କେଜ୍ରିୱାଲଙ୍କ ଆପକୁ ଭୋଟ ଦେବେ ରାହୁଲ ଗାନ୍ଧି …
ନୂଆଦିଲ୍ଲୀ:ରାହୁଲ ଗାନ୍ଧି ଦେବେ ଆମ ଆଦମୀ ପାର୍ଟିକୁ ଭୋଟ । ଦିଲ୍ଲୀରେ ଆସନ୍ତା ୨୫ ତାରିଖରେ ହେବାକୁ ଥିବା ନିର୍ବାଚନରେ କଂଗ୍ରସର ରାହୁଲ ଗାନ୍ଧି କେଜ୍ରିୱାଲଙ୍କ ଆପ୍କୁ ଭୋଟ ଦେବେ ବୋଲି ରବିବାର ଏକ ବିଶାଳ ରାଲିରେ କହିଛନ୍ତି।
ନିର୍ବାଚନୀ ପ୍ରଚାର ସମୟରେ ରାହୁଲ କହିଥିଲେ, ‘ମୁଁ ଆସନ୍ତା ୨୫ ତାରିଖରେ ମତଦାନ ସମୟରେ ଆପ୍କୁ ଭୋଟ ଦେବି। ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ କଂଗ୍ରେସକୁ ଭୋଟ ଦେବେ।’ ଉଲ୍ଲେଖ ଯେ, ଚଳିତ ନିର୍ବାଚନରେ ବିଜେପିକୁ ଟକ୍କର ଦେବା ଲାଗି ବିରୋଧୀ ଦଳଗୁଡ଼ିକ ମିଶି ଇଣ୍ଡିଆ ବ୍ଲକ ମେଣ୍ଟ ଗଠନ କରିଛନ୍ତି। ବିଭିନ୍ନ ରାଜ୍ୟରେ ଦଳଗୁଡ଼ିକ ବୁଝାମଣା ଭିତ୍ତିରେ ଆସନ ଭାଗବାଣ୍ଟି ନିର୍ବାଚନ ଲଢ଼ୁଛନ୍ତି। ଦିଲ୍ଲୀର ୭ଟି ଲୋକସଭା ଆସନ ମଧ୍ୟରୁ ଆପ୍ ୪ଟିରେ ପ୍ରାର୍ଥୀ ଦେଇଥିବା ବେଳେ କଂଗ୍ରେସ ୩ଟିରେ ପ୍ରାର୍ଥୀ ଦେଇଛି। ଉଭୟ ଦଳ ବୁଝାମଣା ଭିତ୍ତିରେ ପ୍ରାର୍ଥୀ ଦେବା ସହିତ ନିର୍ବାଚନରେ ପରସ୍ପରକୁ ସମର୍ଥନ କରିବା ନେଇ ଘୋଷଣା କରିଛନ୍ତି। ରାହୁଲ ରାଲିରେ ମଧ୍ୟ ଦୁଇ ଦଳର କର୍ମୀମାନଙ୍କୁ ଏକାଠି କାମ କରିବାକୁ ପରାମର୍ଶ ଦେଇଛନ୍ତି।
