ରେବନ୍ତଙ୍କୁ କଂଗ୍ରେସ ଆଣିବାରେ ପ୍ରମୁଖ ଭୂମିକା ଗ୍ରହଣ କରିଥିଲେ ଏହି ନେତା
ଭୁବନେଶ୍ୱର: ତେଲେଙ୍ଗାନାର ଦ୍ୱିତୀୟ ତଥା କଂଗ୍ରେସ ପାର୍ଟିର ପ୍ରଥମ ରାଜନେତା ଭାବେ ରେବନ୍ତ ରେଡ୍ଡି ଗୁରୁବାର ଶପଥ ନେବାକୁ ଚାହୁଁଛନ୍ତି। ଛାତ୍ର ଜୀବନରେ ଅଖିଳ ଭାରତୀୟ ବିଦ୍ୟାର୍ଥୀ ପରିଷଦ, ପରବର୍ତ୍ତୀ ସମୟରେ ତେଲେଙ୍ଗାନା ରାଷ୍ଟ୍ର ସମିତି ପୁଣି ତେଲୁଗୁ ଦେଶମ ପାର୍ଟି ହୋଇ କଂଗ୍ରେସରେ ଯୋଗ ଦେଇଥିଲେ ରେବନ୍ତ। ମାତ୍ର ଟିଡିପି ଛାଡି କଂଗ୍ରେସ ଆସିବା ପାଇଁ ସମୟ ନେଇଥିଲେ ରେବନ୍ତ। ଏଆଇସିସି, ରାହୁଲ ଗାନ୍ଧୀଙ୍କୁ ମନାଇ ତାଙ୍କୁ କଂଗ୍ରେସ ଆଣିବା ଏବଂ ପରବର୍ତ୍ତୀ ସମୟରେ ଦାୟିତ୍ୱ ଦେବା ଏକ ଲମ୍ବା ପ୍ରକ୍ରିୟା ଥିଲା। ଏହି ପ୍ରକ୍ରିୟାରେ ଜଣେ ଓଡ଼ିଆ ନେତାଙ୍କ ଭୂମିକା ଗୁରୁତ୍ୱପୂର୍ଣ୍ଣ ରହିଥିଲା। ଏହି ନେତା ଜଣଙ୍କ ହେଉଛନ୍ତି ପୂର୍ବତନ କେନ୍ଦ୍ର ମନ୍ତ୍ରୀ ତଥା କଳାହାଣ୍ଡିର ପ୍ରାକ୍ତନ ଏମପି ଭକ୍ତ ଚରଣ ଦାସ। ରେବନ୍ତଙ୍କୁ କଂଗ୍ରେସ ଆଣିବାରେ ଶ୍ରୀ ଦାସ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ। ଅନୁରୂପ ଭାବେ କିଛିବର୍ଷ ପୂର୍ବେ କହ୍ନେୟା କୁମାରଙ୍କୁ ମଧ୍ୟ ଦଳରେ ମିଶାଇବା ପାଇଁ ସେ ପଦକ୍ଷେପ ନେଇଥିଲେ। ଜଣେ ଯୁବ କଂଗ୍ରେସ କାର୍ଯ୍ୟକର୍ତ୍ତା ନୀରଜ ମିଶ୍ରା ଟୁଇଟର ମାଧ୍ୟମରେ ଏହା ପ୍ରକାଶ କରିଛନ୍ତି।
