ନିର୍ବାଚନ ଆୟୋଗ ଉପରେ କଂଗ୍ରେସର ଆରୋପ, କାହିଁକି ହେଉ ନଥିଲା ଡାଟା ଅପଡେଟ…

ହରିୟାଣା;ହରିୟାଣା ବିଧାନସଭା ନିର୍ବାଚନରେ ପଛରେ ରହିବା ପରେ ନିର୍ବାଚନ ଆୟୋଗଙ୍କ ବିରୋଧରେ କଂଗ୍ରେସ ଗୁରୁତର ଅଭିଯୋଗ ଆଣିଛି। ବର୍ତ୍ତମାନ ନିର୍ବାଚନ ଆୟୋଗ ଏହି ଅଭିଯୋଗକୁ ମିଥ୍ୟା ବୋଲି କହିଛନ୍ତି ଏବଂ ପ୍ରତି ପାଞ୍ଚ ମିନିଟରେ ଭୋଟ୍ ଗଣନା ତଥ୍ୟ ଅପଡେଟ୍ ହେଉଛି ବୋଲି କହିଛନ୍ତି । କଂଗ୍ରେସ କହିଛି ଯେ ନିର୍ବାଚନ ଆୟୋଗର ଅଧିକାରୀମାନେ ଜାଣିଶୁଣି ତଥ୍ୟକୁ ଧୀରେ ଧୀରେ ଅପଡେଟ୍ କରିଛନ୍ତି। ଯାହା ପାଈଁ କାର୍ଯ୍ୟକର୍ତ୍ତାଙ୍କୁ ଅସୁବିଧାର ସମ୍ମୁଖୀନ ହେଉଛନ୍ତି  | ଏହି ସମୟରେ ସେ ଆହୁରି ମଧ୍ୟ କହିଛନ୍ତି ଯେ ମାଇଣ୍ଡ ଗେମ୍ ଖେଳ ଖେଳାଯାଉଛି ଏବଂ କଂଗ୍ରେସ କର୍ମୀମାନେ ଗଣନା କେନ୍ଦ୍ରରେ ଉପସ୍ଥିତ ରହିବା ଉଚିତ୍। କଂଗ୍ରେସର ସାଧାରଣ ସମ୍ପାଦକ କହିଛନ୍ତି “ନିରାଶ ହେବାର ଆବଶ୍ୟକତା ନାହିଁ … ଖେଳ ସମାପ୍ତ ହୋଇନାହିଁ। ମାଇଣ୍ଡ ଗେମ୍ ଖେଳ ଖେଳାଯାଉଛି। ଆମେ ପଛକୁ  ହଟିବୁ ନାହିଁ, ନିରାଶ ହେବାର ଆବଶ୍ୟକତା ନାହିଁ। ଆମକୁ ଜନଦେଶ ମିଳିବ । “କଂଗ୍ରେସ ସରକାର ଗଠନ କରିବାକୁ ଯାଉଛି।” ଅନ୍ୟପଟେ ଏହି ଅଭିଯୋଗକୁ ଖଣ୍ଡନ କରିଛି ନିର୍ବାଚନ ଆୟୋଗ।  ତଥ୍ୟ ଠିକ୍ ସମୟରେ ଅପଡେଟ୍ ହୋଇଛି ବୋଲି ନିର୍ବାଚନ ଆୟୋଗ ସ୍ପଷ୍ଟ କରିଛନ୍ତି।

ଭୋଟ ଗଣତି ଆରମ୍ଭରୁ କଂଗ୍ରେସ ୭୦ ରୁ ଅଧିକ ସିଟ୍ ପାଇଥିଲା। ରାଜ୍ୟରେ ମୋଟ ୯୦ ଟି ସିଟ୍ ଅଛି। ଏଥିମଧ୍ୟରୁ ୭୦ ଟି ସିଟରେ ଆଗରେ ରହିବା ପରେ କଂଗ୍ରେସ ଏହାର ବିଜୟ ନିଶ୍ଚିତ ବୋଲି ଭାବିଥିଲା। ତେବେ କିଛି ସମୟ ପରେ ଏହି ସଂଖ୍ୟା ବଦଳିଗଲା ଏବଂ କଂଗ୍ରେସ ବଦଳରେ ବିଜେପି ସଂଖ୍ୟାଗରିଷ୍ଠତା ହାସଲ କଲା। ଏହା ପରେ କଂଗ୍ରେସ ନେତାମାନେ ନିର୍ବାଚନ ଆୟୋଗ ଉପରେ ଅଭିଯୋଗ କରିଛନ୍ତି। ହରିୟାଣାରେ ସଂଖ୍ୟାଗରିଷ୍ଠତା ପାଇଁ ଆବଶ୍ୟକ ସଂଖ୍ୟା ହେଉଛି ୪୬ । ଏଠାରେ ବିଜେପି ୪୮ ଟି ସିଟ ଆଗରେ ରହିଥିବା ବେଳେ କଂଗ୍ରେସ ୩୭ ଓ ଅନ୍ୟାନ୍ୟ ୩ଟି ଆସନରେ ଆଗୁଆ ରହିଛନ୍ତି।