କଂଗ୍ରେସରୁ ଚିରଞ୍ଜୀବ ବିଜେଡିରୁ ଆକାଶ ଓ ଅନୁଭବ ଛାଡିଲେ ଦଳ …

ଭୁବନେଶ୍ବର: ବରିଷ୍ଠ କଂଗ୍ରେସ ନେତା ତଥା ପୂର୍ବତନ ବିଧାୟକ ଚିରଞ୍ଜୀବ ବିଶ୍ୱାଳ ଦଳରୁ ଇସ୍ତଫା ଦେଇଛନ୍ତି । ୨୦୦୪ରୁ ୨୦୦୯ ଯାଏ ତିର୍ତ୍ତୋଲ ବିଧାୟକ ଏବଂ ୨୦୧୪ରୁ ୨୦୧୯ ଯାଏଁ ଜଗତସିଂହପୁର ବିଧାୟକ ଭାବେ କଂଗ୍ରେସ ଗଡ଼ ସମ୍ଭାଳିଥିଲେ ଚିରଞ୍ଜୀବ। ଏପରିିକି ବିଧାନସଭାରେ ବିରୋଧୀ ଦଳର ଉପନେତା ଭାବେ ମଧ୍ୟ କଂଗ୍ରେସ ସ୍ୱରକୁ ଶାଣିତ କରିଥିଲେ ଚିରଞ୍ଜୀବ। ପ୍ରଦେଶ କଂଗ୍ରେସ କମିଟିର ପୂର୍ବତନ କାର୍ଯ୍ୟକାରୀ ସଭାପତି ବି ଥିଲେ ଚିରଞ୍ଜୀବ ବିଶ୍ୱାଳ।

ସେହିପରି ବିଜେଡିରୁ ମଧ୍ୟ ଆଜି ଦୁଇ ଓଡ଼ିଆ ସିନେ ତାରକା ଦଳ ଛାଡିଛନ୍ତି।ପୂର୍ବରୁ ଅରିନ୍ଦମ ଏବଂ ସିଦ୍ଧାନ୍ତ ଦଳ ଛାଡିଥିବା ବେଳେ ଆଜି ଅନୁଭବ ଓ ଆକାଶ ଦାସ ନାୟକ ଦଳ ଛାଡିଛନ୍ତି।କେନ୍ଦ୍ରାପଡ଼ା ସାଂସଦ ଅନୁଭବ ମହାନ୍ତି ନିଜର ଇସ୍ତଫାପତ୍ର ଦଳ ସଭାପତି ନବୀନ ପଟ୍ଟନାୟକଙ୍କ ପାଖକୁ ପଠାଇଛନ୍ତି। ସେ ବିଜେପିରେ ଯୋଗ ଦେବା ନେଇ ଚର୍ଚ୍ଚା ଚାଲିଛି କିନ୍ତୁ ଏପର୍ଯ୍ୟନ୍ତ କିଛି ସ୍ପଷ୍ଟତା ଆସିନି। ସେହିପରି ଆକାଶ ମଧ୍ୟ ବିଜେଡି ଉପରୁ ଆସ୍ଥା ହଟାଇ ଦଳରୁ ବାହାରି ଯାଇଛନ୍ତି। କାରଣ ଆପଣ ଯଦି ପୂର୍ବରୁ ଦେଖିବେ ତାହାଲେ ଆକାଶଙ୍କୁ ଗତଥର ଟିକେଟ ମିଳିନଥିଲା କି ଏଥର ମଧ୍ୟ ମିଳିନାହିଁ ତ ସେଥିପାଇଁ ସେ ଦଳ ଛାଡିବାର ନିଷ୍ପତି ନେଇଛନ୍ତି।