ବାଙ୍କୀରୁ ବିଜେପିରୁ ପ୍ରାର୍ଥୀ ହେବେ ଦେବାଶିଷ ପଟ୍ଟନାୟକ !

ବାଙ୍କୀ : କଟକ ଜିଲ୍ଲା ବାଙ୍କୀର ପୂର୍ବତନ ବିଧାୟକ ଦେବାଶିଷ ପଟ୍ଟନାୟକ ଖୁବଶୀଘ୍ର ବିଜେପିରେ ସାମିଲ ହେବାକୁ ଯାଉଛନ୍ତି। ଆସନ୍ତା ସାଧାରଣ ନିର୍ବାଚନରେ ସେପଦ୍ମ ଦଳରୁ ବାଙ୍ଗୀ ନିର୍ବାଚନମଣ୍ଡଳୀର ପ୍ରାର୍ଥୀ ହେବାକୁ ଯାଉଛନ୍ତି। ଏନେଇ କଂଗ୍ରେସ ବ୍ୟାନର ବିନା ଏକ ବନ୍ଧୁ ମିଳନ କାର୍ଯ୍ୟକ୍ରମ ଶ୍ରୀ ପଟ୍ଟନାୟକ କିଛିଦିନ ତଳେ କରିଥିଲେ। ଏହି ବନ୍ଧୁ ମିଳନ କାର୍ଯ୍ୟକ୍ରମରେ ସେ ବଡ଼ ନିଷ୍ପତ୍ତି ନେଉଥିବା କହିଥିଲେ। ଏଥିରେ ଲୋକମାନଙ୍କ ସହଯୋଗ ରହିବ ନା ନାହିଁ ବୋଲି ପ୍ରଶ୍ନ କରିଥିଲେ। ସେଠାରେ ଉପସ୍ଥିତ ଥିବା କର୍ମୀ ଦେବାଶିଷଙ୍କ ପରବର୍ତ୍ତୀ ପଦକ୍ଷେପକୁ ନେଇ ସହମତି ଜଣାଇଥିଲେ। କଟକ ଜିଲ୍ଲାରେ କଂଗ୍ରେସର ଭୋଟ ହ୍ରାସ ପାଇବ ବୋଲି ଶ୍ରୀ ପଟ୍ଟନାୟକ ଅନୁଭବ କରୁଛନ୍ତି। ବିଜେଡି ବିରୋଧୀ ତଥା ଶାସକ ବିରୋଧୀ ମତ ବିଜେପିକୁ ଅଣାଯାଇ ପାରିବ। ତେଣୁ ଏହି ସମୀକରଣରେ ବାଙ୍କୀର ବିଜେପି ଆଶାୟୀଙ୍କୁ ବୁଝାଇ ତାଙ୍କ ଟିକେଟ୍ ସୁନିଶ୍ଚିତ କରାଯିବ ବୋଲି ଜଣାପଡିଛି।