ନିର୍ବାଚନ ଋତୁ : ଖୁବ୍ ଶୀଘ୍ର ଆରମ୍ଭ ହେବ ଚାକିରୀ ଛଡ଼ା ପର୍ବ

ଭୁବନେଶ୍ୱର: ଧାର୍ଯ୍ୟ ସମୟରେ ନିର୍ବାଚନ ହେଲେ ଆହୁରି  ସାତ ମାସ ସମୟ ରହିଛି। ଆଗୁଆ ନିର୍ବାଚନ ହେଲେ ହାତରେ ତିନିରୁ ଚାରିମାସ ସମୟ ରହିଛି। ଓଡ଼ିଶାରେ ଆଶାୟୀ ପ୍ରାର୍ଥୀମାନେ ନିଜ ପ୍ରସ୍ତୁତି ଆରମ୍ଭ କରିସାରିଲେଣି। ବିଶେଷ କରି ଶାସକ ଦଳ ପକ୍ଷରୁ ବହୁ  ଅଧିକାରୀଙ୍କୁ ରାଜନୀତି ମଇଦାନରେ ଦେଖିବାକୁ ମିଳିପାରେ। ଭାରତୀୟ ପ୍ରଶାସନିକ ସେବା ଠାରୁ ଆରମ୍ଭ କରି ବେସରକାରୀ ସଂସ୍ଥାରେ ଉଚ୍ଚ ବେତନରେ କାମ କରୁଥିବା ବହୁ ଆଶାୟୀ ବିଜେଡି ଟିକେଟ୍ ଆଶାୟୀ ଅଛନ୍ତି।

ସେପ୍ଟେମ୍ବର ତୃତୀୟ ସପ୍ତାହ ପରଠାରୁ ରାଜ୍ୟ ପ୍ରଶାସନରେ ଇସ୍ତଫା ପର୍ବ ଆରମ୍ଭ ହେବ ବୋଲି ଜଣାପଡିଛି। ଓଏଏସ ଅଫିସର, ଓଆରଏସ୍ ଅଧିକାରୀ, ପଦୋନ୍ନତି ଆଇଏଏସ୍, କୌଣସି ସଂସ୍ଥାରେ ଥିବା ଲୋକସମ୍ପର୍କ ଅଧିକାରୀମାନେ ଇସ୍ତଫା ପାଇଁ ପ୍ରସ୍ତୁତ ହେଲେଣି। ସଚିବାଳୟ କରିଡରରେ ବର୍ତ୍ତମାନ କେଉଁ ବିଭାଗରୁ କିଏ ଭିଆରଏସ୍ ନେବାକୁ ଯାଉଛି। ସେ ନେଇ ଚର୍ଚ୍ଚା ଜୋର ଧରିଛି।  ହେଲେ ଅଫିସରଙ୍କ ଚାକିରୀ ଛାଡ଼ିବା ନେଇ ସମସ୍ତ ନଜର କିଛି ପ୍ରଭାବଶାଳୀ ଆଇଏଏସ୍ ଅଧିକାରୀଙ୍କ ଉପରେ ରହିଛି। ଦୁଇ ଜଣ ଓଡ଼ିଆ ଏବଂ ଜଣେ ଅଣ ଓଡ଼ିଆ କେବେ ଇସ୍ତଫା ଦେବେ, ସେ ଚର୍ଚ୍ଚା ଜୋର ଧରିଛି। ଆକଳନ କରାଯାଉଥିବା ତିନି ଆଇଏଏସ୍ ମଧ୍ୟରୁ ଜଣେ ରାଜନୀତିକୁ ଆସିବା ନିଶ୍ଚିତ। ଜାନୁୟାରୀ ପୂର୍ବରୁ ଆଶାୟୀ ଅଧିକାରୀମାନେ ଚାକିରୀ ଛାଡିଦେବା ନିଶ୍ଚିତ ବୋଲି ଜଣାପଡିଛି।