ମଧ୍ୟପ୍ରଦେଶରେ କଂଗ୍ରେସ କରିବ ସରକାର, ଆସିଲା ସର୍ଭେକ୍ଷଣ ରିପୋର୍ଟ

ଭୋପାଳ:  ଆଉ ମାତ୍ର ନବେ ଦିନ ପରେ ମଧ୍ୟପ୍ରଦେଶରେ ବିଧାନସଭା ନିର୍ବାଚନ ହେବାକୁ ଯାଉଛି। ମଧ୍ୟ ଭାରତର ଏହି ରାଜ୍ୟର ନିର୍ବାଚନ ଉପରେ ସମସ୍ତଙ୍କ ନଜର ରହିଛି। ବର୍ତ୍ତମାନ ସେଠାରେ ବିଜେପି ଶାସନ କରୁଛି। ବିଜେପି ନେତା ଶିବରାଜ ସିଂଚୌହାନ ସେଠାରେ ମୁଖ୍ୟମନ୍ତ୍ରୀ ଭାବେ ଶାସନ କରୁଛନ୍ତି। ହେଲେ ଗତଥର ନିର୍ବାଚନରେ କଂଗ୍ରେସ ଅଧିକ ଆସନ ଦଖଲ କରିବା ସହ ସରକାର କରିଥିଲା। ମାତ୍ର କରୋନା ସମୟରେ  ଜ୍ୟୋତିରାଦିତ୍ୟ ସିନ୍ଧିଆ ବିଦ୍ରୋହ କରିବାକୁ କମଲନାଥଙ୍କ ମନ୍ତ୍ରିମଣ୍ଡଳ ଭାଙ୍ଗିଯାଇଥିଲା। ତେଣୁ କଂଗ୍ରେସ ଏଥର ନିର୍ବାଚନ ଅଧିକ ଆକ୍ରମଣାତ୍ମକ ଢଙ୍ଗରେ ଲଢିବାକୁଯାଉଛି। ହେଲେ ଲୋକପୋଲ୍ ପକ୍ଷରୁ କରାଯାଇଥିବା ସର୍ଭେ କଂଗ୍ରେସକୁ ଖୁସି କରାଇଛି।

       ଆଗାମୀ ନିର୍ବାଚନରେ କଂଗ୍ରେସ ପ୍ରାୟ ୧୩୦ରୁ ୧୩୫ବିଧାନସଭା ଆସନ ପାଇବ ବୋଲି ପୂର୍ବାନୁମାନ କରାଯାଇଛି। ପ୍ରତି ବିଧାନସଭା ନିର୍ବାଚନମଣ୍ଡଳୀର ସାମ୍ପୁଲ ସର୍ଭେକୁ ବିଶ୍ଳେଷଣ କରାଯାଇ ଏହା କୁହାଯାଇଛି। ସେହିପରି ବିଜେପି  ୯୦ରୁ ୯୫ଆସନ ପାଇବାରେ ସମର୍ଥ ହେବ। ବିଏସପି ଗୋଟିଏ କିମ୍ବା ଦୁଇଟି ଆସନ ଜିତିପାରିବା ସହ ଅନ୍ୟଙ୍କ ଖାତାରେ ସର୍ବାଧିକ ୫ଟି ଆସନ ଯାଇପାରେ। କଂଗ୍ରେସର ଭୋ ପ୍ରତିଶତ ୪୦ରୁ ୪୩ ରହିବ। ସେହିପରି ବିଜେପିର ୩୮ରୁ ୪୧ ରହିବ। ବିଏସପିର ୩ରୁ ୫ ପ୍ରତିଶତ ଏବଂ ଅନ୍ୟଙ୍କ ଖାତାରେ ପ୍ରାୟ ୪ରୁ ୮ ପ୍ରତିଶତ ଭୋଟ ରହିବ।    ଗୋଓ୍ୱାଲିୟର-ଚମ୍ପଲ ଅଞ୍ଚଳରେ ବିଜେପି ୯ରୁ ୧୧, କଂଗ୍ରେସ ୨୧ରୁ ୨୩ ଏବଂ ଅନ୍ୟମାନେ ଏକ କିମ୍ବା ଦୁଇଟି ଆସନ ପାଇବେ ବୋଲି ପୂର୍ବାନୁମାନ କରାଯାଇଛି। ଅନୁରୁପ ଭାବେ ଅନ୍ୟ ଅଞ୍ଚଳରେ କାହାର କଣ ସ୍ଥିତି ରହିବ, ତାହା ନିମ୍ନ ଚିତ୍ରରେ ପ୍ରଦାନ କରାଯାଇଛି।