ସ୍ୱର ବଦଳାଇଲାଣି କଂଗ୍ରେସ, ବହୁଜନ ସମାଜ ନିକଟତର ହେବାକୁ ଚେଷ୍ଟା..ସୋନିଆ ଦେଲେ ସଙ୍କେତ

ନୂଆଦିଲ୍ଲୀ : ପଛୁଆବର୍ଗଙ୍କ ସାମ୍ବିଧାନିକ ଅଧିକାର ଦେବା ପାଇଁ ମଣ୍ଡଳ କମିଶନ ପ୍ରସ୍ତାବ ଦେଇଥିଲେ। ମାତ୍ର ଏହି ସୁପାରିସ୍ କଂଗ୍ରେସ ବହୁମତରେ ଥିବା ସତ୍ତ୍ୱେ ଲାଗୁ କରିପାରି ନ ଥିଲା। ଇନ୍ଦିରା ଗାନ୍ଧୀ ଏବଂ ରାଜୀବ ଗାନ୍ଧୀ ଏହି ସୁପାରିଶ୍ ଲାଗୁ କରିପାରି ନ ଥିଲେ। ମାତ୍ର ମେଣ୍ଟରେ ଥିବା ଭି.ପି ସିଂଙ୍କ ସରକାର ଏହି ସୁପାରିଶକୁ ଲାଗୁ କରିଥିଲା। କଂଗ୍ରେସ ଏହାକୁ ବିଧିବଦ୍ଧ ଭାବେ ପି.ଭି ନରସିଂହ ରାଓଙ୍କ କାର୍ଯ୍ୟକାଳରେ ଲାଗୁ କରିଥିଲା। ମାତ୍ର ଏହାକୁ ନେଇ ଯେପରି ଶ୍ରେୟ ନେବା କଥା , ସେଥିରେ ପଛରେ ପଡ଼ି ରହିଲା। ଯାହାର ଫାଇଦା ପଛୁଆବର୍ଗ କୈନ୍ଦ୍ରିକ ଦଳ ଏବଂ ବିଜେପି ନେଇଚାଲିଲେ।

୨୦୧୪ ପରେ କଂଗ୍ରେସର ଲଗାତର ଭୋଟ ହ୍ରାସ ପାଇଲା। ମାତ୍ର ଯେଉଁଠି ସାମାଜିକ ନ୍ୟାୟ ଏବଂ ରାଜନୈତିକ ଭାବେ ସାମାଜିକ ସମୀକରଣକୁ ଗୁରୁତ୍ୱ ଦିଆଗଲା। ସେଠାରେ କଂଗ୍ରେସ ଭଲ ପ୍ରଦର୍ଶନ କଲା। ଯାହାର ଫଳ ୟୁପି, ବିହାର, କର୍ଣ୍ଣାଟକ ଏବଂ ମହାରାଷ୍ଟ୍ରରେ ସଫଳତା ଦେଖିବାକୁ ମିଳିଲା। ପ୍ରାଥମିକ ଭାବେ ମହିଳା ସଂରକ୍ଷଣରେ ଓବିସିଙ୍କ ପାଇଁ ସଂରକ୍ଷଣରେ କଂଗ୍ରେସ ଆଭିମୁଖ୍ୟ ସ୍ପଷ୍ଟ ନ ଥିଲା। ମାତ୍ର ଘଟଣାକ୍ରମରେ କଂଗ୍ରେସର ସର୍ବୋଚ୍ଚ ନେତ୍ରୀ ସୋନିଆ ଗାନ୍ଧୀ ସଂରକ୍ଷଣରେ ସଂରକ୍ଷଣ ଦାବି କରିବା ସହ ପଛୁଆବର୍ଗ ସ୍ୱର ଉଠାଇଛନ୍ତି। ଯାହାକୁ ଦଳମତ ନିର୍ବିଶେଷରେ ସ୍ୱାଗତ କରାଯାଇଛି। ଆଗାମୀ ଦିନରେ କଂଗ୍ରେସର ଏହି ଆଭିମୁଖ୍ୟ କାରଣରୁ ବହୁତ ଦଳ କଂଗ୍ରେସ ସାଥ୍ ଦେଇପାରନ୍ତି। ଏହି ରଣନୀତି ଦ୍ୱାରା କଂଗ୍ରେସ-ବିଏସପିରେ ନିକଟତର ହେବାର ସମ୍ଭାବନା ଉଜ୍ଜ୍ୱଳ ବୋଲି ରାଜନୈତିକ ସମୀକ୍ଷକମାନେ ମତ ରଖିଛନ୍ତି।