ଜାଗା ମିଶନ୍ ଜମି ବଣ୍ଟା ନାଁରେ ବ୍ୟାପକ ଅନିୟମିତତା ଅଭିଯୋଗ ଆଣିଲେ ବିଜୟ ପଟ୍ଟନାୟକ
ଭୁବନେଶ୍ୱର : ରାଜ୍ୟ ସରକାର ଜମି ଦଲାଲଙ୍କୁ ଅନୁକମ୍ପା ,ଗରିବଙ୍କୁ ପ୍ରତାରଣା କରୁଥିବା କଂଗ୍ରେସ ପ୍ରଚାର କମିଟି ଅଧ୍ୟକ୍ଷ ବିଜୟ ପଟ୍ଟନାୟକ କହିଛନ୍ତି। ସେହିପରି ରାଜଧାନୀ ଭୁବନେଶ୍ୱରରେ ଏକ ଅରାଜକତାର ବାତାବରଣ ସୃଷ୍ଟି ହେବା ସହ ଏଠାରେ ସରକାରଙ୍କର କୌଣସି ରୁଲ୍ ଅଫ୍ ଲ (Rule of Law) କାର୍ଯ୍ୟ କରୁନଥିବା ଅଭିଯୋଗ ଆଣିଛନ୍ତି କଂଗ୍ରେସ ପ୍ରଚାର କମିଟି ଅଧକ୍ଷ ଶ୍ରୀ ପଟ୍ଟନାୟକ। ଶ୍ରୀ ପଟ୍ଟନାୟକ କହିଛନ୍ତି ଯେ , ଗରିବ ଲୋକଙ୍କ ପାଇଁ ଏଠାରେ କୌଣସି ନିୟମ ନାହିଁ। ଭୁବନେଶ୍ୱରରେ କେବଳ ଧନୀ ଓ ଉଚ୍ଚ ଶ୍ରେଣୀର ଲୋକ ମାନଙ୍କୁ ଜାଗା ମିଳୁଛି। ଗରିବ ଓ ସାଧାରଣ ଲୋକଙ୍କୁ ଏଠାରେ ଜାଗା ମିଳିବାର କୌଣସି ବ୍ୟବସ୍ଥା ନାହିଁ। ସେହି କାରଣରୁ ଭୁବନେଶ୍ୱରରେ ସରକାରୀ ଜମି ଜବରଦଖଲ ବଢ଼ିଚାଲିଛି। ବସ୍ତିବାସିନ୍ଦାଙ୍କୁ ଜାଗା ମିଶନ ମାଧ୍ୟମରେ ଜମି ଦେବା ନାଁରେ ସରକାରୀ ବାବୁ, ଲୋକାଲ ମାଫିଆ ଓ ସ୍ଥାନୀୟ କର୍ପୋରେଟର ମିଳିମିଶି ସରକାରୀ ଜମିକୁ ଲକ୍ଷ୍ ଲକ୍ଷ୍ ଟଙ୍କାରେ ବିକ୍ରି କରୁଛନ୍ତି। ହେଲେ ଏହି ଜମି ପ୍ରକୃତ ଗରିବ ଲୋକ ପାଇପlରୁନାହାନ୍ତି ବୋଲି କଂଗ୍ରେସ ପକ୍ଷରୁ ଅଭିଯୋଗ କରାଯାଇଛି। ଏହାର ଉଦାହରଣ ଦେବାକୁ ଯାଇ ଶ୍ରୀ ପଟ୍ଟନାୟକ କହିଛନ୍ତି ଯେ, ଶ୍ୟାମପୁର ଅଞ୍ଚଳରେ ଭୂମି ଅଧିକାର ଲୋଭରେ ଜଣେ ଜଣେ ଲୋକ ଏପରି ଏକାଧିକ ସରକାରୀ ପ୍ଲଟ୍ କିଣୁଥିବାର ଅଭିଯୋଗ ହେଉଛି। ତେବେ କେବଳ ଏହି ଶ୍ୟାମପୁର ନୁହେଁ, ସାରା ସହରରେ ଏଭଳି ବେଆଇନ୍ ଜବରଦଖଲ ବଢ଼ିବାରେ ଲାଗିଛି। ଜାଗା ମିସନ୍ରେ ଜମି ପାଇବା ପାଇଁ ଯିଏ ପାରୁଛି ସେ ସରକାରୀ ଜାଗା ଜବରଦଖଲ କରୁଛି । ଏହି ପୁଣି ସ୍ଥାନୀୟ ଗୁଣ୍ଡା ଓ ସରକାରୀ ବାବୁଙ୍କ ସହଯୋଗରେ। ଏବଂ ଏହି ଜାଗାକୁ ଲକ୍ଷ୍ ଲକ୍ଷ୍ ଟଙ୍କାରେ ବିକ୍ରି କରାଚାଲିଛି। କିନ୍ତୁ ଧରାପଡ଼ିବା ବେଳେ କେବଳ ଯିଏ ଟଙ୍କା ଦେଇ ସରକାରୀ ଜମି କିଣୁଛି ସେ ହିଁ ଧରାପଡ଼ୁଛି ଓ କାର୍ଯ୍ୟାନୁଷ୍ଠାନର ଶିକାର ହେଉଛି। ବାକି ଦଲାଲ ଓ ସରକାରୀ ବାବୁ ଖସି ଯାଉଛନ୍ତି। ଏଥିରେ ଗରିବ ଲୋକଙ୍କ ହିଁ ହଇରାଣ ହେଉଛନ୍ତି। ସବୁଠାରୁ ଆଶ୍ଚର୍ଯ୍ୟର ବିଷୟ ନିଜେ ମୁଖ୍ୟମନ୍ତ୍ରୀ ଏହି ଜମିକୁ ଜାଗା ମିଶନ ଜମି କହି ପ୍ରମାଣ ପତ୍ର ବାଣ୍ଟୁଛନ୍ତି। ଏହି ଜାଗା ମିଶନ ଏକ ସମୂର୍ଣ୍ଣ ପ୍ରତାରଣା। ଜାଗା ମିଶନ ନାଁରେ କାଗଜ ଖଣ୍ଡେ ଧରାଇ ମିଛ ପ୍ରଚାର୍ କରି ଗରିବ ଲୋକଙ୍କୁ ସରକାର ଠକୁଥିବାର ଅଭିଯୋଗ ଆଣିଛନ୍ତି ଶ୍ରୀ ପଟ୍ଟନାୟକ। ଅନୁରୂପ ଭାବେ ଯଦି ସରକାର ଜାଗା ମିଶନ ନାଁରେ ବାଣ୍ଟୁଥିବା କାଗଜ ପ୍ରକୃତ ପଟ୍ଟା ତେବେ ସେଥିରେ କଣ ପାଇଁ ବ୍ୟାଙ୍କ ମଡ଼ଗେଜ୍ ଦେଉନାହିଁ କି ଲୋକମାନେ ନିଜ ପିଲାମାନଙ୍କ ଶିକ୍ଷ୍ୟା ପାଇଁ ବ୍ୟାଙ୍କରୁ ଋଣ ନେଇପାରୁନାହାନ୍ତି ? ଏହି ପଟ୍ଟା କଣ ପାଇଁ ଅନ୍ୟ ବ୍ୟବହାରରେ ଆସିପାରୁନାହିଁ? ସରକାର ଜାଗା ମିଶନ ମାଧ୍ୟମରେ ନିଜର ମିଥ୍ୟା ପ୍ରଚାର କରିବା ସହ ଲୋକଙ୍କୁ ପ୍ରତାରଣା କରି ଖଣ୍ଡିଏ କାଗଜ ଧରାଇ ଦେଇଛନ୍ତି ବୋଲି ଶ୍ରୀ ପଟ୍ଟନାୟକ କହିଛନ୍ତି।
