ଦଶହରାରେ ଅବସର..ଦୀପାବଳୀରେ ବିଜେଡିରେ ଯୋଗ ଦେବେ କି.. ଭି.କେ ପାଣ୍ଡିଆନ୍….

ଭୁବନେଶ୍ୱର: ଦଶହରାର ଦିନକ ପୂର୍ବରୁ ନବମୀ ଦିନ ସନ୍ଧ୍ୟାରେ ଏକ ଖବର ଆସିଲା। ଯାହା ବିଶ୍ୱକପ୍ ଅଭିଯାନରେ ପାକିସ୍ଥାନକୁ ଅଫଗାନିସ୍ଥାନ ହରାଇଥିବା ଭଳି ଅର୍ନ୍ତଜାତୀୟ ଖବରକୁ ପଛରେ ପକାଇଦେଲା। ଏହା ରାଜଧାନୀ ଭୁବନେଶ୍ୱର ଠାରୁ ଆରମ୍ଭ କରି ଓଡ଼ିଶାର ବିଭିନ୍ନ ସ୍ଥାନରେ ଏହି ଖବର ଚର୍ଚ୍ଚା ଜୋର ଧରିଲା। ଏହି ଖବରଟି ଥିଲା ମୁଖ୍ୟମନ୍ତ୍ରୀଙ୍କ ବ୍ୟକ୍ତିଗତ ସଚିବ ଭି.କେ ପାଣ୍ଡିଆନ୍ ସରକାରୀ ଚାକିରୀରୁ ସ୍ୱେଚ୍ଛାକୃତ ଅବସର। ଏହି ଖବରକୁ ୨୪ ଘଣ୍ଟା ନ ପୂରୂଣୁ ଆଉ ଏକ ଖବର ଆସିଥିଲା। ଏହା ଥିଲା ୫-ଟି ରୂପାୟନ ଏବଂ ନୂତନ ଭାବେ ଜାରି ରହିଥିବା ନବୀନ ଓଡ଼ିଶା କାର୍ଯ୍ୟକ୍ରମର ଅଧ୍ୟକ୍ଷ ଭାବେ ଭି.କେ ପାଣ୍ଡିଆନଙ୍କ ନିଯୁକ୍ତି। ଏହା ଯେମିତି ଅସ୍ୱାଭାବିକ ନ ଥିଲେ ବି କେତେକଙ୍କ ପାଇଁ ଅକସ୍ମାତ ଥିଲା। ବର୍ତ୍ତମାନ ଦୀପାବଳି ଦିନ କିମ୍ବା ଏହାର ଠିକ୍ ପରେ ପରେ ଭି.କେ.ପାଣ୍ଡିଆନ୍ ଖୁବ୍ ଶୀଘ୍ର ବିଜେଡିରେ ଯୋଗଦେବେ ବୋଲି କୁହାଯାଉଛି । ଦୈନିକ ଇଂରାଜୀ ଖବରକାଗଜ ଟାଇମସ୍ ଅଫ ଇଣ୍ଡିଆରେ ଆଜି ଏପରି ଏକ ରିପୋର୍ଟ ପ୍ରକାଶ କରିଛି। ଦ ଉଇକ୍ ମାଗାଜିନ୍ ରିପୋର୍ଟ ଏବଂ ଆଜି ପ୍ରକାଶିତ ଟାଇମସ୍ ଅଫ ଇଣ୍ଡିଆ ରିପୋର୍ଟ ତାଙ୍କ ଯୋଗଦାନ ଯୁକ୍ତିକୁ ଆହୁରି ବଳିଷ୍ଠ କରିଛି।  ଦଳ ମଧ୍ୟରେ ଥିବା ବହୁ ନେତା ଅଣ ଆନୁଷ୍ଠାନିକ ଭାବେ ଏହା ସ୍ୱୀକାର କରିବାରେ ଲାଗିଛନ୍ତି।  

।