ଅତନୁ ଓ ଅରୁଣଙ୍କୁ କଟାକ୍ଷ କଲେ ସୌମ୍ୟ ପଟ୍ଟନାୟକ

ଭୁବନେଶ୍ୱର : ନୟାଗଡ ବିଧାୟକ ଅରୁଣ ସାହୁଙ୍କ ମନ୍ତ୍ରୀ ପଦ ଚାଲିଯାଇଛି। ତେଣୁ ଆଗାମୀ ଦିନରେ ମନ୍ତ୍ରୀ ପଦ ପାଇବାକୁ ପଡିବ। ତେଣୁ ସେ ମୋ ବିରୋଧରେ କହୁଛନ୍ତି। ସମାନ ଅବସ୍ଥା ଅତନୁ ସବ୍ୟସାଚୀ ନାୟକଙ୍କ ମନ୍ତ୍ରୀ ପଦ ଚାଲିଯିବାର ଭୟ ରହୁଛି। ତେଣୁ ସେମାନେ ପ୍ରାୟ ଦୁଇ ସପ୍ତାହ ପରେ କାହା ନିର୍ଦ୍ଦେଶରେ ମୋ ବିରୋଧରେ ମନ୍ତବ୍ୟ ଦେଇଛନ୍ତି। ପାଟକୁରା ଗାନ୍ଧୀଙ୍କ ପୁଅ ହୋଇ କାହିଁକି ଏପରି କହୁଛନ୍ତି, ତାହା ବୁଝା ପଡୁନାହିଁ ବୋଲି ଖଣ୍ଡପଡା ବିଧାୟକ ସୌମ୍ୟ ରଞ୍ଜନ ପଟ୍ଟନାୟକ କହିଛନ୍ତି। ସୌମ୍ୟ ପଟ୍ଟନାୟକ ବିରୋଧରେ ଲେଖିଲେ ଖବର କାଗଜ ଅଧିକ ବିକ୍ରି ହେବନି। ସେହିପରି ତାଙ୍କ ବିରୋଧରେ ଖବର ପରିବେଷଣ କଲେ ଟିଭି ଅଧିକ ଲୋକ ଦେଖିବେନି। ସକାଳ ଓ ନନ୍ଦିଘୋଷର ଅଧିକାଂଶ ସାମ୍ବାଦିକଙ୍କୁ ମୁଁ ଶିଖେଇଛି। ହେଲେ ସେମାନେ ଯାହା ବର୍ତ୍ତମାନ କରୁଛନ୍ତି, ତାହା ମୁଁ ଶିଖେଇ ନ ଥିଲି ବୋଲି ଶ୍ରୀ ପଟ୍ଟନାୟକ କହିଛନ୍ତି। ଗତକାଲି ଅରୁଣ ସାହୁ ଏବଂ ଆଜି ଅତନୁ ସବ୍ୟସାଚୀ ନାୟକ ଉଭୟ ସୌମ୍ୟ ରଞ୍ଜନ ପଟ୍ଟନାୟକଙ୍କୁ ବ୍ଲାକମେଲର ଏବଂ ମନ୍ତ୍ରୀ ପଦ ନ ପାଇବାରୁ ବିଜେଡି ବିରୋଧରେ କାମ କରୁଛନ୍ତି ବୋଲି କହି ସମାଲୋଚନା କରିଥିଲେ। ଏହାକୁ ନେଇ ସୌମ ପ୍ରତିକ୍ରିୟା ପ୍ରକାଶ କରିଥିଲେ।