୨୦୨୪ ସାଧାରଣ ନିର୍ବାଚନ: ଇଣ୍ଡିଆ ବନାମ ଏନଡିଏ ଲଢେଇ

ନୂଆଦିଲ୍ଲୀ : ଆସନ୍ତା ୨୦୨୪ ସାଧାରଣ ନିର୍ବାଚନରେ ପାଇଁ ଶାସକ ଓ ବିରୋଧ ଦଳ ଆନୁଷ୍ଠାନିକ ମେଣ୍ଟର ଘୋଷଣା କରିଛନ୍ତି। ବିହାରର ପାଟଣା ପରେ କର୍ନାଟକର ବେଙ୍ଗଲୁରୁରେ ବିରୋଧି ଦଳମାନଙ୍କର ବୈଠକ ହୋଇଛି। ଏହି ବୈଠକରେ ୟୁପିଏ ନାମ ପରିବର୍ତ୍ତନ କରି ଇଣ୍ଡିଆ ରଖାଯାଇଛି। ସର୍ବସମ୍ମତିକ୍ରମେ ବିରୋଧୀ ମେଣ୍ଟ INDIAରେ ପରିଚୟ ହାସଲ କରିବ ବୋଲି ଜଣାପଡ଼ିଛି। INDIA ପୂରା ନାଁ ହେଲା Indian National Democratic Inclusive Alliance। ବାମ ଦଳ ପକ୍ଷରୁ ଆଲିଆନ୍ସ ଶବ୍ଦକୁ ବିରୋଧ କରାଯାଇଥିଲା। ତେବେ ପରବର୍ତ୍ତୀ ଅବସ୍ଥାରେ ବିରୋଧୀ ମେଣ୍ଟର ନାଁ INDIA ରହିବ ବୋଲି ସ୍ଥିର କରାଯାଇଛି।

ଏହି ନୂଆ ରାଜନୈତିକ ଶକ୍ତିର କିଏ ଅଧ୍ୟକ୍ଷ ହେବ, ତାହା ସ୍ପଷ୍ଟ ହୋଇନି। କିନ୍ତୁ ବୈଠକର ପ୍ରଥମ ଦିନରେ ସୋନିଆ ଗାନ୍ଧିଙ୍କ ନାଁ ଏହି ପଦ ପାଇଁ ପ୍ରସ୍ତାବ ଦିଆଯାଇଥିଲା। ଏବେ ଦ୍ୱିତୀୟ ଦିନରେ ଏହା ଉପରେ ଚୂଡ଼ାନ୍ତ ନିଷ୍ପତ୍ତି ନିଆଯିବ ବୋଲି ଜଣାପଡ଼ିଛି।

ବୈଠକରେ ସକାରାତ୍ମକ ଆଲୋଚନା ହୋଇଥିବା ମମତା ବାନାର୍ଜୀ ସୂଚନା ଦେଇଛନ୍ତି।

ସେହିପରି ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ସିଧାସଳଖ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଟାର୍ଗେଟ କରିଛନ୍ତି। ଶ୍ରୀ କେଜ୍ରିଓ୍ୱାଲ କହିଛନ୍ତି ଯେ, ୧୦ ବର୍ଷର ଶାସନ ଭିତରେ ମୋଦି ସବୁ କ୍ଷେତ୍ରକୁ ବରବାଦ କରିଛନ୍ତି। ପରବର୍ତ୍ତୀ ବୈଠକ ମହାରାଷ୍ଟ୍ରରେ ଅନୁଷ୍ଠିତ ହେବ ବୋଲି ଜଣାପଡିଛି।
ଅପରପକ୍ଷରେ ବିଜେପି ନେତୃତ୍ୱାଧିନ ଏନଡିଏ ବୈଠକ ସମାନ ଦିନରେ ସନ୍ଧ୍ୟାରେ ହୋଟେଲ ଅଶୋକରେ ଅନୁଷ୍ଠିତ ହେଉଛି। ଏଥିରେ ଅଠତିରିଶିଟି ଦଳ ଯୋଗ ଦେଇଛନ୍ତି।