍ଡିଆନ ଗତ ୨୦ ଅକ୍ଟୋବରରେ ଚାକିରୀ ହରେଇଲେ । ସେ ୨୦୦୦ ମସିହାରେ ଚାକିରୀ କରିଥିଲେ । ଯଦି ଏପ୍ରିଲ ପୂର୍ବରୁ ଚାକିରୀ କରିଥିବେ ତାହେଲେ ତାଙ୍କର ୨୦୨୩ ଅକ୍ଟୋବର ୨୦ ପର୍ଯ୍ୟନ୍ତ ୨୨ ବର୍ଷ ୬ ମାସ ଚାକିରୀ କରିଛନ୍ତି । ଏହି ୬ ମାସ କୁ ଗୋଟିଏ ବର୍ଷ ଧରାଯିବ । ତେଣୁ ନୋଟିସ ପୂର୍ବରୁ ଭିଆରଏସ୍ ଗ୍ରହଣ ହେଲେ ବି ଅବସରକାଳୀନ ସୁବିଧା ପାଇବାରେ କୌଣସି ଅସୁବିଧା ହେବ ନାହିଁ । ତେଣୁ ତାଙ୍କ ଆବେଦନକୁ ତିନିମାସ ବିଳମ୍ବିତ କରିବାର କିଛି ବୈଷୟିକ ତଥା ପ୍ରଶାସନିକ କାରଣ ନ ଥିଲା। ବିଳମ୍ବିତ କରି ଥିଲେ ବି ଭି.କେ ପାଣ୍ଡିଆନଙ୍କ ଭିଆରଏସ୍ ଆବେଦନ ସ୍ୱତଃ ମଞ୍ଜୁର ହୋଇଥାନ୍ତା।
