ମୋଦିଙ୍କୁ ଜନମତର ଆଇନା ଦେଖାଇଲେ ସୋନିଆ..
ନୂଆଦିଲ୍ଲୀ : ସାଧାରଣ ନିର୍ବାଚନ ଫଳାଫଳ ଆସିବା ପରେ ପ୍ରଥମ ଥର ପାଇଁ କଂଗ୍ରେସ ନେତ୍ରୀ ସୋନିଆ ଗାନ୍ଧୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ କେତେକ ଗୁରୁତ୍ୱପୂର୍ଣ୍ଣ ପ୍ରସଙ୍ଗରେ ଅବଗତ କରିଛନ୍ତି। କଂଗ୍ରେସ ସଂସଦୀୟ ଦଳର ଅଧ୍ୟକ୍ଷ ଯେ, ସୋନିଆ ଗାନ୍ଧୀ କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦେଶର ଭୋଟରଙ୍କ ଜନାଦେଶକୁ ବୋଧ ବୁଝି ପାରୁ ନାହାନ୍ତି। ପ୍ରଧାନମନ୍ତ୍ରୀ ଏପରି କାର୍ଯ୍ୟ କରୁଛନ୍ତି ସତେ ଯେପରି କିଛି ପରିବର୍ତ୍ତନ ହୋଇନାହିଁ। ସେ ସହମତିର ମୂଲ୍ୟ ନେଇ ଉପଦେଶ ଦେଉଛନ୍ତି, କିନ୍ତୁ ମୁକାବିଲାକୁ ଗୁରୁତ୍ୱ ଦେଉଛନ୍ତି। ପ୍ରଧାନମନ୍ତ୍ରୀ କାହିଁକି ଏଭଳି କାର୍ଯ୍ୟ କରୁଛନ୍ତି ବୋଲି ସେ ପ୍ରଶ୍ନ କରିଛନ୍ତି। ସଂସଦର କାର୍ଯ୍ୟକାରିତା ବିଷୟରେ ସେ କହିଛନ୍ତି, ଦୁଃଖର ବିଷୟ, ୧୮ତମ ଲୋକସଭାର ପ୍ରଥମ କିଛି ଦିନ ଉତ୍ସାହଜନକ ରହିନାହିଁ।। ପାରସ୍ପରିକ ସମ୍ମାନ ଏବଂ ସୌହାର୍ଦ୍ଦ୍ୟର ଏକ ନୂତନ ଊତ୍ସାହ ବିକାଶ କରିବାର ଆଶା ମିଥ୍ୟା ପ୍ରମାଣିତ ହୋଇଛି ବୋଲି ସୋନିଆ ନିଜ ସ୍ତମ୍ଭରେ ଉଲ୍ଲେଖ କରିଛନ୍ତି। ସେ ଆହୁରି କହିଛନ୍ତି ଯେ, ଆମେ ଆଶା କରୁଛୁ ପ୍ରଧାନମନ୍ତ୍ରୀ ଏବଂ ତାଙ୍କ ସରକାର ସକାରାତ୍ମକ ପ୍ରତିକ୍ରିୟା ପ୍ରକାଶ କରିବେ। ପ୍ରାରମ୍ଭିକ ପ୍ରମାଣ ଭଲ ନୁହେଁ, କିନ୍ତୁ ବିରୋଧୀ ଦଳ ଭାବରେ ସଂସଦରେ ସନ୍ତୁଳନ ଯଥାସ୍ଥିତି ବଜାୟ କରିବାକୁ କଂଗ୍ରେସ ଓ ବିରୋଧୀ ମେଣ୍ଟ ପ୍ରତିଶ୍ରୁତିବଦ୍ଧ। ସେମାନଙ୍କ ପ୍ରତିନିଧି ଭାବରେ ଆମକୁ ସେଠାକୁ ପଠାଇଥିବା ଲୋକମାନଙ୍କର ଚିନ୍ତାଧାରା ଶୁଣାଯିବ ଏବଂ ସମାଧାନ କରାଯିବ ବୋଲି ଆମେ ଆଶା କରୁଛୁ ଶାସକ ଦଳ ଆଗକୁ ଆସିବେ ଯାହା ଦ୍ବାରା ଆମେ ଆମର ଗଣତାନ୍ତ୍ରିକ କର୍ତ୍ତବ୍ୟ ପାଳନ କରିବା ଉପରେ ସୋନିଆ ଗୁରୁତ୍ୱାରୋପ କରିଛନ୍ତି। ଅପରପକ୍ଷରେ ସୋନିଆ ଗାନ୍ଧୀ ସଂଖ୍ୟାଲଘୁମାନଙ୍କ ବିଷୟରେ କହିଛନ୍ତି ଯେ, ଭାରତର ଅଳ୍ପସଂଖ୍ୟକ ଲୋକଙ୍କ ପ୍ରତି ହିଂସା ଏବଂ ଧମକ ଅଭିଯାନ ପୁଣି ଥରେ ବୃଦ୍ଧି ପାଇଛି। ବିଜେପି ଶାସିତ ରାଜ୍ୟମାନଙ୍କରେ, ବୁଲଡୋଜର କେବଳ ଅଭିଯୋଗ ଆଧାରରେ ଅଳ୍ପସଂଖ୍ୟକ ମୁସଲମାନଙ୍କ ଘର ଭାଙ୍ଗିଦେଇଛି। ପ୍ରଧାନମନ୍ତ୍ରୀ ନିର୍ବାଚନ ପ୍ରଚାର ସମୟରେ ବ୍ୟବହୃତ ସାମ୍ପ୍ରଦାୟିକତା ନେଇ ସମ୍ପୂର୍ଣ୍ଣ ମିଥ୍ୟା କହିଛନ୍ତି। ଯାହା ଅତ୍ୟନ୍ତ ଆଶ୍ଚର୍ଯ୍ୟଜନକ । ନିର୍ବାଚନ ତାଙ୍କ ହାତରୁ ଚାଲିଯିବାର ଆଶଙ୍କା ଥିବାରୁ ସେ ତାଙ୍କ କାର୍ଯ୍ୟାଳୟର ସମ୍ମାନକୁ ମଧ୍ୟ ଅଣଦେଖା କରିଥିଲେ। ଏଭଳି କହିବା ପ୍ରଧାନମନ୍ତ୍ରୀଙ୍କ ପାଇଁ ଠିକ୍ ନୁହେଁ ଅବା ଦେଶର ଗଣତନ୍ତ୍ର ଲାଗି ଶୁଭଙ୍କର ନୁହେଁ ବୋଲି କହି ସୋନିଆ ଚେତାଇ ଦେଇଛନ୍ତି।
