ବିଶ୍ବକପରେ ଭାରତର ଲାଭ ଜାଣିଲେ ଆପଣ ହୋଇଯିବେ ଚକିତ…
ଦିନିକିଆ ବିଶ୍ବକପରେ ଭାରତ ଫାଇନାଲରେ ହାରିଛି ସତ , କିନ୍ତୁ ଅର୍ଥନୀତି ପାଇଁ ଏହି ବିଶ୍ବକପ୍ ବେଶ ମଙ୍ଗଳ କାରି ସାବସ୍ତ୍ୟ ହୋଇଛି | ବିଶ୍ବକପ କାରଣରୁ ଭାରତର ଅର୍ଥନୀତିକୁ ୨୨ ହଜାର କୋଟି ଟଙ୍କା ଲାଭ ମିଳିଥିବା ଆକଳନ କରାଯାଇଛି ।
ବ୍ୟାଙ୍କ ଅଫ୍ ବରୋଦାର ଏକ ଆକଳନ ଅନୁଯାୟୀ କ୍ରିକେଟ୍ ବିଶ୍ଵକପ୍ ଲାଗି ଅର୍ଥନୀତିକୁ ୨୨ ହଜାର କୋଟି ଟଙ୍କାର ମିଳିଛି। ଏହି ଟୁର୍ଣ୍ଣାମେଣ୍ଟର ପ୍ରଭାବ ହୋଟେଲଠାରୁ ଆରମ୍ଭ କରି ଟ୍ରାଭେଲ, ରିଟେଲ ଓ ଡିଜିଟାଲ ଷ୍ଟ୍ରିମିଂ ସେବା ଆଦି ବିଭିନ୍ନ କ୍ଷେତ୍ରରେ ଦେଖିବାକୁ ମିଳିଥିଲା। ଖେଳ ଦେଖିବା ପାଇଁ ବହୁତ ଲୋକ ବାହାରୁ ଆସିଥିବାରୁ ଫଳରେ ହୋଟେଲ ଓ ଭ୍ରମଣ ଶିଳ୍ପ ପାଇଁ ରୋଜଗାରକୁ ବେଶ୍ ଶକ୍ତି ପ୍ରଦାନ କରିଥିଲା । ବିଶ୍ବକପ ସମୟରେ ହୋଟେଲଗୁଡ଼ିକର କୋଠରି ଭର୍ତ୍ତି ହୋଇଯାଇଥିଲା। ରେଳ ଓ ବିମାନରେ ଲୋକମାନେ ବିଭିନ୍ନ ସ୍ଥାନକୁ ଯାତ୍ରା କରିଥିଲେ । ତାହାର ଲାଭ ସେହି କ୍ଷେତ୍ରରେ କାରବାର କରୁଥିବା କଂପାନିଗୁଡ଼ିକୁ ମିଳିଥିଲା ।
ଟିଭି ଓ ଡିଜିଟାଲ ଷ୍ଟ୍ରିମିଂ ପ୍ଲାଟଫର୍ମଗୁଡ଼ିକରେ ବିଶ୍ଵକପର ବିଭିନ୍ନ ମ୍ୟାଚ୍କୁ ବିପୁଳ ସଂଖ୍ୟକ ଦର୍ଶକ ଦେଖିଥିଲେ | ଫଳରେ ବିଜ୍ଞାପନ ଜରିଆରେ ପ୍ରସାରଣକାରୀ ସଂସ୍ଥାଗୁଡ଼ିକ ବିପୁଳ ଆୟ କରିଛନ୍ତି। ଯେଉଁ ସହରରେ ଖେଳ ହେଉଥିଲା, ସେଠାରେ ସ୍ଥାନୀୟ ବ୍ୟବସାୟୀ, ରେସ୍ତୋରାଁ ଓ ଯାତାୟାତ ସେବା ପ୍ରଦାନକାରୀ ସଂସ୍ଥାଗୁଡ଼ିକର କାରବାରବଢ଼ିଥିଲା | ଚାହିଦା ପୂରଣ କରିବା ଲାଗି ସେମାନେ ଅଧିକ ଲୋକଙ୍କୁ ନିଯୁକ୍ତି ମଧ୍ୟ ଦେଇଥିଲେ। ଲଜିଷ୍ଟିକ୍ସ ଓ କାର୍ଯ୍ୟକ୍ରମ ପରିଚାଳନା କ୍ଷେତ୍ର ମଧ୍ୟ ବେଶ ସକ୍ରିୟ ହୋଇଉଠିଥିଲା |
