ବିଜେଡିରେ କ୍ରୀତଦାସ..ଗୋଟିଏ କଥାକୁ କିପରି କହିଲେ ପ୍ରଦୀପ ପାଣିଗ୍ରାହୀ ଓ ବିଜୟ ପଟ୍ଟନାୟକ

ଭୁବନେଶ୍ୱର : ମୁଖ୍ୟମନ୍ତ୍ରୀ ବିଜୁ ପଟ୍ଟନାୟକଙ୍କ ପୁଅ। ରାଜ୍ୟରେ ଏତେ ସବୁ କାଣ୍ଡ ଘଟି ଯାଉଛି। ସେ କାହିଁକି ନୀରବ ରହୁଛନ୍ତି। ତାଙ୍କ ଭଉଣୀ ଗୀତା ମେହଟ୍ଟା, ଭାଇ ପ୍ରେମ୍ ପଟ୍ଟନାୟକ କିଛି କହୁନାହାନ୍ତି। ଏହା କଣ ଠିକ୍ କି ବୋଲି ବିଧାୟକ ପ୍ରଦୀପ ପାଣିଗ୍ରାହୀ ଶନିବାର କହିଛନ୍ତି। ପ୍ରଦୀପ ଆହୁରି କହିଛନ୍ତି ଯେ, ବିଜେଡିରେ ରାଜନେତାଙ୍କୁ କ୍ରୀତଦାସ ଭଳି ବ୍ୟବହାର କରାଯାଉଛି। ସତ କହିଲେ ଜେଲ୍ ଡ଼ର ଦେଖାଉଛନ୍ତି। ମୁଖ୍ୟମନ୍ତ୍ରୀ ସମ୍ବିଧାନ ଉପରେ ନୁହଁନ୍ତି। ସିଏମଓର ମୁଖ୍ୟ ମୁଖ୍ୟମନ୍ତ୍ରୀ। ଯେଉଁ ସଚିବ ଯାଉଛନ୍ତି-ସେ କେଉଁ ବିଭାଗରେ। ସଚିବଙ୍କ କାର୍ଯ୍ୟକ୍ରମରେ ପୁଲିସ୍ କଣ ବ୍ୟବହାର କରାଯାଉଛି ବୋଲି ଶ୍ରୀ ପାଣିଗ୍ରାହୀ କହିଛନ୍ତି। କଂଗ୍ରେସ ପ୍ରଚାର କମିଟି ଅଧ୍ୟକ୍ଷ ବିଜୟ ପଟ୍ଟନାୟକ ମଧ୍ୟ ଏହି ପ୍ରସଙ୍ଗରେ ମୁହଁ ଖୋଲିଛନ୍ତି। ସେ କହିଛନ୍ତି ଯେ,  ଗଞ୍ଜାମରେ ଶୁକ୍ରବାର ଯାହା ଘଟିଲା, ତାହା ବିଜେଡି ଦଳର ଆଭ୍ୟନ୍ତରୀଣ ବ୍ୟାପାର ହୋଇପାରେ। ହେଲେ ଜଣେ ଜନ ପ୍ରତିନିଧିଙ୍କ ପ୍ରତି କାହିଁକି ଏପରି ଆକ୍ରମଣ କରାଗଲା। ବିଜେଡିରେ ଜନ ପ୍ରତିନିଧିଙ୍କର କୌଣସି ଅଧିକାର ହିଁ ନାହିଁ। ସେମାନେ ଦୁଇ ପ୍ରକାର ବର୍ଗରେ ଆସୁଛନ୍ତି। ସେମାନେ ଜେଲ ଯିବେ, ନ ହେଲେ କ୍ରୀଡଦାସ ଭଳି ରହିବେ। କ୍ରୀତଦାସ କଥା ଖୋଦ୍ ବିଜେଡି ନେତା କହିଥିବା କଥା ଶ୍ରୀ ପଟ୍ଟନାୟକ ମନେ ପକାଇ ଦେଇଥିଲେ।